• Қазақ
  •   
  • Qazaq
  •   
  • قازاق
  •   
  • Рус
  •   

    قازاق كۇرەسى: ەۋروپا تورەشىلەرى ەرەجەگە ەكپىن ءتۇسىردى

    سەربيانىڭ زرەنيانين قالاسىندا قازاق كۇرەسىنەن  IV ەۋروپا چەمپيوناتى باستالار كۇننىڭ الدىندا تورەشىلەرمەن سەمينار-كەڭەس بولىپ ءوتتى. دۇنيەجۇزىلىك قازاق كۇرەسى فەدەراتسياسىنىڭ ۇيىمداستىرۋمەن وتكەلى وتىرعان بۇل الامان جارىسقا  17 ەلدەن كوماندالار كەلىپ قاتىسۋعا نيەت ءبىلدىردى. ەۋروپا چەمپيوناتىندا ەرلەر مەن ايەلدەر  6 سالماق دارەجەلەرى بويىنشا  تول كۇرەسىمىزدەن سىنعا تۇسەتىن بولادى.

    بۇگىنگى كۇنى دۇنيەجۇزىلىك قازاق كۇرەسى فەدەراتسياسىنىڭ ورەلى ەڭبەگىنىڭ ناتيجەسىندە الەمنىڭ 5 قۇرلىعىندا 30 استام مەملەكەتتە ءتول كۇرەسىمىزدەن فەدەراتسيالار اشىلعان.  اتا كۇرەسىمىزدەن 7 الەم، 11 ازيا چەمپيوناتتارى، 3 الەم كۋبوگى  جانە 4 رەت ەۋروپا چەمپيوناتى  ۇيىمداستىرىلىپ،  قازاق كۇرەسى  جىل سايىن دامۋ ۇستىندە.

    31 مامىردا بايراقتى جارىس الدىندا ءاربىر ەلدەن كەلگەن جاتتىقتىرۋشىلار مەن تورەشىلەر باس قوسىپ، چەمپيوناتتىڭ جاقسى ءوتۋى تۋرالى پىكىر الماستى. بۇل سەمينار كەڭەستى جۇرگىزگەن  ازيا قۇرلىعىنىڭ قازاق كۇرەسى فەدەراتسياسىنىڭ باس حاتشىسى،  حالىقارالىق دارەجەدەگى تورەشى رافاەل حابيروۆ  تورەشىلەرگە قازاق كۇرەسىنىڭ ەرەجەرلەرى تۋرالى دايىنداعان بەينە باياندى سارالىپ كورسەتىپ، انىقتاپ ءتۇسىندىرىپ بەردى. ءيا، ءاربىر ۇلكەن جارىستا قازىلىق ەتەتىن تورەشىلەردىڭ بىلىكتىلى جوعارى بولۋى وتە ماڭىزدى. ويتكەنى،  اتا كۇرەسىمىز تۋرالى دۇنيەجۇزىلىك قازاق كۇرەسى فەدەراتسمياسىنىڭ بەكتىپ، ونى بىرىككەن كۇرەس الەمى مويىنداپ، كوپ جىلدان بەرى ىسكە اسىرىلىپ كەلە جاتقان  نەگىزگى ەرەجەمىزدىڭ حالىقارلىق دەڭگەيدى دۇرىس قولدانۋى بوزكىلەمدە تورەلىك ەتۋشىلەرگە تىكەلەي بايلانىستى. ءومىر بولعان  سوڭ بارلىعى بولىپ جاتادى. كەيبىر كەزدەرى ەرەجەگە جەڭىل قاراعاندىقتان پالۋاننىڭ باعى بايلانىپ ارتى وكىنشپەن اياقتالىپ جاتادى.

    سوندىقتان دا تەمىردەي ءتارتىپ ارقىلى قالىپتاسقان قازاق كۇرەسى ەرەجەسىن دۇرىس قولدانۋدا تورەشىلەرگە ارتىلار سىننىڭ جۇگى اۋىر. سەمينار-كەڭەستىڭ بارىسىندا قازاق كۇرەسىنىڭ ۇلتتىق  ءداستۇرلى ات ابزەلدەرىنىڭ ءبىرى قامشىنىڭ دا   تورەشى قولىندا اتقارار قىزمەتى ءسوز ەتىلدى. ارينە، قامشى ەگەر بوزكىلەمنىڭ شەتىندە تۇرعان پالۋاننىڭ باپكەرى، تورەشىنىڭ شەشىمىنە كوڭىلى تولماعان جاڭدايدا كوتەرەتىندىگى بەلگىلى. سوندىقتان ازيا قۇرلىعىنىڭ قازاق كۇرەسى فەدەراتسياسىنىڭ باس حاتشىسى،  حالىقارالىق  دارەجەدەگى تورەشى رافاەل حابيروۆ وسى ماسەلەگە دە ەرەكشە توقتالىپ ءوتىپ، تورەلىك ەتكەندە ۇمىتپاۋلارىنا نازار اۋداردى. سونىمەن، قازاق كۇرەسىمىزدىڭ ەرەجەلەرى جىپتەي ءتىزىلىپ ايتىلىپ، تورەشىلەر وزدەرىنە قاجەتتى اقپارتتا تولىقتاي الا ءبىلدى. ەندى، وسى سەمينار-كەڭەستەن  ويلارىنا ءتۇيىپ العاندارىن ەرتەڭ بايراقتى سىندا ەش قاتەسىز  جول-جۇيەسىمەن قولداناتىن بولادى.

     

    اقىن ورداباي ۇلى،

    زرەنيانين قالاسى (سەربيا)

    پىكىر جازۋ

    Your email address will not be published. Required fields are marked *

    *