• Қазақ
  •   
  • Qazaq
  •   
  • قازاق
  •   
  • Рус
  •   

    استانادا ازيا چەمپيوناتىنىڭ جالاۋى جەلبىرەيدى

    استانادا تەڭگە ىلۋدەن  جانە اۋدارىسپاقتان  ازيا چەمپيوناتتارىن وتكىزۋگە بايلانىستى ءباسپاسوز ءماسليحاتى ءوتتى. وعان مادەنيەت جانە سپورت ءمينيسترى ارىستانبەك مۇحامەدي ۇلى مەن قازاقستان ۇلتتىق سپورت تۇرلەرى قاۋىمداستىعىنىڭ پرەزيدەنتى، ءماجىلىس دەپۋتاتى بەكبولات تىلەۋحان قاتىسىپ، استانادا 1-2 ماۋسىمدا وتەتىن ازيا چەمپيوناتتارى تۋرالى ايتىپ، جۋرناليستەرءدىڭ سۇراقتارىنا جاۋاپ بەردى. 

    جيىندا مينيستر مەن قاۋىمداستىق پرەزيدەنتى ازيا چەمپيوناتتارى جايلى عانا ەمەس، جالپى ۇلتتىق سپورت سالاسىنداعى اتقارىلىپ جاتقان اۋقىمدى شارۋالار تۋرالى دا ايتتى. ارىستانبەك مۇحامەدي ۇلى ەلىمىزدەگى ۇلتتىق سپورتتىڭ جاي-كۇيىن، الداعى حالىقارالىق جارىستار تۋرالى ايتا كەلىپ، 2021 جىلى ۇلتتىق سپورت وليمپياداسىنىڭ قازاقستاندا وتكىزىلۋى مۇمكىن ەكەنىن مالىمدەدى. ال،   ۇلتتىق سپورت قاۋىمداستىعىنىڭ پرەزيدەنتى، ءماجىلىس دەپۋتاتى بەكبولات تىلەۋحان:

    • وسى جىلى ساداق اتۋدان الەم چەمپيوناتى وتەدى. بۇعان بۇكىل قۇرلىقتان، ءتىپتى افريكادان قاتىسۋعا نيەت ءبىلدىرىپ وتىرعان ادامدار بار. سودان كەيىن كوكپاردىڭ ناسيحاتى ءۇشىن «جۇلدىزدى كوكپار» جارىسىن ۇيىمداستىرامىز. وندا ات ۇستىندە ويناعان ونەرپازدار مەن سپورتشىلار باق سىنايدى. مادەنيەت جانە سپورت مينيسترلىگى دە جاڭا جوباعا قولداۋ ءبىلدىرىپ وتىر. بۇل كوكپاردىڭ ناسيحاتىنا ۇلكەن اسەرى بولاتىن دۇنيە. «جۇلدىزدى اسىق» دەگەن جوبامىز دا بار. وسىلار ارقىلى ءبىز ۇلتتىق سپورتىمىزدى ناسيحاتتاۋعا مۇمكىندىك جاسايمىز. سونىمەن بىرگە، مينيسترلىك پەن ۇلتتىق سپورت قاۋىمداستىعى جوسپارلاپ وتىرعان جوبالاردىڭ ءبىرى –  «التىن تۇلپار» الامان بايگەسى. بۇعان بايلانىستى ءبىر نارسەنى ايتا كەتسەم، «اق جول» پارتياسى ۇلتتىق سپورتقا قاراي مويىن بۇرا باستادى. الامان بايگە قىركۇيەكتىڭ ءبىرىنشى جەكسەنبىسىندە بولادى. مادەنيەت جانە سپورت مينيسترلىگى جوبالارىمىزعا ءاردايىم قولداۋ كورسەتەدى. «سامۇرىق-قازىنا» ءال-اۋقات قورى مەن  «Samruk-Kazyna Trust» قورى دا كومەكتەسەمىز دەپ وتىر، — دەدى ول.

    سونداي-اق، بەكبولات تىلەۋحان كوكپاردان ءىى الەم چەمپيوناتىن وتكىزۋگە تۇركيا قىزىعۋشىلىق تانىتقانىن اتاپ ءوتتى. ونىڭ ايتۋىنشا، قازىرگى كەزدە  ناقتى كەلىسسوزدەر جۇرگىزىلۋدە. اۋدارىسپاق پەن تەڭگە ىلۋدەن وتەتىن ازيا چەمپيوناتتارىنا يۋنەسكو-نىڭ ءداستۇرلى سپورتتار مەن ويىندار كوميتەتى وكىلدەرىنىڭ قاتىسۋى جوسپارلانعان. «يۋنەسكو وكىلدەرى شاراعا قاتىساتىنىن راستادى. ءبىزدىڭ ۇلتتىق ويىنداردان وتەتىن ازيا چەمپيوناتتارىنا حالىقارالىق ۇيىم وكىلدەرىنىڭ نازار اۋدارۋى – ەتنوسپورتتىڭ بولاشاقتا الەمدىك دەڭگەيگە شىعۋىنا مۇمكىندىك بەرەدى. بۇل رەتتە مادەنيەت جانە سپورت مينيسترلىگى ۇلتتىق سپورتتى وركەندەتۋ جونىندەگى باستامالارىمىزعا ۇنەمى قولداۋ ءبىلدىرىپ جاتقانىن ايتقىم كەلەدى»، –  دەدى قاۋىمداستىق پرەزيدەنتى.

    بۇل چەمپيوناتتارعا 9 ەلدەن (قازاقستان، وزبەكستان، قىرعىزستان، تاجىكستان، موڭعوليا، رەسەي، اۋعانستان، قىتاي، تۇركيا) 54 سپورتشى، ال جالپى جارىسقا قاتىساتىن دەلەگاتسيا مۇشەلەرىن قوسقاندا، 100-گە تارتا ادام قاتىسادى.

    تەڭگە ىلۋدەن ءىى ازيا جانە اۋدارىسپاقتان ءىىى ازيا چەمپيوناتتارىنىڭ جالپى جۇلدە قورى – 14 000 000 تەڭگە. جارىستىڭ باس سەرىكتەسى – «سامۇرىق-قازىنا» ۇلتتىق ءال-اۋقات قورى.

     

    قازاقستان ۇلتتىق سپورت تۇرلەرى قاۋىمداستىعى

    پىكىر جازۋ

    Your email address will not be published. Required fields are marked *

    *