• Қазақ
  •   
  • Qazaq
  •   
  • قازاق
  •   
  • Рус
  •   

    ازيا چەمپيوناتىنا ءۇش كۇن قالدى

    ازيا چەمپيوناتىنىڭ جۇلدەسىن ساراپقا سالاتىن شەتەلدىك اۋدارىسپاقشىلار قاتارىندا كىمدەر بار؟ تەڭگە ىلۋشىلەر سايىسىنا كىمدەر قاتىسادى؟ ءدۇبىرلى دودا باستالار ۋاقىت تاياۋ قالعان سايىن جانكۇيەر كوكەيىن وسىنداي ساۋالداردىڭ مازالايتىنى انىق. ارينە، بىرەر كۇن بۇرىن بارلىق سپورتشىلاردىڭ ءتىزىمى جاريالاندى. قازاق ەلىنىڭ نامىسىن قورعايتىن اۋدارىسپاقشىلار مەن تەڭگە ءىلۋ شەبەرلەرى جان-جاقتى تانىستىرىلدى. ءبىز بۇگىن قولىمىزدا بار دەرەكتەر بويىنشا شەتەلدىك سپورتشىلاردىڭ بىرقاتارىن وقىرمان نازارىنا ۇسىنۋدى ءجون كوردىك. ازىرگە، موڭعوليا مەملەكەتىنەن ازيا چەمپيوناتىنا سايلانىپ كەلەتىن سپورتشىلارمەن تانىس بولىڭىزدار.

     باعلان ىدىرىش – اسا اۋىر سالماقتا سىنعا تۇسەتىن موڭعوليالىق بالۋان. اۋدارىسپاقتان مونعوليانىڭ 2 دۇركىن چەمپيونى، ازيا چەمپيوناتىندا 4 ورىن يەلەنگەن. 36 جاستاعى باعلان ىدىرىش سوڭعى 5-6 جىلدان بەرى اۋدارىسپاقتان ۇيىمداستىرىلعان حالىقارالىق جارىستاردىڭ بارلىعىنا قاتىسقان تاجىريبەلى بالۋان. ول 2017 جىلى استانادا وتكەن ءى حالىقارالىق ءتۋرنيردىڭ العاشقى اينالىمىندا قىرعىزستاندىق نۇرلان مولداقۇلوۆقا ەسە جىبەرىپ، جارىس جولىنان شىعىپ قالعان بولاتىن.

    دوسجان بايىسعالان  – 90 كگ سالماقتا سىنعا تۇسەتىن موڭعوليالىق بالۋان. اۋدارىسپاقتان  مونعوليانىڭ بىرنەشە دۇركىن چەمپيونى. وسى جىلى وردا بۇزار وتىز جاسقا تولعان  دوسجان استانادا 2017 جىلى  اۋدارىسپاقتان وتكەن حالىقارالىق ءتۋرنيردىڭ قولا جۇلدەگەرى. بىلتىر اسا اۋىر سالماقتا باق سىناعان دوسجاننىڭ قارقىنى قاتتى بولدى. اسا اۋىر سالماقتا حالىقارالىق ءتۋرنيردىڭ العاشقى اينالىمدارىندا قارسىلاس شىداتپاعان دوسجان  تەك ءبىزدىڭ  ءبىرجان قوساليەۆ پەن قىتاي حالىق رەسپۋبليكاسىنىڭ بالۋانى سەرىك ۇسەننەن عانا ۇتىلىپ، ءتۋرنيردىڭ قولا جۇلدەسىن  قانجىعاسىنا بايلاپ قايتقان.

    جەڭىسبەك سەرىك ۇلى  — 80 كيلو سالماقتا سىنعا تۇسەتىن مونعوليالىق بالۋان. اۋدارىسپاقتان مونعوليانىڭ ەكى دۇركىن چەمپيونى، قىتايدا وتكەن ءىى ازيا چەمپيوناتىندا ءتورتىنشى ورىن يەلەنگەن، 2017 جىلى استانادا اۋدارىسپاقتان وتكەن حالىقارالىق ءتۋرنيردىڭ كۇمىس جۇلدەگەرى. وتكەن جىلى 80 كەلى سالماقتاعى ءبىزدىڭ باس بالۋانىمىز ءراحماتىللا ەسىمحانمەن فينالدا سايىسقان وتە ادىسقوي بالۋان.

    جاناربەك سەرىك ۇلى – 70 كيلو سالماقتا سىنعا تۇسەتىن مونعوليالىق بالۋان. ول 1993 جىلى تۋعان جاس سپورتشى. ۇلتتىق سپورت تۇرلەرىنەن موڭعولياداعى جارىستاردا توپ جارعان. 2018 جىلى موڭعوليادا وتكەن اۋدارىسپاقتان ىرىكتەۋ جارىسىنىڭ جەڭىمپازى.

    جەڭىسبەك ماناحاي ۇلى – مونعوليالىق ۇزدىك تەڭگە ءىلۋشى.  مونعوليا چەمپيوناتىندا تەڭگە ءىلۋ سپورتىنان  ەكى دۇركىن چەمپيون اتانعان. 2018 جىلعى رەسپۋبليكالىق اساۋ ۇيرەتۋ چەمپيوناتىندا توپ جارعان.

     

    تولەگەن جاكىتاي

     

     

    پىكىر جازۋ

    Your email address will not be published. Required fields are marked *

    *