Qart qurlyqta qazaq kúresinen Eýrazııa kýbogy týrnıri ótedi

22-23 jeltoqsanda Nıderlandyda qazaq kúresinen Dúnıejúzilik qazaq kúresi federaııasy men Birikken kúres áleminiń  (UUW) uıymdastyrýymen Eýrazııa kýbogy úshin jarys jalaýyn jelbiretedi.

Oǵan Eýrazııanyń eń myqty 10 eliniń, atap aıtqanda, Qazaqstan, Belgııa, Germanııa, Gollandııa, Grýzııa, Belarýs, Mońǵolııa, О́zbekstan, Qyrǵyzstan men  Tájikstannyń palýandary qatysady. Aıtýly jekpe-jektiń júldeli qory teńgemen eseptegende – 20 mln teńge. Sondyqtan da bul básekeniń tartysty ótetindiginde daý týmas. Jarys baǵdarlamasy boıynsha aldymen qazaq kúresiniń tarıhy men erejesi týraly semınar keńes ótedi. Oǵan jattyqtyrýshylar qatysady.

Dúnıejúzilik qazaq kúresi federaııasynyń 19 jyldan beri jer-júzine ulttyq kúresimizdi nasıhattap, tanytyp kele jatqanyn bilemiz. Aıtýly qaýymdastyqtyń prezıdenti, bilgir basshy Islam Álmaqanuly Ábishevpen birge osy  qaýymdastyqta kóp jyldan beri ólsheýsiz eńbek sińirip kele jatqan uıymnyń birinshi vıe-prezıdenti Serik Adamuly Túkeevterdiń  alǵa qoıyp otyrǵan basty maqsaty sol, ulttyq kúresimizdi álemniń 5 qurylyǵyna qoldan kelgenshe dáriptep, nasıhattaı otyryp, Olımpıada belesine alyp shyǵý. Endeshe, qazaq kúresin kári qurylyqtaǵy damyǵan memlekettiń biri Gollandııa jerinde jekpe-jek uıymdastyryp, tól kúresimizdiń erekshelegin kórsetýdiń joly túsip otyr eken. Sonymen, qazaq kúresinen qyzǵaldaqtylar elinde ótetin alaman jekpe-jekterden tyń aqparattardy  aldaǵy ýaqytta nazarlaryńyzǵa usynatyn bolamyz.

Aqyn ORDABAIULY,

ALMATY