• Қазақ
  •   
  • Qazaq
  •   
  • قازاق
  •   
  • Рус
  •   

    قاسىم-جومارت توقاەۆ: «بۇل جارىس جاستاردىڭ قارىمىن كورسەتەدى»

    استانادا وتەتىن گراند فينال ءتۋرنيرى قارساڭىندا پارلامەنت سەناتىنىڭ توراعاسى، ۇستەل تەننيسى فەدەراتسياسىنىڭ پرەزيدەنتى قاسىم-جومارت توقاەۆ «قازاقپارات» حاا تىلشىسىنە نەلىكتەن الەمدىك دارەجەدەگى سايىس تمد مەملەكەتتەرىنىڭ اراسىندا العاش رەت قازاقستاندا بولاتىنىن ايتىپ بەردى.

    — قاسىم-جومارت كەمەل ۇلى، الدا ۇستەل تەننيسىنەن استانادا وتەتىن گراند فينال سايىسى كەلە جاتىر. ءبىزدىڭ ەلدىڭ جارىستى وتكىزۋدە دايىندىعى قالاي؟

     — بۇل ءتۋرنيردى وتكىزۋ — قازاقستاننىڭ ۇستەل تەننيسى فەدەراتسياسى ءۇشىن ۇلكەن جەتىستىك. ءبىزدىڭ ەل تەك قانا سپورتشىلارىمەن عانا ەمەس، ۇلكەن حالىقارالىق سايىستاردى وتكىزۋگە جاعدايى بار سپورتتىق دەرجاۆا رەتىندە تانىلعان مەملەكەت. تاۋەلسىزدىك العالى بەرى ءبىزدىڭ ەلدە ءارتۇرلى سپورت تۇرلەرى بويىنشا الەمدىك دەڭگەيدەگى جارىستار ۇيىمداستىرىلعان. ەندىگى كەزەكتە ۇستەل تەننيسىنىڭ الەمدىك كارتاسىندا استانا دا ويىپ تۇرىپ ورىن الادى. قازاقستاننىڭ ۇستەل تەننيسى فەدەراتسياسىنا ۇلكەن جاۋاپكەرشىلىك ارتىلىپ وتىر. ءبىز مۇنى وتە جاقسى ءتۇسىنىپ وتىرمىز. فەدەراتسيا ءتۋرنيردى وتكىزۋ بويىنشا وتە اۋقىمدى جۇمىستاردى اتقاردى. گراند فينالدىڭ جاقسى وتۋىنە ۇمىتتەنە وتىرىپ، بۇل شارا حالىقارالىق باق-تا كەڭىنەن جاريالانار دەگەن سەنىمدەمىز. سونىمەن قاتار، بۇل تۋرنير وتانداستارىمىز ءۇشىن شەتەلدىكتەرمەن تاجىريبە الماسۋعا تاماشا مۇمكىندىك بولىپ وتىر.

    بىرنەشە جىل بويى سپورتشىلارىمىز جەر-ءجۇزىنىڭ ۇستەل تەننيسىنىڭ سايىپقىراندارىمەن جۇزبە-ءجۇز كورىسىپ، ويىنىن تاماشالاۋعا مۇمكىندىك الدى. ال ءبىزدىڭ ەلدە سپورتتىڭ وسى ءتۇرىنىڭ قالاي دامىپ كەلەدى؟

    — ۇستەل تەننيسى — الەمدەگى بۇقارالىق تۇرعىدان ەڭ اۋقىمدى ءارى قولجەتىمدى سپورت ءتۇرى. قازاقستاندا جۇيەلى تۇردە ۇستەل تەننيسىن ويناپ جۇرگەندەردىڭ سانى 150 مىڭ ادامعا جەتەدى. قازىرگى تاڭدا كاسىبي تۇردە 5 مىڭ سپورتشى ۇستەل تەننيسىن ويناسا، ولاردى 200-گە جۋىق ادام جاتتىقتىقتىرىپ جاتىر. بۇگىندە ءبىز الەمدەگى ەڭ مىقتى دەگەن قىتاي نەمەسە جاپونيا سەكىلدى مەملەكەتتەردىڭ جەتەكشى سپورتشىلارىمەن باسەكەگە تۇسەمىز دەپ ماقتانا المايمىز. بىراق، ءبىزدىڭ سپورتشىلاردىڭ ۇزدىكتەرمەن يىق تىرەستىرىپ، تاجىريبە الۋ ارقىلى توپ جارۋعا تولىق مۇمكىندىگى بار.

    فەدەراتسيا مەن سپورتشىلار وزدەرىنىڭ الدىنا قانداي ماقسات قويىپ وتىر؟

    — فەدەراتسيانىڭ الدىندا ەلىمىزدەگى بۇقارالىق سپورتتى دامىتۋ مىندەتى تۇر. ءبىز ەڭ الدىمەن بالالار مەن جاسوسپىرىمدەردىڭ جاعدايىنا نازار اۋدارامىز. سەبەبى، بۇل سپورت وزگەلەردەي جاس بۋىندى سالاماتتى ءومىر سالتىن ساقتاۋعا شاقىرادى. بۇكىل وڭىرلەردە وسى سپورت ءتۇرىن دامىتۋ — نەگىزگى مىندەتتەردىڭ ءبىرى. فەدەراتسيا ۇستەل تەننيسىنەن ۇلتتىق قۇرامانى جاساقتاۋمەن اينالىسۋدا. جاتتىعۋدى ۇيىمداستىرۋ بويىنشا ۇلكەن جۇمىستار اتقارىلىپ كەلەدى. ۇلتتىق قۇراماعا قاراعاندىلىق بەلگىلى جاتتىقتىرۋشى ە.اليەۆا جەتەكشىلىك ەتەتىن بولدى. ءبىز سپورتشىلاردىڭ شەبەرلىگىن شىڭداپ، ەڭبەكپەن بىرگە باسەكەگە قابىلەتتىلىگىن قالايمىز. فەدەراتسيا جۇيەلى تۇردە جۇمىستى جۇرگىزەتىن بولسا الىنبايتىن اسۋ جوق. قازىر ۇلتىق قۇرامانى اۋىلدان، اۋداننان شىققان سپورتشىلار تولىقتىرىپ جاتىر.

    بۇل باعىتتا ناقتى قانداي جۇمىستار جۇرگىزىلىپ جاتىر؟

    — كۇندەلىكتى تارتىپتە سپورتتى دامىتۋعا باسا ماڭىز بەرىپ وتىرمىز. بارلىق وڭىرلەردە ۇستەل تەننيسىمەن اينالىسۋعا بولاتىنداي جايلى جاعداي جاسالۋى ءتيىس. بيىلعى جىلى فەدەراتسيا وبلىستىق فيليالدارداعى جاتتىعۋ زالدارىنىڭ جاعدايىن تەكسەرىپ قايتتى. وندا فەدەراتسيا ەڭ الدىمەن قۇرىلعىلاردىڭ جاڭارۋىنا دەن قويدى. سوندىقتان، ءبىز 100 كاسىبي ۇستەل مەن 500 ءبولۋشى تور ساتىپ الىپ، تاراتىپ بەردىك. قۇرامانىڭ نەگىزگى جاتتىعۋ بازاسى بولۋمەن بىرگە، رەسپۋبليكالىق بۇقارالىق شارالاردى وتكىزەتىن الماتىداعى سپورت زالدا كۇردەلى جوندەۋ جۇمىستارى جۇرگىزىلدى. قۇرىلعىلار جاڭارتىلعاننان كەيىن بالالار ءۇيى مەن مەكتەپ-ينتەرناتتارىنىڭ بالالارى اراسىندا «پينگ-پونگ حانشايىمى» اتتى ۇستەل تەننيسىنەن رەسپۋبليكالىق سايىس ۇيىمداستىرىلدى. وعان ەلىمىزدىڭ بارلىق وڭىرلەرىنەن 60 وقۋشى قاتىستى. سونىمەن قاتار، ءبىز كاسىبي جاتتىقتىرۋشى كادرلاردىڭ بولۋىنا ەرەكشە نازار اۋدارامىز. فەدەراتسيا جاتتىقتىرۋشىلاردىڭ بىلىكتىلىگىن ارتتىرۋ مىندەتىن وزىنە الىپ وتىر. بۇل — ءبىزدىڭ ءبىرىنشى قادام.

    14 جەلتوقسان كۇنى استانا الەمدىك ۇستەل تەننيسىنىڭ ورتالىعىنا اينالادى. سول سەبەپتى، استانالىقتار مەن بارلىق قالا قوناقتارىن وسىناۋ شاراعا شاقىرعىم كەلەدى. ءبىزدىڭ سپورتشى ك.گەراسيمەنكو ءۇشىن جانكۇيەر بولايىق.

    ەل ىشىندە ۇستەل تەننيسىن ناسيحاتتاۋدا قانداي جۇمىستار كەرەك دەپ ويلايسىز؟

    — ۇستەل تەننيسى — قىمبات ەكيپيروۆكانى قاجەت ەتپەيتىن الەمدەگى ەڭ قولجەتىمدى سپورت تۇرلەرىنىڭ ءبىرى. بۇل سپورتتى ناسيحاتتاي وتىرىپ، ءبىز دەنساۋلىعى مىقتى ۇلتتى قالىپتاستىرامىز، سالاماتتى ءومىر سالتىن ناسيحاتتايمىز. استانادا گراند فينالدىڭ ءوتۋى قازاقستانداعى ۇستەل تەننيسىن دامىتۋعا ۇلكەن سەرپىن بەرەتىنىنە سەنىمىم كامىل.

    فوتو: قازاقستان ۇستەل تەننيسى فەدەراتسياسى

     

     

     

     

     

     

     

     

     

    پىكىر جازۋ

    Your email address will not be published. Required fields are marked *

    *