Barlyq óńirge jańa bozkilemder syıǵa beriledi

Jaqynda  Grek-rım, erkin jáne áıelder kúresi federaııasynyń prezıdenti Saýat Myńbaev pen Ulttyq Olımpıada komıtetiniń basshysy  Tımýr Qulybaevtyń bastamasymen elimizdiń barlyq óńirlerindegi sport mektepterin arnaıy kilemdermen jabdyqtaý qolǵa alyndy, dep habarlady Ulttyq Olımpıada komıtetiniń baspasóz qyzmeti.

Demeýshilerdiń kómegimen atqarylyp jatqan joba kelesi jyldyń naýryz aıyna deıin jalǵasady. Federaııanyń esebi boıynsha aldaǵy ýaqytta damý jaǵynan artta qalyp jatqan aımaqtarǵa 150-den asa kilem úlestirý josparda bar. Sonyń 43-i qazirdiń ózinde óz ıelerin tapty. Atap aıtsaq, Almaty qalasy, Soltústik jáne Batys Qazaqstan, Qaraǵandy, Ońtústik Qazaqstan oblystaryndaǵy aýdandar kilemmen qamtamasyz etildi. Naqtyraq aıtqanda, búginde Shahtınsk (Qaraǵandy oblysy) men Jezqazǵan, Satbaev (Qaraǵandy oblysy) qalalarynda jáne Terekti (BQO), Syrym (Atyraý oblysy), Mamlıýt (SQO) aýdandaryndaǵy balalar men jasóspirimderge arnalǵan sport mektepterine arnaıy kilem tósenishteri jetkizilgen. Aldaǵy ýaqytta federaııa basshylary elimizdiń basqa da aımaqtaryna qol ushyn sozyp, jas palýandardyń alańsyz jattyǵý jasaýyna jaǵdaı jasamaq.

• Kúres – elimizdegi eń tanymal sport túrleriniń biri. Sondyqtan qazirgi tańda Astana men Almaty qalalaryna jáne barlyq 14 oblysqa qarasty sport mektepterine tegin kilemder úlestirip, kúrestiń damýyna úlesimizdi qosyp otyrmyz. Mundaı bastama Kúres federaııasy men Sporttyq jekpe-jek jáne kúsh qoldanylatyn sport túrleri konfederaııasy, Ulttyq Olımpıada komıtetiniń qoldaýymen júzege asyp jatyr,— dedi Grek-rım, erkin jáne áıelder kúresi federaııasynyń bas hatshysy Anatolıı Voloha.

Grek-rım kúresinen Beıjiń Olımpıadasynyń kúmis júldegeri Nurbaqyt Teńizbaevtyń aıtýynsha, federaııanyń júrgizip jatqan mundaı is-sharasy elimizdegi kúrestiń damýyna oń yqpalyn tıgizedi.

— Grek-rım, erkin jáne áıelder kúresi federaııasynyń mundaı bastama kóterip, aımaqtardaǵy kúrestiń damýyna oń yqpal jasap jatqanyna qýanyshtymyn. Bárimizde aýylda óstik. Bolashaq chempıondardyń bári aýyldan shyqqan. Sondyqtan Federaııa basshylarynyń alys shalǵaıdaǵy aýyl-aýdandarǵa kómek qolyn sozyp, sport mektepterin qajetti qural-jabdyqtarmen qamtamasyz etip jatqany óte durys, — dedi N.Teńizbaev.

Qazirgi tańda elimizde 130 myńǵa jýyq adam turaqty túrde kúres túrlerimen aınalysyp jatyr. Osylaısha, sońǵy jyldary grek-rım, erkin jáne áıelder kúresi federaııasy elimizde kúres túrlerin damytý jolynda kóptegen ıgi is-sharalardy qolǵa alyp otyr. Búginde aımaqtarda jas palýandardyń kúrespen shuǵyldanýyna jaqsy jaǵdaı jasalǵan.