• Қазақ
  •   
  • Qazaq
  •   
  • قازاق
  •   
  • Рус
  •   

    جەڭىمپازدار ۇستاحاناسى

    قازىرگى جاستاردىڭ بويىنان ۇلتتىق نامىسى بار، انا ءتىلىن قۇرمەتتەيتىن سپورتقا ىنتالى جاستاردى كورە الۋعا بولا ما؟ ول ءۇشىن «ۇيادا نە كورسەڭ ۇشقاندا سونى ىلەسىڭ»، -دەمەكشى، تۋعان ەلىنىڭ نامىسى ءۇشىن وتقا دا سۋعا دا تۇسۋگە دايىن باتىل دا باتىر ۇرپاقتى تاربيەلەۋدىڭ بۇگىنگى كۇندە ماڭىزى زور. ارينە، جاسوپىرىمدەردىڭ بولاشاعىن مەكتەپ قابىرعاسىنان باستاپ ويلاۋدىڭ ماڭىزى ەرەكشە دەپ سانايمىز. وسى ورايدا، ك.احمەتوۆ اتىنداعى وليمپيادا ءىزباسارلارىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجىن بۇل كۇندە كوپكە ۇلگى رەتىندە ايتۋعا بولادى. تاريحى تەرەڭگەن تامىر تارتىپ، تالاي-تالاي تالانتتاردىڭ توماعىسىن سىپىرىپ شىعارىپ جاتقان، جەمىسىن ۇزبەي بەرەتىن جەمىس اعاشى ىسپەتتەس، بەرەكەلى سپورت شاڭىراعى ەرتەڭگى كۇنگە ۇمىتپەن قارايدى. ەندەشە، ك.احمەتوۆ اتىنداعى وليمپيادا ءىزباسارلارىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجىنىڭ ديرەكتورى، «قۇرمەت» وردەنىنىڭ يەگەرى، پەداگوگيكا عىلىمدارىنىڭ ماگيسترى، پروفەسسور سەيىلحان باقتىعالي ۇلى قاراقوۆ ايتۋلى وقۋ سپورت ورداسىنىڭ تىنىسى مەن تىرلىگى تۋرالى سۇحبات بەرگەن ەدى.

    -بىلىكتى باسشىسى، بىلگىر قوسشىسى بار ۇجىم اركەز كوشباسىندا جۇرەتىنى بەلگىلى. ءوز جۇمىسىنا ىقتياتتى جاندارى بار، بولاشاعىنان زور ءۇمىت كۇتتىرەر دارىندى جاستارى بار ورتانىڭ باعىندىرمايتىن بەلەسى بولماس، ءسارى. رەسپۋليكالىق سايىستار بىلاي تۇرسىن حالىقارالىق جارىستاردىڭ شاڭىن اسپانعا كوتەرەر جۇيرىكتەردىڭ سانى ارتقان سايىن سپورت مەكتەبىنىڭ دە بەدەلى جوعارىلاي تۇسەتىنى ايعاق.

    بۇل مەكتەپ قازىر جاڭا زامان اعىمىنا وراي، ايرىقشا جاڭا كورىنىس الىپ تۇرعان سياقتى. كوپ جىلدار بويى قۇرىلىسىنا قول تيمەگەن سپورت كەشەنى جاڭارىپ زامانۋي كەلبەتكە يە بولعان ەكەن. اسىرەسە، سۋ جاڭا سالىنعان دزيۋدو عيمراتى الىستان كوز تارتادى. مەكتەپتە وسىنشاما جاڭعىرۋ مەن جاڭارۋدى قاي ۋاقىتتا باستاپ ەدىڭىزدەر؟ كىم قولداۋ كورسەتتى؟ ۇلكەن ىسكە ۇرىكپەي كىرىسكەنىڭىزدىڭ سەبەبى نەدە بولدى؟ «قولاعاشى مىقتى بولسا، كيىز قازىق جەرگە كىرەدى»، — دەگەن ءسوز سىزگە ارنالعان با؟

    –بىرىنشىدەن، ايتا كەتەرىم، مەن وسى مەكتەپكە باسشىلىق قىزمەتىنە 2016 جىلى كەلدىم. سول ۋاقىتتان باستاپ مادەنيەت جانە سپورت ءمينيسترى ارىستانبەك مۇحامەدي ۇلى مەن ۆيتسە-مينيستر ساكەن جۇنىسبەك ۇلىنىڭ قولداۋىمەن وسى مەكتەپكە تولىقتاي جاڭارتۋ قۇرىلىس جۇمىستارى باستالدى. الدىمەنەن ءبىز جاتاقحانانىڭ ىشىنەن قۇرىلىستى باستاۋدى ءجون كوردىك. ويتكەنى، جاسوسپىرىمدەردىڭ بىرىنشىدەن، جاتار-جايىن جاقسارتىپ، تۇرمىسىن تۇزەتپەي، ۇلكەن تالاپتار قويۋ بەكەر ەكەندىگىن جاقسى بىلدىك. سوندىقتان دا جاتاقحانا ماسەلەسى كۇن تارتىبىندە ءبىرىنشى تۇرعان بولاتىن. وسىلايشا، 250 ورىندىق جاتاقحانانىڭ توسەك-ورىندارىن تۇگەلدەي جاڭارتىپ، زامانعا سايكەس اۋىستىردىق. بۇل جەردە قوسا كەتەر ءبىر جاي، جاس بالالاردىڭ جاعدايىن جاساۋدا «سامۇرىق – قازىنا» ۇلتتىق الەۋمەتتىك قورى مەن بىرگە وسى مەكتەپتەن تۇلەپ ۇشقان كوپتەگەن جومارت جاندى كاسىپكەرلەرلەر، مەتسەناتتار، جولداستاردىڭ كورسەتكەن كومەكتەرىن ايرىقشا ايتا كەتەر ەدىم.

    ايتۋلى وقۋ سپورت مەكتەبىنىڭ تاريحى تەرەڭدە جاتىر. قازاقستاننىڭ اتىن الەم، وليمپيادا ويىندارىندا اتىن شىعارعان دارابوز سپورتشىلار وسى مەكتەپ قابىرعاسىنان قانات قاعىپ شىقتى. سول جۇلدىزدى سپورتشىلارمەن جاس جەتكىنشەكتەر كەزدەسۋ وتكىزىپ تۇرا ما؟

    –ارينە، مىندەتتى تۇردە. مىسالى، وسى ك.احمەتوۆ اتىنداعى وليمپيادا ءىزباسارلارىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجىنىڭ شاڭىراعىندا وقىپ شىققان، وليمپيادا چەمپيونى، داڭقتى پالۋان ولەگ بىكوۆتىڭ ءبىزدىڭ مەكتەپكە ارنايى ماسكەۋدەن ۇشىپ كەلىپ، جاس ىزباسارلارىمەن كەزدەسىپ، ەستەلىككە تۇسكەن سۋرەتتەرى، مەكتەپ قابىرعاسىنداعى تاريحي فوتولار قاتارىندا ەرەكشە ورىن الىپ تۇر. سول سەكىلدى سۋ سپورتىنان سەرگەي كوتەنكو، بەسسايىستان وليمپيادا چەمپيونى الەكساندر پارىگين، دزيۋدو كۇرەسىنەن وليمپيادانىڭ كۇمىس جۇلدەگەرلەرى اسحات جيتكەەۆ، ەلدوس سمەتوۆ، قازاق كۇرەسىنەن «قازاقستان بارىسى» اتانعان ۇلان رىسقۇل جانە ەلامان ەراليەۆتەرمەن وقۋشىلارىمىز كەزدەسۋلەر وتكىزدى. سونىمەن بىرگە، ءاربىر سپورت تۇرىنەن اتتارى ايگىلى جاندارمەن ۇيىمداستىرىلىپ كەلگەن كەزدەسۋلەردى دە تىلگە تيەك ەتە كەتۋگە بولادى. مىسالى، وليمپيدا جانە الەم چەمپيونى جاقسىلىق ۇشكەمپىروۆ پەن سيدەي وليمپياداسىنىڭ چەمپيونى ەرماحان ىبىرايىموۆتار مەكتەبىمىزگە كەلگەندە، وقۋشىلار وزدەرىنىڭ كوكەيكەستى تولعانتقان سۇراقتارىن قويىپ، كەزدەسۋلەردەن زور اسەر الدى. سول سەكىلدى، وسى مەكتەپتىڭ تۇلەگى بۇگىندە ەل اۋزىندا جۇرگەن ءاپايتوس پالۋان ەلدوس سمەتوۆتىڭ كەلىپ، جاسوسپىرمدەرگە ۇلكەن جەڭىستەرگە جەتۋ جولىنداعى ءوز تاجىربيەسىمەن بولىسكەن ساتتەرى دە بالالاردىڭ ەسىندە كوپكە دەيىن ۇمىتىلماستاي اسەر قالدىردى دەۋگە بولادى. «اتپاز كورگەن ات تانىر — ۇستاز كورگەن حات تانىر»، — دەگەن ءسوز بار حالىقتا. جالپى، اي سايىن اتى ەلگە تانىمال ءبىر سپورتشىمەن كەزدەسىپ تۇرۋ ءبىزدىڭ مەكتەپتىڭ جوسپارىندا ماڭىزدى ورىن الادى. ويتكەنى، «اعاعا قاراپ ءىنى وسەر»، — دەمەكشى، ءبىز وليپيادا ءىزباسارلارىنىڭ ارنايى رەسپۋبليكالىق مامانداندىرىلعان مەكتەپ-ينتەرنات كوللەدجى بولعاندىقتان تۇلعالى سپورتشىلاردى شاقىرىپ ولارمەن تارتىمدى كەزدەسۋلەردى ءجيى ۇيىمداستىرىپ وتىرۋ جاستارعا ۇلكەن ۇلگى-ونەگە دەپ بىلەمىز.

    -مادەنيەتتى بولۋ، ۇلكەن ادامگەرشىلىكتىڭ ءبىر تارماعى-دەسەك، اتا-انانى سىيلاۋ ،ۇستازعا قۇرمەت-كىشىگە ىزەت ەتۋ قازىرگى جاستارىمىزدىڭ بويىنان كورۋگە بولاما؟ مەكتەپ قابىرعاسىندا قازاق تىلىنە ەرەكشە باسىمدىلىق جاسالعانى بايقالادى. تۋعان تىلگە دەگەن قۇرمەتتى نىعايتۋدى قولعا الۋىڭىزدىڭ سەبەپ سالدارىن ايتا وتسەڭىز؟

    ء–اربىر ۇلت ءوزىنىڭ تۋعان ءتىلىن قۇمەتتەپ، تۋعان تىلىندە سويلەۋگە مىندەتتى. ايتادى عوي، تىزەمنەن سۇرىندىرسە ءسۇرىندىرسىن، تىلىمنەن سۇرىندىرمەسىن دەپ. انا تىلىندە سويلەپ، انا تىلىندە ءتۇس كورە بىلگەن بالانىڭ ۇلتىنا دەگەن سۇيىسپەنشىلىگى ەرەكشە بولادى دەپ ويلايمىن. سوندىقتان دا انا سۇتىمەن كىرگەن تۋعان ءتىلدى بەسىكتەن باستاپ بىلگەن بالا، مەكتەپتە شىڭداپ توسەلىپ الىپ، ۇلكەن ءومىر الەمىنە ۇشىپ كەتەدى ەمەس پە. وسى ورايدا، ءبىز مەكتەپتە مەملەكەتتىك ءتىل، قازاق تىلىنە دەگەن قۇرمەتتى بيىك ۇستاعاندى دۇرىس دەپ سانايمىز. مەكتەپ قابىرعاسىندا كوپتەگەن يگىلىكتى شارالار ءوتىپ جاتادى. جۋىردا مۇقاعالي ماقاتاەۆتىڭ اتىندا شىعارماشىلىق كەشىن ۇيىمداستىردىق. سونىمەن بىرگە قازاقتىڭ ۇلى ويشىلى، حاكىم اباي تۋرالى دا كەلىستى كەشتەردى وتكىزىپ تۇرامىز. مىنە، وسىنداي شارالار ارقىلى جاستارىمىزدىڭ رۋحاني ىشكى بايلىعىن شىڭداي تۇسەمىز دەپ ەسەپتەيمىن.

    بۇگىنگى كۇنى بايقاساڭىزدار مەكتەبىمىزدە ءدارىس الاتىن، وزگە ۇلتتىڭ بالالارى قازىر قازاق تىلىندە ەركىن سويلەۋگە تىرىسا باستادى. بۇل ءبىزدىڭ مەكتەپتىڭ ۇستازادارى ءۇشىن ۇلكەن جەتىستىك. ءبىز جاستارىمىزدى دەمالىس كۇندەرى قوعامدىق-مادەني ورىندارعا ءجيى اپارىپ تۇرامىز. ايتالىق، تەاتر، مۇراجايلارعا اپارىپ، ەلىمىزدىڭ تاريحى، مادەنيەتى، سالت-ءداستۇرى، ادەت-عۇرپىمەن جاقىنىراق ءبىلىپ تانىسۋعا مۇمكىندىك تۋعىزامىز. ويتكەنى، جاسوسپىرىمدەر ءوزىمىزدىڭ ۇلتتىق تاريحىمىزدى، مادەنيەتىمىزدى جاقىنىراق ءبىلىپ، سول ۇلتتىڭ ءبىر وكىلى رەتىندە وزدەرىن سەزىنۋلەرى كەرەك. سوندا عانا تىلگە دەگەن قۇرمەت جەمىسىن بەرەدى.

    ك.احمەتوۆ اتىنداعى مەكتەپ-ينتەرنات كوللەدجىنە قابىلداۋدا اۋىل بالالارىنا وراسان جەڭىلدىك قاراستىرعان ەكەنسىزدەر. اۋىل قازاق ەلىنىڭ تىنىسى مەن تىرشىلىگى ءارى التىن بەسىگى دەسەك، سول اۋىل بالالارىنا دەپ جاسالعان تاماشا جەڭىلدىكتەر جايلى ايتساڭىز؟

    –مەن ءوزىم بالا كەزىمدە وسىنداي ءبىر رەسپۋبليكا استاناسىنداعى ەڭسەلى سپورت مەكتەبىنە وقۋعا تۇسسەم دەپ ارمانداۋشى ەدىم. ول كەزدە وسىنداي سپورت مەكتەبى مەن ءۇشىن قول جەتپەس اسقارالى ارمان ەدى. كەيىنىرەك، ول ارمانىما دا قولىم جەتتى. سوندىقتان دا اۋىلداعى دارىندى جاسوسپىرىمدەردىڭ بالا ارماندارىن ورىندالۋىنا سەبەپشى بولساق ۇلكەن ساۋاپ جاساعانمەن بىردەي ەمەس پە. ءبىزدىڭ مەكتەپتى بىلمەيتىن وڭىرلەرگە بارىنشا ناسيحاتىن جەتكىزىپ، تانىتۋىمىز كەرەك. اۋىلدىڭ تالانتتى ۇل-قىزدارى تاسادا قالىپ قالماۋى ءۇشىن ولاردىڭ اراسىنداعى تالانتتى جاستارىن ىرىكتەپ الىپ، وسى مەكتەبىمىزگە تارتا ءبىلۋمىز كەرەك. ويتكەنى، اۋىل قازاقتىڭ كۇرە تامىرى، التىن دىڭگەگى. ەلىمىزدى ايتپاعاندا، الەمگە ايگىلى سپورتشىلار سول توقىمداي اۋىلداردان ءوسىپ شىقتى. مىسالى، قازاقتىڭ ءبىرتۋار تۇلعالى سپورتشىلارى جاقسىلىق ۇشكەمپىروۆ، داۋلەت تۇرلىحانوۆ، ەرماحان ىبرايىموۆتاردى ايتساق جەتىپ جاتىر. سوندىقتان دا مەن قازىر ءوزىمنىڭ جاتتىقتىرۋشىلارىما اۋىل بالالارىن قابىلداعاندا مۇقياتتى بولىپ، اۋىل تالانتتارىن وقۋعا كوبىرەك الىڭدار دەپ ايتامىن.

    جارىستاردا جەڭىپ كەلگەن جاس تلانتتى وقۋشى سپورتشىلارعا قانداي قولداۋ قۇرمەت كورسەتىلىپ وتىرادى؟

    –بىرىنشىدەن، جارىستاردان جەڭىسپەن ورالعاندارعا ارنايى قارجى بولىنبەيدى. دەگەنمەن قوشامەت-سىي رەتىندە جاقسى جەڭىلدىكتەر، كومەكتەر قاراستىرعانبىز. مىسالى، سپورت كيىمدەرىن بەرەمىز. سونىمەن قاتار، مەن العاش وسى مەكتەپكە باسشىلىققا كەلگەن كەزىمدە بارلىق بالالاردى جيناپ الىپ، «ەگەر كىمدە-كىم ازيا، الەم، ەۋورپا چەمپيوناتتارىندا جەڭىسكە جەتەتىن بولسا، جاتاقحانادان جەكە ءبىر بولمە بەرەتىن بولامىز»، – دەپ ايتقان ەدىم. سول سوزىمدە تۇرىپ، بۇگىنگى كۇنگە دەيىن جەڭىسپەن ورالعان جەتكىنشەكتەرگە جەكەلەي بولمە تارتۋ ەتىپ كەلۋدى داستۇرگە اينالدىرىپ كەلەمىز. مۇنداي كومەك جاستارىمىزدىڭ جاعدايىن تۇزەپ، ەرتەڭگى كۇنگە سەنىممەن قارۋىنا ءسال دە بولسا، سەبەبى تيەر جاقسىلىقتىڭ ءبىرى بولسا دەگەن ءۇمىتىمىز. ءبىر جاعىنان بۇل قادامىمىز جاس سپورتشىلاردىڭ مەندە سونداي جەكە بولمەدە تۇرعىم كەلەدى دەگەن ارماندارىن جەتەلەيدى دەگەن ويدان تۋعان يگىلىكتى ءىس.

    مەكتەپ اۋلاسىندا ءزاۋلىم دزيۋدو عيمراتى سالىنعان ەكەن. بۇل جاڭا زامان اعىمىنا ساي سالىنعان ءىرى سپورت كەشەنى ەكەنى كورىنىپ تۇر. مەكتەپتە وسىنداي دزيۋدو اكادەمياسىنىڭ بوي كوتەرۋى، دەيۋدو كۇرەسىنە دەگەن قۇرمەتتىڭ ەرەكەشەلىگىن بىلدىرەدى مە؟

    –دزيۋدو وليمپيادالىق جەكپە-جەك ءتۇرى بولعاندىقتان وسى كۇرەس ءتۇرىن كوتەرمەسە بولمايدى دەپ ويلايمىن. ءبىر جاعىنان وسى سپورت مەكتەبىنەن وليمپادانىڭ جۇلدەگەرلەرى اسحات جيتكەەۆ پەن ەلدوس سمەتوۆتەر تۇلەپ ۇشتى. قازىر مىنە، قاراساڭىزدار سپورت زالدىڭ ءىشى ءبىر بوسامايدى. بوزكىلەمدە جاسوسپىرىمدەر ساباقتان بوس ۋاقىتتا تەر توگىپ جاتتىعۋلارىن جاساپ جاتادى. توقسان ادامدىق جاتاقحاناسى، اسحاناسى، ترەناجەرلىك زالى بار مۇنداي ءتورت جاعى كەلىسكەن سپورت كەشەنى قازاقستاندى ايتپاعاندا ازيا ايماعىندا الدىڭعى قاتاردا تۇر دەسەم جاڭىلىس ايتپاعان بولار ەدىم. وسى جەردە ايتپاي كەتۋگە بولماس، ايتۋلى ءزاۋلىم سپورت كەشەنىن تۇرعىزىپ بىزگە تارتۋ ەتكەن كەڭەس راقىشەۆقا مەكتەپ ۇجىمىنىڭ اتىنان زور العىسىمىزدى ايتا كەتكەنىمىز. ءبىز بولاشاقتا ەل ءۇمىتىن وليمپيدا ويىندارىندا ابىرويمەن اقتايتىن تالانتتاردى شىعارۋعا بار كۇشى-جىگەرىمىزدى سالۋعا دايىنبىز.

    وقۋشىلاردىڭ قوعامدىق ورتادى وزدەرىن يماندى، مادەنيەتتى، مەيىرىمدى، جاناشىر ەتىپ تاربيەلەۋ ۇلكەن ءبىر مەكتەپ دەسەك، وسىنداي وزەكتى ماسەلەلەردىڭ كۇرمەۋىن قالاي شەشىپ جاتسىزدار؟ مەكتەپ شاڭىراعىندا جاسوپىرىمدەردىڭ قوعامدىق شارالارعا بەلسەندىلىگى قانشالىقتى؟

    –وتە دۇرىس قويىلعان سۇراق. ءبىز بولاشاق ۇرپاقتى تاربيەلەپ جاتقان وقۋ ورنى بولعاندىقتان بالا تاربيەسىنە ەرەكشە كوڭىل بولەمىز. ءبىزدىڭ قالامىزدا مۇگەدەك بالالارعا ارنالعان بالالار ۇيلەرى بار، جەتىم بالالار مەن زاعيپ جانداردىڭ ۇيلەرى بار، ءبىز سول ورىندارعا بارىپ، قولداۋ-كومەك، رۋحاني مەدەۋ كورسەتۋ شارالارىن ءجيى وتكىزىپ تۇرامىز. ويتكەنى، «كوڭىل جاقسى بولعانى، ءومىر جاقسى بولعانى»، – دەگەن قاناتتى ءسوز بار ەمەس پە، تاعدىر تاۋقىمەتىنەن كەمتەر بولعان جانداردىڭ كوڭىلدەرىن كوتەرىپ، جەبەۋ-جاردەم جاساي ءبىلۋ ۇلكەن ادامگەرشىلىكتىڭ بەلگىسى دەپ بىلگەن دۇرىس. سونىمەن قاتار، تالانتتى جاستارىمىز سۋىرلىپ شىعىپ، كونتسەرتتىك باعدارلامالار، دزيۋدو، كوركەم گيمناستيكا سياقتى تۇرلەردەن سپورتتىق كورسەتىلىمدەر تارتۋ ەتىپ جاتادى. جالىندى جاستاردىڭ ونەرلەرىن تاماشالاپ قىزىققان بالالار ۇيىنەن بىزگە حابارلاسىپ، بىزدە دە تالانتتى جەتكىنشەكتەر بار سولاردى سىزدەر وقۋعا الاسىزدارما؟ – دەگەن وتىنىشتەر ايتىپ جاتادى. ءبىز ول جاعىندا قازرگى كەزدە قاراستىرىپ جاتىرمىز. جاستاردىڭ قورشاعان ورتاعا سۇيسپەنشىلىكپەن قاراپ، مەيىرىم-شاپاعاتىن وياتۋ اياسىندا وسىنداي شارالار ۇيىمداستىرىپ تۇرامىز.

    ومىردە ادام بويىنان قانداي قاسيەتتەردى جاقسى قانداي قاسيەتتەردى جەك كورەسىز؟

    –ومىردە ادال ەڭبەكپەن جۇمىس جاسايتىن ادام ول ەشقاشاندا وتىرىك سويلەمەيدى. ادام بويىنداعى ەڭ جاقسى قاسيەتى ول شىندىقتى ايتۋ.
    ال، جالقاۋدىڭ جاسان ادەتى ول ارينە وتىرىك سويلەۋ. سوندىقتان ەڭ جامان كاسيەت ول جالعان سويلەۋ، وتىرىك ايتۋ.

    اڭگىمەڭىزگە كوپ راحمەت. ەل سپورتىنىڭ ەڭسەسىن كوتەرۋگە ازەر جاسۇرپاققا بەرىپ جاتقان ەڭبەكتەرىڭىزگە تابىس تىلەيمىن.

    تاريحى تەرەڭنەن تامىر تارتقان ايتۋلى مەكتەپ، 1989 جىلى № 2 وليمپيادا ءىزباسارلارىنىڭ ۋچيليششەسى بولىپ اتالسا، 1994 جىلدىڭ تامىز ايىندا وعان كاركەن احمەتوۆتىڭ اتى بەرىلدى. 1998 جىلدان باستاپ، ك.احمەتوۆتىڭ اتىنداعى دارىندى بالالارعا ارنالعان رەسپۋبليكالىق ارنايى مامانداندىرىلعان مەكتەپ-ينتەرنات دەگەن اتاۋ الدى. ونىڭ بازاسىندا 2012 جىلى وليمپيادا رەزەرۆىنىڭ كوللەدجى اشىلىپ، بۇگىنگى كۇنى ك.احمەتوۆ اتىنداعى وليمپيادا ءىزباسارلارىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجى بولىپ اتالادى.

    بۇل مەكتەپتىڭ نەگىزگى ماقساتتارىنىڭ ءبىرى بالانىڭ جەكە تۇلعا بولىپ ءوسىپ، سپورتتاعى جان-جاقتى شەبەرلىگىن تانىتۋعا بارىنشا جاعداي تۋعىزۋ. ەندەشە، جاسۇرپاقتىڭ بويىنا سالاۋاتتى ءومىر سالتىن ءجون-جۇيەسىمەن جۇرگىزە بىلگەن، ارمانى بيىك، تالابى زور ۇجىمى بۇگىندە دەگەندەرىنە جەتىپ كەلەدى. «تالاپتى ەرگە نۇر جاۋار»، – دەمەكشى، بۇگىنگى كۇنى ك.احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجىنىڭ دارىندى جاستارى ەل چەمپيوناتتارىندا توپ ۇزدىگى اتانىپ، ۇلتتىق قۇراما ساپىندا حالىقارالىق، ازيالىق جارىستاردا ەلىمىزدىڭ نامىسىن ابىرويمەن قورعاپ ءجۇر.

    مەكتەپتىڭ تابالدىرىعىن تارىداي بولىپ كىرىپ، اتتاپ تاۋداي بولىپ شىعىپ جاتقان جاسوسپىرىمدەردىڭ الار اسۋلارى الدا. ەڭ باستى ارمان – وليمپيادا ويىندارىندا ەلىمىزدىڭ كوكب ايراعىن بيىكتەن جەلبىرەتۋ.

    اڭگىمەلەسكەن،
    اقىن ورداباي ۇلى

    الماتى

    پىكىر جازۋ

    Your email address will not be published. Required fields are marked *

    *