• Қазақ
  •   
  • Qazaq
  •   
  • قازاق
  •   
  • Рус
  •   

    Astanada Azııa chempıonatynyń jalaýy jelbiredi

    Astanaǵa Aýdaryspaq jáne Teńge ilýden Azııa chempıonatyna qatysatyn sportshylarymyz ben bapkerler keldi. Biz oraıy kelgende, Qazaqstan Respýblıkasy ulttyq quramasynyń bas jattyqtyrýshysy Qýanyshbek Quramaevtan  jáne aǵa bapkerler Janbatyr Bekmusaevtan, Núrken Baıbórıevten  jarysqa daıarlyq barysy jáne chempıonatqa qatysatyn sportshylarymyz týraly pikirlerin aıtyp berýlerin ótingen edik. Nazarlaryńyzǵa bapkerlerden estigen  sol pikirlerdi qaz-qalpynda usynýdy jón kórdik.

     Ulttyq qurama komandanyń bas bapkeri, Qazaqstannyń eńbek sińirgen jattyqtyrýshysy Qýanyshbek Quramaev:

    —  Azııa chempıonatyna qapysyz daıarlandyq dep oılaımyn. Mamyr aıynyń basynan bastap ulttyq quramadaǵy sportshylarymyzdy Taraz qalasyna tegis jınadyq. Tarazdaǵy «Atletık» sport kesheninde oqý-jattyǵý jıynyn ótkizdik. Bul sport kesheni respýblıkamyzdaǵy iri sport kesheniniń biri. Mysaly, osy sport kesheninde sáýir aıynda erkin kúresten Azııa chempıonatyna baratyn sportshylar oqý-jattyǵý jıynyn ótkizdi. Biz tek aýdaryspaqshylar men teńge ilýshilerdi ǵana emes, jamby atýshy mergender men kókparshylardyń da oqý-jattyǵý jıynyn qatar ótkizdik. Al, aýdaryspaqshylar men teńge ilýshiler týraly aıtsam, olar 1 mamyr men 12 mamyr aralyǵynda jalpy sporttyq deneshynyqtyrý boıynsha jattyqty. Bul degenińiz, kádimgi úlken sportta qalyptasqan oqý-jattyǵý jıynymen birdeı. Bir aılyq oqý-jattyǵý jıynyna qanshama jattyqtyrýshylar qatysty.

    Jatyqtyrýshy degennen eske túsedi, ótken jyldan bastap Ulttyq sport túrleri qaýymdastyǵy respýblıkalyq «Dene shynyqtyrý jáne sport boıynsha respýblıkalyq oqý-ádistemelik jáne taldaý ortalyǵymen» tyǵyz baılanys ornatyp, birlese otyryp jattyqtyrýshylarymyzdy birneshe kýrstan ótkizdi. Atap aıtsam, Shymkent qalasynda 2017 jylǵy 6-15 naýryz aralyǵynda ulttyq at sporty túrlerinen (kókpar, jamby atý, teńge ilý, aýdaryspaq, qyz qýý) biliktilikti arttyrý kýrsy ótti. Kýrstan 66 jattyqtyrýshy-oqytýshy ótti. Bıylǵy jyly Taraz qalasynda 2018 jylǵy 5-13 naýryz aralyǵynda ulttyq at sporty túrlerinen (kókpar, jamby atý, teńge ilý, aýdaryspaq, báıge túrleri) jattyqtyrýshylardyń biliktilikti arttyrý kýrsy ótti. Kýrstan 47 jattyqtyrýshy-oqytýshy ótti. Kýrs Tarazdaǵy «Áýlıe ata» at sporty klýbynda boldy. Sodan soń, Jambyl oblysynyń Merke aýdanynda 2018 jylǵy 16-21 sáýir aralyǵynda ulttyq at sporty túrlerinen (saıatshylyq, qusbegilik) biliktilikti arttyrý kýrsy ótti. Kýrstan 19 jattyqtyrýshy-oqytýshy ótti

     

    Ulttyq qurama komandanyń aǵa jattyqtyrýshysy Núrken Baıbórıev:

    — Bilikti jattyqtyrýshy retinde meniń aıtarym, Teńge ilýden osy Azııa chempıonatynda rekordttyq kórsetkish jańarýy múmkin. Birer jyl buryn Teńge ilýden rekordtyq kórsetkish 14 sekýnd bolatyn. Buny Álihan Báshimbaev jasaǵan bolatyn. Odan soń 13 sekýnt boldy. Bul úzdik teńge ilýshimiz Ǵalymjan Izjanovtyń rekordy edi. О́tken jyly Teńge ilý sportynda aldyna qara salmaı turǵan jas sportshymyz Maǵjan Saparbek Qyzylorda oblysynda ótken ulttyq sport festıvalinde rekorttyq kórsetkishti 11 sekýndqa túsirdi.

    Endi myna Azııa chempıonatyna qatysatyn 9 memleket sportshylary arasynda myqty daıyndyqpen kele jatqan sportshylar az emes. Sondyqtan, osy joly da jańa rekordtyq kórsetkishterge kýá bolýymyz múmkin.

    Al, aýdaryspaq týraly aıtar bolsam, bizdiń balýandar jaqsy daıarlyqtan ótti. Aýyr salmaqtaǵy balýandarymyz bas júldeni taǵy da ıelenýi múmkin.

    Ulttyq qurama komandanyń aǵa jattyqtyrýshysy Janbatyr Bekmusaev:

    — Aýdaryspaq jattyqtyrýshysy bolǵan soń, men osy jarys týraly aıtaıyn. Balýandarymyz bir aı tolyq jattyǵýdan ótti. Tańdaýly on sportshymyz bes salmaq boıynsha irikteýden ótti. Olardyń esimderi jarııalanǵaly birtalaı ýaqyt boldy. Barlyǵy da tájirıbeli balýandar. Birjan Qosalıev, Syrym Izbasarov, Esimhan Rahmatilla ózimniń tól shákirtterim. Úsheýi de halyqaralyq jarystardyń qyr-syryna qanyq. Sondyqtan, bul balýandar jeńisti qoldan bermes dep oılaımyn. Al, 60 kılo men 70 kılo salmaqtaǵy aqtóbelik balýandar buǵan deıin halyqaralyq jarysta beldesip kórgen joq. Onyń ústine dál osy salmaqtarda sheteldik balýandar arasynda tájirıbelileri kóp. Biraq, aqtóbelik áriptesim Abat Aımaǵambetovtyń shákirtteri de aýdaryspaq saıysyna óte myqty. Irikteý jarysynda qarsylastaryn aıqyn basymdylyqpen utty. Sondyqtan, 70 kılodaǵy Shyńǵyshan Erjanov pen 60 kılodaǵy Azamat Serǵazın de júldeli orynnan kórinýi múmkin. Alla buıyrtsa, Qazaqstan ulttyq quramasy III Azııa chempıonatynyń da bas júldesin qanjyǵasyna baılaıdy dep úmittenemin.

    ????????????????????????????????????

    Tólegen JÁKITAI

    Pikir jazý

    Your email address will not be published. Required fields are marked *

    *