1 maýsym kúni Eýropanyń qart Karpat taýlarynyń eteginde jatqan Serbııa eliniń Zrenıanın qalasynda Dúnıejúzilik qazaq kúresi federaııasynyń uıymdastyrýymen tól kúresimizden tórtinshi ret eresekter arasyndaǵy qurlyqtyq chempıonattyń týy kóteriledi.
Bul doda eki kún boıy ótip, oǵan Eýropanyń 17 elinen 110 sportshy qatysady dep kútilýde. Chempıonatta alǵash ret áıelder 6 jáne absolıýttik salmaq dárejesinde jekpe-jekke shyǵady. Erler arasyndaǵy jarys 7 salmaq dárejesi boıynsha ótkiziledi.
Osy jarystyń aldynda qazaq kúresine qatysty taǵy bir shara bolady. 30 mamyr kúni Zrenıanın qalasynda halyqaralyq tóreshiler semınary ótedi. Semınarda tól kúresimizden ótetin jarystarǵa Eýropa tóreshilerin daıyndaý jáne soǵan arnalǵan baǵdarlamany jasaý máselesi qaralady.
Qazirgi kezde jer-júzinde qazaq kúresine degen qyzyǵýshylyq jyl ótken saıyn artyp keledi. Ásirese, Birikken álem kúresi (UWW) odaǵynyń ulttyq kúresimizge degen qyzyǵýshylyǵy byltyr Túrkimenstannyń Ashǵabad qalasynda ótken V Azııa oıyndarynan keıin tipten artty. Buǵan Serbııada jalaýy jelbireıtin Eýropa chempıonatyna 17 elden 110 palýannyń qatysýǵa nıet bildirip otyrǵany dálel bola alady.
Aqyn ORDABAIULY,
Zrenıanın qalasy (Serbııa)