Qazaq palýandary Polshadan júldemen oraldy

Polshanyń Olesnıa qalasynda dzıýdo kúresinen  ótken Eýropa kýbogy úshin jarysta Qazaqstannyń namysyn qorǵaǵan  11 palýannyń arasynan K.Ahmetov atyndaǵy mektep-ınternattyń tórt birdeı óreni jeńis bıigine shyǵyp, Qazaqstannyń komandalyq birinshi oryndy jeńip alýyna zor úlesterin qosty.

Endi jeńis tuǵyryna kóterilgen sańlaqtarymyzdyń esimderimen tanystyrsaq. Qos birdeı altyn júldeni el qorjynyna salyp bergen  60 kg salmaqta Bilál Bolat men 90 kg aýyr salmaqta kúresken Serikbolsyn Shyntastyń esimderin dzıýdo kúresiniń jankúıerleri jattap alǵany jón. О́ıtkeni, bolashaǵyna zor senimmen qarata bilgen  bul eki balýannyń  esimderin áli talaı álemdik deńgeıdegi baıraqty jarystarda estıtin bolarmyz degen senim bar.

Sonymen qatar,  55 kg salmaqta  kúmis júldege ıe bolǵan Ulyqbek Ábilqaıyr men qola júldemen qýantqan 73 kg salmaqtaǵy Aıbar Muqyshevtiń  de jekpe-jekteri mamandardyń kóńilinen úlken oryn ala bildi. Iá, jattyqtyrýshy balýanǵa ekinshi ákesindeı qamqor, janashyr ári tárbıeshi dep bilemiz. Palýannyń jaqsy kórsetken  nátıjelerine qarap bapkeriniń de qosqan úlesin eskerip otyrǵan jón shyǵar. Álem kýbogy úshin ótken beldesýlerde K. Ahmetov atyndaǵy mektep-ınternattyń jastarynyń tabysty kórsetkishterine aǵa jattyqtyrýshy Nurbek Myqtybekov pen Qanat Juldyzqanovtyń  sińirgen eńbekteri  erekshe dep aıtar edik. Kúres dese, selt etip, delebese qozbaıtyn qazaq joq shyǵar. Eger ol jankúıer  ǵana emes, ózi kezinde el birinshiliginde kúresip talaı ret jeńis bıigine kóterilgen aılaly balýan ári bilikti basshy bolsa sóz basqasha. Aıtqaly otyrǵanymyz, kári qurylyqta qazaqstannyń namysyn qorǵaýǵa attanǵan balýandardyń janynda birge bolyp, aqyl keńesin bólisip, tuǵyrly jeńisterin óz kózimen kórip qaıtqan Karken Ahmetov atyndaǵy olımpıada rezerviniń respýblıkalyq mamandandyrylǵan mektep-ınternat kolledjiniń dırektory, ardager balýan Seıilhan Baqtyǵalıuly Qaraqovtyń saparynyń sátti bolǵanynynyń kýási bolyp otyrmyz. О́ıtkeni,  el namysyn qorǵaǵan palýandardyń arasynda aıtýly mektep-ınternattyń atynan qatysqan alty balýannyń tórteýi  jeńis tuǵyryna kóterilip, 2 altyn, 1 kúmis, 1 qola medalderdi jeńip alyp berdi.  Bir ǵana mektep úshin bul jetistikti maqtanyshpen aıtýǵa bolary sózsiz. Endi bul balýandarymyz qoldy bir mezet tómen túsirmeýge mindetti. О́ıtkeni, alda áli talaı dodaly jekpe-jekter daryndy jastardy  kútip tur.

Aqyn ORDABAIULY,

ALMATY