Jylysaı jarysy jyl saıyn jalǵasady

Salaýatty ómir saltyn qalyptastyryp, buqaralyq sportty nasıhattaý maqsatynda uıymdastyrylyp kele jatqan Jylysaı jarysy máresine jetti.

Bul joly dástúrli týrnırdi 1977 jyly týǵan azamattar uıymdastyrdy. Tartysty ótken saıysta birinshi oryndy Balǵabaevtar, ekinshi oryndy Dosymbaevtar, úshinshi oryndy «Jylysaı jastary» komandasy enshiledi. Toptyq kezeńnen ótip, jartylaı fınalǵa jetip toqtaǵan 1974 jylǵy azamattardan jasaqtalǵan komandaǵa da qarjylaı syılyq tabys etildi. Úzdik qorǵaýshy, úzdik shabýylshy jáne úzdik qaqpashy atalymdary boıynsha da oıynshylarǵa arnaıy júlde tapsyryldy.

– Aı saıyn júzege asyp kele jatqan týrnırdiń alǵashqy dodasyn 1989 jyly ómirge kelgen jigitter ótkizip berse, ekinshi saıysty aýyldyń azamattary uıymdastyrdy. Odan keıin 1982 jáne 1984 jyly týǵan azamattar ıgilikti isti jalǵastyryp, jarys ótkizdi. Osy aqjarylqap jobanyń júlgesin úzbeı, dástúrdi buzbaı besinshi týrnırdi ótkizýdi 1977 jylǵy azamattarǵa júktegen bolatyn. Býyny tolyq  qatpaǵan jasóspirim oıynshylardyń arasynda darynymen erekshelengenderi boldy. Jasy elýge taıaǵan ardager oıynshylardyń da shalt qımylyna da kórermender qyzyǵa qol soqty, – deıdi týrnırdi uıymdastyrýshy Ǵalym Bolatuly.

Áýesqoı fýtbolshylardyń asyǵa kútetin dodasynyń kezekti jarysy jeltoqsan aıynda jalǵasyn tappaq.

N.ESIMBAI,

ALMATY