ورالدا ۇزدىك سپورت كلۋبقا قۇرمەت كورسەتىلدى

بۇگىن ورال قالاسىندا باتىس قازاقستان وبلىسىنىڭ ءبىر توپ ۇزدىك سپورتشىلارى مەن ۇستازدارىن ماراپاتتاۋ سالتاناتى بولىپ ءوتتى.

اتاپ ايتار بولساق، 7 جەلتوقسان كۇنى الماتىدا وتكەن «جىل ۇزدىكتەرى-2017» بايقاۋىندا بقو مۇمكىندىگى شەكتەۋلى جاندارعا ارنالعان سپورت كلۋبى ەلىمىز بويىنشا ەڭ ۇزدىك سپورت كلۋبى اتانعان بولاتىن. بىراق ماراپاتتاۋ سالتاناتىنا كلۋب وكىلدەرى قاتىسا المادى. سول سەبەپتەن تاعدىردىڭ قاتال سىنىنا مويىماي اعىسقا قارسى جۇزگەن قايسار جانداردىڭ ماراپاتىن ءوزىمىز əكەلىپ تاپسىرۋعا شەشىم قابىلدادىق.

سالتاناتتى شاراعا وبلىس سپورتىنىڭ باسشىسى Əسيا راحىمقىزى قاتىسىپ، قۇتتىقتاۋ ءسوز سويلەدى. «سپورت جۇلدىزدارى» جۋرنالىنىڭ باس رەداكتورى مۇساعالي تاسقاليەۆ كلۋب ديرەكتورى ازون شايماردانوۆقا «جىلدىڭ ۇزدىك سپورت كلۋبى-2017» سەرتيفيكاتى مەن ستاتۋەتكاسىن جəنە «دەنە شىنىقتىرۋ مەن سپورتتى دامىتۋعا قوسقان ۇلەسى ءۇشىن» توسبەلگىسىن تابىس ەتتى.

ازون اعامىزدىڭ وبلىستا مۇمكىندىگى شەكتەۋلى جاندارعا ارنالعان سپورت كلۋبىن اشۋعا سىڭىرگەن ەڭبەگى ۇشان-تەڭىز. ول كىسىنىڭ 2013 جىلى ماڭعىستاۋ وبلىسىنان ورالعا كوشىپ كەلگەندەگى ارمانى كلۋب اشۋ بولاتىن. جۋرنالىمىزدىڭ مۇقاباسىنا اعامىزدى شىعارىپ «اعىسقا قارسى جۇزگەن ادام» دەگەن ماقالا جاريالاعان ەدىك. ازەكەڭ سول ارمانىڭا جەتىپ 2016 جىلى سپورت كلۋبى اشىلىپ، ءبىر جىلدا وتە ۇلكەن بەلەستەردى باعىندىردى. مۇنىڭ ءبəرى مۇمكىندىگى شەكتەۋلى جان بولسا دا حالىقارالىق دəرەجەدەگى سپورت شەبەرى، قازاقستان رەسپۋبليكاسىنىڭ قۇرمەتتى سپورت قىزمەتكەرى ازون اعامىزدىڭ ەڭبەگى ەكەنى داۋسىز. اعامىز جاقىندا باپكەرلىكپەن اينالىسۋ ءۇشىن ديرەكتورلىقتان باس تارتىپ، ورنىنا دينارا Əيتيەۆا تاعايىندالسا دا جۇلدە ازەكەڭە تابىس ەتىلدى. ونداعى ماقساتىمىز اعامىزدىڭ اتقارعان ەڭبەگىنە لايىقتى باعاسىن بەرۋ بولاتىن. ەندىگى جەردە دينارا حانىم ول كىسى باستاعان ءىستى جالعاستىرىپ əكەتەدى دەگەن ويدامىز.

سونىمەن قاتار شارا بارىسىندا ۇزدىك دەنە شىنىقتىرۋ ءپانى مۇعالىمدەرى شامۋر تولەشوۆ پەن ايان جۇماعاليەۆتەر جəنە ۇزدىك مۋزىكا ءپəنى مۇعالىمدەرى ءايشابيبى ۇمبەتياروۆا مەن گۇلزينا ەسليامعاليەۆالار توسبەلگىلەرمەن ماراپاتتالدى.

شارا سوڭى مەرەكەلىك اق داستارحان باسىندا جالعاسىن تاپتى. كلۋب اتىنان ۆلەيبولدان ەلىمىز بويىنشا العاشقى كسرو سپورت شەبەرلەرىنىڭ ءبىرى گۇلنار سپانوۆا رەداكتسيا ۇجىمىنا سىيلىق ۇسىندى.

ماراپاتتارىڭىز قۇتتى بولسىن əرىپتەستەر!

بولاتبەك ساعىمباەۆ،

ورال