قازاق كۇرەسىنەن ءىىى ەۋروپا چەمپيوناتى ءوتىپ جاتىر

وسى كۇندەرى سەربيانىڭ نوۆىي ساد قالاسىندا دۇنيەجۇزىلىك قازاق كۇرەسى فەدەراتسياسىنىڭ ۇيىمداستىرۋىمەن ءتول كۇرەسىمىزدەن ەرەسەكتەر اراسىندا ءىىى ەۋروپا چەمپيوناتى ءوتىپ جاتىر.
وعان قارت قۇرلىقتىڭ 20-دان اسا ەلىنىڭ تۇيە پالۋاندارى قاتىسۋدا. اتالعان فەدەراتسيانىڭ ءبىرىنشى ۆيتسە-پرەزيدەنتى سەرىك توكەەۆتىڭ ايتۋىنشا، ەۋروپانىڭ جەر-جەرىنەن بالقان تۇبەگىنە جينالعان پالۋانداردىڭ كۇرەسى اسا قىزىقتى جəنە تارتىستى وتۋدە.
-بۇل جارىس 1 مامىر كۇنى باستالدى. ونىڭ الدىندا 29-30 ءسəۋىر كۇندەرى نوۆىي ساد قالاسىندا كəرى قۇرلىقتىڭ ماماندارىنىڭ قاتىسۋىمەن ءتول كۇرەسىمىزدىڭ ەرەجەلەرىنە ارنالعان حالىقارالىق سەمينار ءوتتى. جيىنعا دۇنيەجۇزىلىك قازاق كۇرەسى فەدەراتسياسى تورەشىلەر كوميتەتىنىڭ وكىلدەرى، تورەشىلەر توراعاسى باقىت جاڭبىرباەۆ، ەرەجەلەر اۆتورىنىڭ ءبىرى، سپورت ارداگەرى مارات جاقىت، حالىقارالىق دەڭگەيدەگى تورەشى قۋانىش ناحانوۆ پەن فەدەراتسيانىڭ باس حاتشىسى نۇرلىبەك ەرماعامبەتوۆ قاتىستى. ولار ەكى كۇن بويى ەۋروپالىق əرىپتەستەرىنە ۇلتتىق كۇرەسىمىزدىڭ دامۋ دەڭگەيى مەن ونىڭ بولاشاعى تۋرالى ايتىپ، تاجىريبەلەرىمەن ءبولىستى. سەمينار بيىل تۇركىمەنستاننىڭ اشحاباد قالاسىندا جالاۋى كوتەرىلەتىن جابىق عيماراتتاعى ازيا ويىندارىنا تورەشىلەردى əزىرلەۋ ماقساتىندا وتكىزىلدى، — دەيدى سەرىك ادام ۇلى.

داستان كەنجالين