• Қазақ
  •   
  • Qazaq
  •   
  • قازاق
  •   
  • Рус
  •   

    Ǵylym men sportty qatar alyp júrgen azamat

    Belgili pedagog-ǵalym, fılologııa ǵylymdarynyń kandıdaty, doent, Qazaqstan Jýrnalıster Odaǵynyń múshesi, L. Gýmılev atyndaǵy Eýrazııa ulttyq ýnıversıtetiniń oqytýshysy Baýyrjan Sábıtuly Imanǵalıev Pedagogıka ǵylymdary akademııasynyń korrespondent-múshesi bolyp saılandy. Bul ǵylymı ataq akademııanyń jalpy jınalysynda kópshilik daýysqa salý arqyly berildi. Aıta keterligi, mundaı ataq ǵylym kandıdaty nemese doktory ǵylymı dárejesi bar bilim, ǵylym, mádenıet salasynyń kórnekti ókilderine ǵana beriledi. Baýyrjan Sábıtulyna múshelik dıplom men kýálikti akademııa prezıdenti, pedagogıka ǵylymdarynyń doktory, professor Asqarbek Qusaıynov tabys etti.

    Baýyrjan Imanǵalıev 1995 jyly Ál-Farabı atyndaǵy Qazaq ulttyq ýnıversıtetiniń fılologııa fakýltetin úzdik dıplommen bitirgen. Ýnıversıtet qabyrǵasynda fılologııa ǵylymdarynyń doktory, akademıkter — Z.Qabdolov, Z.Ahmetov, professorlar — T.Kákishev, M.Serǵalıev, A.Qyraýbaeva, J.Dádebaev sekildi respýblıkaǵa belgili ǵalymdardan tálim alyp,  jas ta bolsa qyzmettes bolǵan. Baýyrjan Sábıtulynyń ǵylymı-zertteý obektisi — Alash urandy ádebıet,  qazaqtyń birtýar uly, memleket jáne qoǵam qaıratkeri Temirbek Júrgenovtiń ádebı-shyǵarmalyq murasy. B.Imanǵalıev Halyq aǵartý komıssarynyń shyǵarmashylyǵyn ǵylymı aınalymǵa túsirip, zerttegen alǵashqy júrgenovtanýshy-ǵalym. Ol Reseı, О́zbekstan, Tájikstan respýblıkalary men Qyzylorda, Almaty qalalaryndaǵy sırek qoljazbalar muraǵattaryn aqtaryp, Temirbek Júrgenovtiń eńbekterin ǵylymı muraǵa qosty. Onyń qaıratker týraly 4 kitaby jaryqqa shyqty, túrli taqyryptarǵa jazǵan 100-den asa ǵylymı-pýblııstıkalyq maqalalary baspasóz betterinde turaqty jarııalanyp keledi. 1998 jyly QR UǴA-nyń  akademıgi, Halyq jazýshysy Zeınolla Qabdolovtyń jetekshiligimen «Temirbek Júrgenovtiń ádebı-pýblııstıkalyq murasy» atty taqyrypta kandıdattyq dıssertaııa qorǵady.

    Ol sondaı-aq, sportty da janyndaı súıetin jandardyń biri. Bos ýaqytynda sýda júzýdi, voleıbol men shahmat oınaýdy jaqsy kóredi. Taekvondodan 1-shi razrıady bar. «Eńbek pen sport — egiz» degen ustanymdy ómir boıy ustanyp keledi. О́z kásibine adaldyq tanytyp, kóp jyldar boıy elimizdiń táýelsizdigine, jas urpaqty oqytýǵa bar kúsh-jigerin jumsap kele jatqan eljandy Baýyrjan aǵamyzdy aıtýly ataǵymen shyn júrekten quttyqtaımyz! Uzaq ǵumyr, zor densaýlyq, otbasyna baqyt, eńbekte tolaıym tabystar tileımiz!

     

    Tólen TILEÝBAI,

    Astana qalasy

     

    Pikir jazý

    Your email address will not be published. Required fields are marked *

    *