وبلىس اكىمى سەمەيدە سپورتشىلارمەن كەزدەستى

شىعىس قازاقستان وبلىسىنىڭ اكىمى دانيال احمەتوۆ سەمەي سپورت اكادەمياسىندا بولدى.

اكادەميا ديرەكتورى مەرەيعالى كوشكىنوۆ وبلىس اكىمىنە اتقارىلىپ جاتقان جۇمىستار مەن وقۋشىلاردىڭ جەتىستىكتەرى تۋرالى جان-جاقتى ايتىپ بەردى. ەستەرىڭىزدە بولسا، وسىدان ەكى جىل بۇرىن سپورت اكادەمياسى جانىنان دانيال احمەتوۆتىڭ باستاماسىمەن سپورتقا بەيىمى مەن بەيىلى بار بالالارعا ارنالىپ  200 ورىنعا ارنالعان جاتاقحانا اشىلعان بولاتىن. قازىر مۇندا كۇرەستىڭ بىرنەشە تۇرىمەن شۇعىلداناتىن، ۆولەيبولمەن اينالىساتىن ءجوسوسپىرىم ۇل-قىزدار تۇرىپ جاتىر.

جالپى، شىعىس قازاقستاندا قازىر ۆولەيبولدىڭ دامۋى وزگە وڭىرلەرگە قاراعاندا كوش ىلگەرى. وبلىستىڭ «التاي» قىزدار قۇراما كومانداسى حالىقارالىق دارەجەدە جاقسى ويىن ورنەگىمەن ەرەكشەلەنۋدە. وسى رەتتە «التايدىڭ» كاسىبي دەڭگەيىن ارتتىرىپ، قارقىنىن جوعالتپاۋ ماقساتىندا بىرنەشە قوسالقى كوماندالار دا قۇرىلعان. ولاردى قوسالقى دەپ قومسىنۋعا بولمايدى. ويتكەنى، ەل ىشىلىك جارىستاردا ناتيجەلەر كورسەتۋدە. سەمەي سپورت اكادەمياسىنداعى «التاي – 4» كومانداسىنداعى  14 پەن 17 جاس ارالىعىنداعى ءتالىم الىپ جاتقان 30 قىز دا ەرتەڭ كوماندانىڭ نەگىزگى ويىنشىسىنا اينالۋى مۇمكىن.

دانيال احمەتوۆ الدىمەن ۆولەيبولشى قىزداردىڭ جاتتىعۋىن دەن قويا تاماشالادى. جاپونيادان كەلگەن ساە يشيدا ەسىمدى جاتتىقتىرۋشى اكادەميادا وقىپ جاتقان ۆولەيبولشى قىزدارعا بىلگەنىن ۇيرەتۋدە. قيمىلدارى شيراق، قوزعالىستارى شاپشاڭ، ءوزارا ارەكەتتەسە قىزۋ جاتتىعۋداعى قىزدارعا وبلىس اكىمى «دايىن كوماندا» دەپ باعاسىن بەردى، جاپون قىزىنا العىسىن ءبىلدىرىپ، جۇمىسىنا ساتتىلىك تىلەدى.

–كەلەسى جىلى سىزدەر «التاي — 3» كاسىبي كومانداسىنىڭ ويىنشىسىنا اينالاسىزدار. ول ءۇشىن تىنباي جاتتىعۋ جاساۋلارىڭىز قاجەت. سىزدەردىڭ بىلىكتى جاتتىقتىرۋشىلارىڭىز بار. 2020 جىلى وتەتىن توكيوداعى وليمپيادا ويىندارىندا «التاي» كومانداسى ۇلتتىق قۇرامانىڭ قالقانى بولاتىنىنا سەنىمدىمىن، – دەگەن دانيال احمەتوۆ جاس ۆولەيبولشى قىزدارعا سپورتتا جەتىستىككە جەتۋدە مىقتى جاتتىقتىرۋشى مەن سپورتشىنىڭ ەڭبەكقورلىعى اسا ماڭىزدى ەكەنىن اتاپ ءوتتى.

ء–بىز جاپونيا، سەربيا ەلدەرىنەن مىقتى جاتتىقتىرۋشىلاردى شاقىردىق. شەتەلدەن شاقىرتقان باپكەردىڭ ايىرماشىلىعى نەدە دەگەن سۇراق تۋىنداۋى مۇمكىن. ولار جاتتىعۋدى كۇنىنە ءۇش ساعاتتان ەكى ۋاقىت وتكىزەدى. مۇنداي جاتتىعۋ جاساۋ جۇيەسى وبلىس، ءتىپتى، ەلىمىزدە جوق. مىنە، جەتىستىككە جەتۋدىڭ جولى وسىندا جاتىر. بيىكتى باعىندىرعىمىز كەلەدى ەكەن، وندا سپورتقا بالالاردىڭ ەمەس، جاتتىقتىرۋشىلاردىڭ كوزقاراسىن وزگەرتۋىمىز كەرەك، – دەپ اتاپ ءوتتى وبلىس اكىمى.

سەمەي سپورت اكادەمياسىنىڭ ءباسپاسوز قىزمەتى 

شىعىس قازاقستان وبلىسى،

سەمەي قالاسى