الماتىدا ستۋدەنتتەر كاراتە-دودان كۇش سىناستى

«الماتى ارەنا» سپورت سارايىندا جاستار مەن جاسوسپىرىمدەر اراسىندا كەكۋشينكاي كاراتە-دودان  قازاقستان  رەسپۋبليكاسىنىڭ اشىق چەمپيوناتى بولىپ ءوتتى.  قازاقتىڭ اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ 90 جىلدىعى اياسىندا ۇيىمداستىرىلعان جارىسقا ەلىمىزدىڭ ءار وڭىرىنەن  500-گە تارتا سپورتشىلار قاتىسىپ، جەءڭىس ءۇشىن جان اياماي بار شەبەرىكتەرىن كورسەتتى.

 الماتىلىقتار وسىنداي الامان جارىستى حان سارايىنداي سوعىلعان  سۋ جاڭا «الماتى ارەنا» تورىندە تاماشالاۋدى كوپتەن بەرى ساعىنىپ قالسا كەرەك. كورەرمەندەر شىعىس جەكپە-جەگىنەن ءوز ايماقتارىنىڭ ماڭدايالدى سپورتشىلارىنىڭ تاتاميدە جەڭىس ءۇشىن ايانباي كورسەتكەن شەبەرلىكتەرىنە قول سوعىپ، قوشەمەت كورسەتىپ وتىردى. الماتى قالاسى دەنەشىنىقتىرۋ باسقاراماسى، اباي اتىنداعى قازاق ۇلتتىق پەداگيكالىق ۋنيۆەرسيتەتى جانە قر كەكۋشيكاي كاراتە-دو ۇلتتىق فەدەراتسياسىنىڭ ۇيىمداستىرۋىمەن كورىگى قىزعان بۇل تۋرنير قالالىقتارعا ۇلكەن اسەر قالدىردى.

چەمپيوناتتىڭ اشىلۋ سالتاناتىندا سويلەگەن ۋنيۆەرسيتەتىنىڭ ءبىرىنشى پرورەكتورى ماقتاعالي بەكتەمىسوۆ وقۋ ورنىنىڭ مەرەيتويىنا ارنالىپ وتىرعان ايتۋلى رەسپۋبليكالىق باسەكەنىڭ جاستارعا بەرەرى تاربيەلىك ءمانى  زور ەكەندىگىنە توقتالىپ، جاس كاراتە شەبەرلەرىنە جەڭىستى جەكپە-جەكتەر تىلەدى. سوسىن ءسوز العان قر كەۋشينكاي كاراتە-دو فەدەراتسياسىنىڭ پرەزيدەنتى مۇحتار جولداسوۆ وسى جارىستا جەڭگەن سپورتششىلاردىڭ ۇلتتىق قۇراما ساپىنا ەنۋگە مۇمكىندىكتەرى زور ەكەنىن ايتا كەتتى. سونىمەن قاتار، جارىس جەڭىمپازدارى اراسىنان 16 جاستان اسقاندارى سپورت شەبەرى دەگەن اتاققا يە بولسا، 16 جاستان تومەنگىلەر سپورت شەبەرلىگىنە ۇمىتكەر دەگەن اتاقتارمەن ماراپاتتالاتىنىن اتاپ ءوتتى.

جاستاردى سالاۋاتتى ءومىر سالتىنا باۋلاۋدا ۇلكەن سپورتتىڭ ورنى ەرەكشە دەپ ايتساق، وسىنداي جارىستار ارقىلى ىسىلعان جاستاردىڭ ەلىمىزدىڭ نامىسىن قورعاي الاتىن ازامات بولىپ قالىپتاساتىنى بەلگىلى.  سونىمەن قازاقستاننىڭ  بارلىق وڭىرىنەن ات جەلدىرتىپ جەتكەن 20 كوماندانىڭ سپورتشىلارى كۇنى بويى تاتاميدە شۇمەكتەپ تەر توگىپ، قاس قارايا جەڭىمپازدار مەن جۇلدەگەرلەردى انىقتادى. چەمپيوناتتا 37 كگ سالماقتا بويىنشا سىنعا شىققان سپورتشىلاردىڭ اراسىندا الماتى قالاسى كوماندالىق ءبىرىنشى ورىندى جەڭىپ السا، ەكىنشى ورىن استانا قالاسىنىڭ قۇراما كومانداسىنا بۇيىردى.  ۇلتتىق قۇراما  كوماندا ساپىنا ەنۋ باقىتىنا يە بولعانداردى الدا ەۋروپا جارىستارى كۇتىپ تۇر.

اقىن ورداباي ۇلى

الماتى