• Қазақ
  •   
  • Qazaq
  •   
  • قازاق
  •   
  • Рус
  •   

    Almatyda sport ordalary Joldaýdy talqylady

    Mádenıet jáne sport mınıstrliginiń Sport jáne dene shynyqtyrý isteri komıtetiniń  tapsyrmasymen Karken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledjinde Prezıdent Nursultan Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýyna arnalǵan jıyn  ótti.

    Bıylǵy Joldaý elimizdiń áleýmettik-ekonomıkalyq damýynyń ózekti máselelerine jáne qazaqstandyqtardyń ál-aýqatyn odan ári arttyrý mindetterine arnaldy. Jıynǵa Almaty qalasy «Shańyraq» shaǵyn aýdanyndaǵy  «Olımpıada rezerviniń respýblıkalyq mamandandyrylǵan mektep-ınternat-kolledji» respýblıkalyq sport kolledji, Almaty qalasynyń Joǵary sport sheberligi mektebi, «Alataý» respýblıkalyq qysqy sport túrleri boıynsha joǵarǵy sport sheberligi mektepteriniń muǵalimderi men bapkerleri de qatysty.

    Tarıh pániniń muǵalimderi R. Súleımenova  men E.Erǵazy  Prezıdent Joldaýynyń negizgi tustaryn tanystyryp baıandama jasady. Jyl saıyn jaryq kóretin Elbasy N.Á.Nazarbaevtyń Qazaqstan halqyna Joldaýyn asyǵa kútetinimizdi aıtyp ótti. «Sebebi onyń elimizdiń qarqyndy damýy úshin áseri zor ekeni aıqyn. Memleket basshysynyń Joldaýy árbir azamattyń ómir sapasyn arttyrýǵa baǵyttalyp otyr. Qujattyń talaptaryn oryndaý – barshamyzdyń mindetimiz.

    Bıylǵy Joldaý jastarǵa tyń serpin beredi, óıtkeni, Elbasy kelesi jyldy «Jastar jyly» dep jarııalady. Bolashaǵymyz jastardyń qolynda ekenin jáne jastardy jańartylǵan bilim mazmuny arqyly oqytý árıne muǵalimder ekenin atap ótti», dedi ol.

    Elimizdiń ósip-órkendeýi týraly keńirek maǵlumat bere otyryp, oqýshylarymyzdy patrıottyqqa baýlý, el tarıhyn bilýge, elimizdi órkendetýge úles qosyp  bilimdi  urpaq bolyp ósýge tárbıeleý bizdiń mindetimiz. Jıynǵa qatysýshylar Prezıdenttiń Joldaýy elimizdiń odan ári damý jolyna maqsatty jáne aıqyn baǵyttalǵan baǵdar alatyndyǵy jóninde ortaq pikirge keldi. Elbasymyzdyń Joldaýy elimizdiń bolashaǵy úshin atqarylyp jatqan ıgi is dep bilemiz.

    Ustanǵan baǵytymyz durys jáne qoǵamnyń árbir múshesi sol baǵytta aıanbaı qyzmet etýi kerek degen sózben talqylaý óz máresine jetti.

     

    Álııa IMANBAEVA,

    Karken Ahmetov atyndaǵy Olımpıada rezerviniń

    respýblıkalyq mamandandyrylǵan

    mektep-ınternat – kolledji

    dırektorynyń tárbıe isi jónindegi orynbasary 

     

    Pikir jazý

    Your email address will not be published. Required fields are marked *

    *