Ulttyq Olımpıada komıteti street workout alańqaılaryn ashyp jatyr

О́skemen qalasynda street workout alańqaıy ashyldy.

Street workout –kóshe mádenıetin damytýdaǵy eń tanymal baǵyttardyń biri. Búginde ol elimizde UOK jobasynyń arqasynda halyq eń kóp qatysatyn sport túrine aınaldy. UOK prezıdenti Tımýr Qulybaevtyń bastamasymen 2016 jyldan beri elimizdiń ár aımaǵynda 50-den asa mamandandyrylǵan sporttyq alańqaılar ashyldy. Bul alańǵaılardyń kóbisin Tımýr Asqaruly óz qaltasynan aqsha shyǵaryp saldy. Qazir Astana, Almaty, Shymkent, Qyzylorda, Taraz, Qaraǵandy, Aqtaý, Aqtóbe, Jańaózen jáne Kókshetaý qalalarynda alańqaılar salynǵan. Jobanyń eń basty artyqshylyǵy – alańqaılardyń tek oblys ortalyqtarynda ǵana emes, oblystan shalǵaı jatqan qalalarda da ashylýynda.

–UOK olımpıadalyq sport túrlerin damytýǵa jaýapty. Alaıda, kásipqoı sporttaǵy jetistikter buqaralyq sporttan bastalatynyn esten shyǵarmaý qajet. Mundaı sporttyq alańqaılardyń ashylýy balalar men jastardyń dene shynyqtyrý men sportqa den qoıýyna sebep bolady. Ashyq aspan astyndaǵy sporttyq zonalar el turǵyndary úshin tıimdi ekenin dáleldep jatyr. Biz alańqaılardyń úlken suranysqa ıe ekenin, qańyrap bos qalmaıtynyn baıqadyq. Ol jerde únemi ártúrli deńgeıdegi sporttyq jarystar ótip turady. Qazirgi tańda UOK ókilderi el aımaqtaryn aralaýda. Osy oraıda, biz atalǵan áleýmettik joba týraly basty jańalyqtardy bilip otyrmyz. Bul jobany ári qaraı jalǵastyra beremiz. Aldaǵy ýaqytta shalǵaıda jatqan aýyldarda da alańqaılar boı túzeıdi, — dedi UOK bas hatshysy Danııar Abýlgazın.

О́skemendegi saıabaq aımaqtarynda qurylǵan tórt alańqaıdyń ashylý saltanatyna oblys basshylyǵy, UOK men  STREET WORKOUT federaııasynyń ókilderi qatysty. Semeıde mamandandyrylǵan alańqaılardy ashý týraly jospar jaqyn arada iske asady. Semeıdegi halyq kóp qonystanǵan aýmaqta tórt alańqaı ornalasqan.

Street workout mamandandyrylǵan alańqaılary eń paıdaly qurylǵylarmen jabdyqtalǵan. Alańqaıdaǵy qurylǵylar jabdyǵy bulshyq etterdiń barlyq toptaryn jumyldyryp, jattyǵýdyń tıimdiligin arttyrady. Bul alańqaılardyń basty ereksheligi onyń úlken aýyrtpalyqty kótere alatyn myqty bekitýler bar. Al rezınadan jasalǵan jabdyqtar jattyǵý kezinde jaraqat alý qaýpin seıiltedi.

Street workout federaııasynyń aıtýynsha, búginde 80 myńǵa jýyq qazaqstandyqtar sporttyń osy túrimen shuǵyldanady.

Ulttyq Olımpıada komıtetiniń baspasóz qyzmeti