الماتىدا «پينگ-پونگ حانشايىمى» ءتۋرنيرىنىڭ جەڭىمپازدارى انىقتالدى

27-28 تامىز كۇندەرى الماتىدا قازاقستاننىڭ ۇستەل تەننيسى فەدەراتسياسى مەن  قحر-دىڭ باس كونسۋلدىعىنىڭ قولداۋىمەن BAURZHAN Foundation» جەكە قورىنىڭ ۇيىمداستىرۋىمەن بالالار ءۇيىنىڭ تاربيەلەنۋشى قىزدارى اراسىندا ۇستەل تەننيسىنەن تۋرنير ءوتتى.

13 پەن 16 جاس اراسىنداعى قىزدار جارىسىندا  رۋدنىي قالاسىنان كەلگەن  ولگا كيم، ال 9 بەن 12 جاس ارالىعىنداعى سىندا قاراعاندى وبلىسى «تاڭشولپان» بالالار ءۇيىنىڭ تاربيەلەنۋشىسى تۋزوۆا ەۆگەنيا جەڭىمپاز اتاندى. ەندى ولاردىڭ شانحاي قالاسىنداعى سپورت مەكتەبىنە بارۋعا مۇمكىندىگى بولادى.

27 تامىزدا ۇستەل تەننيسى فەدەراتسياسىندا ءباسپاسوز ءماسليحاتى مەن ءتۋرنيردىڭ سالتاناتتى اشىلۋى ءوتتى. وعان قحر-دىڭ الماتىداعى باس كونسۋلدىعىنىڭ وكىلى چجان سياوتسين، ۇستەل تەننيسى فەدەراتسياسىنىڭ اتقارۋشى ديرەكتورى ماليك بەيساليەۆ پەن «نۇر وتان» پارتياسىنىڭ الماتى كالالىق بولىمشەسى توراعاسىنىڭ ورىنباسارى قايىم-مۇنار تابەەۆ قاتىستى. ولار بىرەگەي بۇل الەۋمەتتىك جوبانىڭ ماڭىزدىلىعىن ايتىپ ءوتتى.

سونداي-اق سالتاناتتى شارادا اشىلۋدا كاسىبي سپورتشىلاردىڭ قاتىسۋىمەن شەبەرلىك ساعاتى ءوتىپ، جاس سپورتشى قىزدار وزدەرىنىڭ قابىلەتتەرىن شىڭداي تۇسۋگە جانە جاقسىلاپ شىنىعۋعا مۇمكىندىك الدى. قىزدار جارىستا وزدەرىن ەركىن ۇستاپ، ەش جاسقانباي  وينادى.

ءتۋرنيردىڭ ءبىرىنشى كەزەڭى ەلىمىزدىڭ 14 ايماعىنان كەلگەن 34 تاربيەلەنۋشى اراسىندا ءوتتى. جاس سپورتشى قىزدار 9-12 جانە 13-16 جاس ارالىعىندا ونەر كورسەتتى.

بۇل ءتۋرنيردىڭ ماڭىزى جايىندا «Baurzhan» قارىنان  ۇيىمداستىرۋشىسى دينارا قادىر دا ايتتى. « ءبىزدىڭ «پينگ-پونگ حانشايىمى» ءتۋرنيرىن وتكىزۋدەگى ەڭ ماڭىزدى شابىتتاندىرۋشىمىز – بالالار ءۇيىنىڭ تاربيەلەنۋشىلەرى مەن ولاردىڭ سپورتقا دەگەن قىزىعۋشىلىعى. مىنا شارا – ولارعا دەگەن كىشكەنە سىيىمىز. كىم بىلەدى، مۇمكىن وسى ءتۋرنيردىڭ ارقاسىندا بىرەۋلەرى سپورت الەمىنەن ءوز ورنىن تاۋىپ بولاشاقتا چەمپيون اتانار»، دەدى ول.

28 تامىز كۇنى ءتۋرنيردىڭ فينالى ءوتتى. چەمپيون اتانعان 9 جاستاعى ەۆگەنيا تۋزوۆا جاس كىشىلىگىنە قاراماستان قارسىلاستارىنىڭ ءبارىن جەڭدى. ەندى ول جارىستىڭ تاعى ءبىر جەڭىمپازىمەن  قىتايدىڭ شانحاي قالاسىنا بارادى.

ءتۋرنيردىڭ سوڭىندا قىزداردى الماتى قالاسىنىڭ ءماسليحات دەپۋتاتى اسىلحان تولەپوۆ، «نۇر وتان» پارتياسىنىڭ الماتى كالالىق بولىمشەسى توراعاسىنىڭ ورىنباسارى قايىم-مۇنار تابەەۆ، بالۋان يسلام بايرامۋكوۆ، قحر-دىڭ باس كونسۋلدىعىنىڭ جاۋاپتى اتقارۋشىسى مياو حونگبو قۇتتىقتادى.

توميريس كەرىمقۇلوۆا

الماتى