ءسىز ناعىز ەڭبەك ەرىسىز!

پرەزيدەنت نۇرسۇلتان نازارباەۆتىڭ جارلىعىمەن جاقسىلىق ۇشكەمپىروۆ «قازاقستاننىڭ ەڭبەك ەرى» اتاعىن الدى، دەگەن حاباردى ەستىگەندە قۋانباعان قازاق بالاسى كەمدە-كەم شىعار. جاقسىلىق اعامىز مۇنداي بيىك مارتەبەگە ابدەن لايىق ازامات!

كەزىندە گرەك-ريم كۇرەسى بويىنشا قازاق پالۋاندارىنان ءبىرىنشى بولىپ كەڭەس وداعىنىڭ جانە كسرو حالىقتارى سپارتاكياداسىنىڭ چەمپيونى، وليمپيادا چەمپيونى اتانعان اعامىز سوناۋ جەتپىسىنشى-سەكسەنىنشى جىلدارى حالقىمىزدىڭ مارتەبەسىن بيىكتەتىپ، نامىس تۋىن جوعارى ۇستاپ ەدى. تۋراسىن ايتقاندا، ۇلتىمىزدىڭ رۋحىن كوتەرگەن بولاتىن. سول كەزدە قازاقتىڭ پالۋاندىق تاريحىندا كوشباسشى بولسا، ەندى مىنە، «قازاقستاننىڭ ەڭبەك ەرى» اتاعىنا يە بولعان العاشقى قازاق سپورتشى-كاسىپكەرى اتانىپ وتىر.

قادىرلى دوستار! بۇگىنگىدەي ۇلىق مەيرام ۇستىندە بارشاڭىزدى، سىزدەرمەن بىرگە جاقسىلىق اعامدى تاۋەلسىزدىك مەرەكەسىمەن شىن جۇرەكتەن قۇتتىقتايمىن! وتانىمىزدىڭ بەيبىتشىلىگى باياندى، تىرلىگى بەرەكەلى بولىپ، قازاق حالقى باقىتقا كەنەلە بەرسىن! جاقسىلىق اعا ءتارىزدى تاريحي تۇلعالارىمىز ءجۇز جاساسىن! اعامىزدىڭ مارتەبەسى بيىكتەي بەرسىن! قۋانىشى قۇتتى بولسىن!

ىزگى تىلەكپەن،

دۇنيەجۇزىلىك قازاق كۇرەسى فەدەراتسياسىنىڭ ءبىرىنشى ۆيتسە-پرەزيدەنتى سەرىك توكەەۆ