• Қазақ
  •   
  • Qazaq
  •   
  • قازاق
  •   
  • Рус
  •   

    جەڭىل اتلەتيكا فەدەراتسياسىنىڭ جاڭا پرەزيدەنتى سايلاندى

    بۇگىن استانادا جەڭىل اتلەتيكا فەدەراتسياسىنىڭ كەزەكتەن تىس كونفەرەنتسياسى ءوتتى. جيىن بارىسىندا فەدەراتسيانىڭ جاڭا پرەزيدەنتى بولىپ دانيال احمەتوۆ سايلاندى، دەپ حابارلادى جەڭىل اتلەتيكا فەدەراتسياسىنىڭ ءباسپاسوز قىزمەتى.

    كونفەرەنتسيانىڭ كۇن تارتىبىندە ەكى ماسەلە قاراستىرىلدى:

    1. جەڭىل اتلەتيكا فەدەراتسياسىن بۇعان دەيىن باسقارعان ادىلبەك جاقسىبەكوۆتىڭ وكىلەتتىلىگىن مەرزىمىنەن بۇرىن توقتاتۋ;
    2. جەڭىل اتلەتيكا فەدەراتسياسىنىڭ جاڭا پرەزيدەنتىن سايلاۋ.

    وسىلايشا، اتقارۋ كوميتەتى مۇشەلەرىنىڭ ءبىراۋىزدى شەشىمىمەن ادىلبەك جاقسىبەكوۆتىڭ وكىلەتتىلىگى مەرزىمىنەن بۇرىن توقتاتىلىپ، ونىڭ ورنىنا جەڭىل اتلەتيكا فەدەراتسياسىنىڭ پرەزيدەنتى بولىپ دانيال احمەتوۆ سايلاندى.

    • ماعان سەنىم بىلدىرگەندەرىڭىزگە راحمەت! ادىلبەك رىسكەلد ۇلى باسقارعان ءبىر جىلدىڭ ىشىندە از شارۋا اتقارىلعان جوق. ەندى سول باستامالاردى ارى قاراي جالعاستىرىپ، قازاقستان جەڭىل اتلەتيكا فەدەراتسياسىن دامىتۋعا تىرىسامىز. الدىمىزعا قويعان ماقساتىمىز وتە كوپ. ماسەلەن، ءبىرىنشى كەزەكتە سپورتتىق ينفراقۇرىلىمداردى جەتىلدىرۋدى كوزدەيمىز. جاقىن ۋاقىتتا جەڭىل اتلەتيكاعا بەيىمى بار بارلىق وڭىرلەردىڭ اكىمدەرىمەن كەزدەسىپ، سول ايماقتاردىڭ جەڭىل اتلەتيكا سپورتىن دامىتۋ جولدارىن قاراستىرامىز. سونىڭ ىشىندە، كەلەسى جىلى سەمەي قالاسىندا ۇلتتىق قۇرامالار بازاسى دايىن بولادى، — دەدى دانيال كەنجەتاي ۇلى.

    سونداي-اق، كەزەكتەن تىس كونفەرەنتسيادا جەڭىل اتلەتيكا فەدەراتسياسى اتقارۋ كوميتەتىنىڭ جاڭا مۇشەلەرى بەكىتىلىپ، ادىلبەك جاقسىبەكوۆ اتقارۋ كوميتەتىنىڭ قۇرامىنا ەندى.

    دانيال كەنجەتاي ۇلى احمەتوۆ

    1954 جىلى 15 ماۋسىمدا پاۆلودار قالاسىندا تۋعان.

    1976 جىلى پاۆلودار يندۋستريالدى ينستيتۋتىن بىتىرگەن. ماماندىعى بويىنشا ينجەنەر-قۇرىلىسشى.

    ەكونوميكا عىلىمىنىڭ دوكتورى، قازاقستان رەسپۋبليكاسى مينەرالدى رەسۋرستار اكادەمياسىنىڭ اكادەميگى.

    ەڭبەك جولى:

    1976-1981 جج. — «پاۆلودار تۇرعىنقۇرىلىس» ترەسىندە ماستەر;

    1981–1983 جج. — ەكىباستۇز قالالىق پارتيا كوميتەتىندە نۇسقاۋشى;

    1983–1987 جج. — «ەكىباستۇزشاحتاقۇرىلىس» كومبيناتىندا باس ينجەنەردىڭ ورىنباسارى، پارتكوم حاتشىسى;

    1987–1991 جج. — ەكىباستۇز قالالىق اتقارۋ كوميتەتى توراعاسىنىڭ ورىنباسارى;

    1991-1992 جج. — «ەكىباستۇز ەنەرگوتۇرعىنوندىرىسقۇرىلىس» ترەستىنىڭ باسقارۋشىسى;

    1992-1993 جج. — ەكىباستۇز قالالىق اكىمشىلىگىنىڭ باسشىسى;

    1993-1997 جج. – اكىمشىلىك باسشىسى، پاۆلودار وبلىسىنىڭ اكىمى;

    12.1997-10.1999 جج. — سولتۇستىك قازاقستان وبلىسىنىڭ اكىمى;

    10.1999-21.12.2000 جج. — قازاقستان رەسپۋبليكاسى پرەمەر-ءمينيسترىنىڭ ورىنباسارى;

    21.12.2000-21.11.2001 جج. — قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى;

    21.11.2001-13.06.2003 جج. — پاۆلودار وبلىسىنىڭ اكىمى;

    13.06.2003-08.01.2007 جج. — قازاقستان رەسپۋبليكاسىنىڭ پرەمەر-ءمينيسترى;

    10.01.2007-17.06.2009 جج. — قازاقستان رەسپۋبليكاسىنىڭ قورعانىس مينيسترi;

    12.2010 جىلدان – ەكولوگيالىق ەنەرگەتيكا سالاسىنداعى كومپانيالىڭ باسشىسى;

    2012-11.2014 جج. – ەنەرگەتيكا جانە ينفراقۇرىلىم ءمينيسترى;

    2014 جىلعى 11 قاراشادا شىعىس قازاقستان وبلىسىنىڭ اكىمى بولىپ تاعايىندالدى.

    ماراپاتتارى:

    «بارىس» 2-ءى دارەجە (2004)، «بارىس» 3-ءى دارەجە (1999)، «قۇرمەت بەلگىسى» (1986); «قازاقستان رەسپۋبليكاسىنىڭ تۇڭعىش پرەزيدەنتى — ەلباسى نۇرسۇلتان نازارباەۆ» (2012) وردەندەرى جانە «استاناعا 10 جىل» اتتى مەرەيتويلىق مەدالى (01.07.2008).

    پىكىر جازۋ

    Your email address will not be published. Required fields are marked *

    *