قازاق تاەكۆوندوشىلارى التى جۇلدە الدى

29 قاراشا مەن 2 جەلتوقسان ارالىعىندا بەلارۋستىڭ استاناسى مينسك قالاسىندا تاەكۆوندونىڭ ITF تۇجىرىمى بويىنشا وتكەن الەم كۋبوگىنا قازاقستان ۇلتتىق قۇراماسى ساپىندا سەمەي سپورت اكادەمياسىنىڭ شاكىرتتەرى دە قاتىستى.

وسى جارىستا تۋل دان سەمەيلىك قوس مىقتى دامير سوۆەتحان الەم كۋبوگىندا 2 التىن، اڭسار توكەنوۆ 1 التىن جۇلدەنى قورجىنعا سالدى. ال 14 – 15 جاس ارالىعىندا سىنعا تۇسكەن تەمىرلان قادىرجانوۆ 60 كيلو سالماقتا 3 ورىن السا، 50 كيلودا دياس جاناتباەۆ تا قولا مەدال الدى.

قىزدار اراسىندا 14 – 15 جاس ارالىعىندا دايانگقا شىققان الينا دجۋانيشەۆا 60 كيلودا 3 ورىنعا تۇراقتادى. بۇدان بولەك، نارگيز ەسىمجانوۆا، ەركەجان بەيسەنعالي، المات قاپانوۆتار ءوز سالماقتارىندا 5 جانە 6 ورىنداردان كورىندى. ايتا كەتەيىك، مينسكىدەگى الەم كۋبوگىنا تاەكۆوندوشىلاردى سەمەي سپورت اكادەمياسىنىڭ تاەكۆوندو ءبولىمىنىڭ جوعارى دارەجەدەگى جاتتىقتىرۋشىسى ماحاببات سوۆەتحان باستاپ باردى.

سەمەي سپورت اكادەمياسىنىڭ ءباسپاسوز قىزمەتى