Atyraýda jyldyń úzdikteri anyqtaldy

Búgin Atyraý qalasynda oblystyq paradzıýdo federaııasynyń uıymdastyrýymen «Jyl úzdikterin» marapattaý saltanaty ótti. Federaııa prezıdenti Asylbek О́mirzaqov jetekshilik etetin oblystyń paradzıýdoshylary úshin ótken jyl óte tabysty boldy. Atap aıtar bolsaq, elimiz boıynsha tuńǵysh ret Atyraý qalasynda halyqaralyq «Gran prı Kazahstan-2017» týrnıri ótip, oǵan AQSh, Koreıa, Gúrjistan, Ázirbaıjan, Qyrǵyzstan, О́zbekstan, Reseı jáne Qazaqstan elderinen palýandar qatysty.

Osy synda atyraýlyq Ənýar Sarıev jeńimpaz atansa, kúmis medalge  Temirjan Dáýlet pen Ǵalymjan Mahmedov ıe boldy. Aıtpaqshy, mamyr aıynda ótken Azııa chempıonatynda Temirjan Dəýlet qola júldeni enshilese, Germanııadaǵy halyqaralyq týrnırden Ənýar jeńispen oraldy. Qazan aıynda Tashkentte ótken Əlem kýbogy úshin jarysta Ánýar Sarıev qola júldeger atandy. Osydan keıin Túrkııada ótken halyqaralyq týrnırde Ánýar men Ǵalymjan jeńimpaz atansa, Temirjan kúmis medaldi ıelenip, el mereıin asyrdy. Jeltoqsan aıynda Qytaıda ótken əlemdik semınarda atalǵan sportshylardyń jattyqtyrýshysy Jandos Qııanov «halyqaralyq dərejedegi tóreshi» atandy. Bul — Jandos endigi jerde əlemdik syndar men Olımpıada oıyndarynda tóreshilik etedi degen sóz.

7 jeltoqsan kúni Almatyda Qazaq Sport jáne Týrızm akademııasy men «Sport juldyzdary» respýblıkalyq jýrnaly birlesip ótkizgen «Jyl úzdikteri-2017» jeńimpazdaryn marapattaý saltanatynda Atyraý oblystyq paradzıýdo federaııasy «Jyldyń úzdik paralımpıada federaııasy» atansa, Jandos Qııanov pen Ənýar Sarıev «Jyldyń úzdik paralımpıada jattyqtyrýshysy» jəne «Jyldyń úzdik paralımpıada sportshysy» atanyp, arnaıy marapatqa ıe boldy. Jetistik munymen bitpeıdi. Atyraýlyq paradzıýdoshylar elishilik jarystarda, Qazaqstan chempıonaty men Spartakıadada birneshe júldege ıe boldy. Osyndaı myqty sportshylardy daıyndaǵan oblystyq dene shynyqtyrý jáne sport basqarmasynyń sheshimimen Jandos Qııanov oblys boıynsha «Jyldyń úzdik jattyqtyrýshysy» atandy. Taǵy bir jaǵymdy jańalyq Jandos Qııanov paradzıýdodan Qazaqstan ulttyq quramasynyń bas bapkeri bolyp taǵaıyndaldy. Munyń bəri aıtýǵa ońaı, úlken eńbek pen tabandylyqty qajet etetin is. Taǵdyrdyń qatal synyna moıymaı, deni saý sportshylardan kem nətıje kórsetpeı, kók týymyzdy kókke kóterip júrgen ómirge qushtar jandardy jattyqtyryp, olardy jarysqa daıyndap júrgen Jandos Qııanov bastaǵan atyraýlyq bapkerler men olardyń barlyq jaǵdaıyn jasap, saýapty is atqaryp júrgen federaııa prezıdenti Asylbek О́mirzaqovtyń eńbegi ushan-teńiz. Biz qurylǵanyna eki ǵana jyl bolǵan federaııanyń aldaǵy ýaqytta budan da bıik jetistikterge jetetinine senimdimiz. Bıyl Atyraýda Azııa chempıonaty jəne «Gran prı Qazaqstan» týrnıri ekinshi ret ótkeli otyr.

Búgingi basqosýda ótken jyldyń tabystary qorytyndylanyp, úzdik sportshylar men bapkerler, osy salada júrgen bir top azamat federaııa tarapynan arnaıy marapatqa ıe boldy. Aqtóbe qalasynan arnaıy kelgen «Sport juldyzdary» jýrnalynyń bas redaktory Musaǵalı Tasqalıev pen orynbasary Erkin Baqtııarovtar oblys sportynyń basshysy Azamat Beketke «Dene shynyqtyrý men sportty damytýǵa qosqan úlesi úshin» jəne tolaǵaı tabystarǵa jetip júrgen Jandos Qııanovqa «Təýelsizdikke qosqan úlesi úshin» tósbelgisin tabys etti. Shynymen de elimizdiń Təýelsizdigine ólsheýsiz úles qosyp júrgen osy Jandostaı bapkerler, Asylbekteı sport janashyrlary ekendigi daýsyz. Marapattaryńyz qutty bolsyn ardaqty azamattar! Jeńisti kúnderińiz kóp bolsyn!

Altyn ǴABITQYZY,

ATYRAÝ