SportPress.kz Qazaqstan sport jańalyqtary
Bıyl «Sport» gazetine 60 jyl tolyp otyr. Bul basylym 1959 jyldyń 1 qańtarynan jaryq kóre bastaǵan kezden beri talaı qazaq balasynyń sportqa degen qyzyǵýshylyǵyn oıatyp, tárbıelep shyǵarǵan. Muny áli kúnge deıin jasy 80-nen asqan aqsaqaldarymyz aıtyp otyrady. «Osy gazetpen talaı balalarymyz, jastarymyz tynystap ósti», dep saǵynyshpen eske alady. Iá, atalarymyz ras aıtady. «Sport» – qazaq baspasóziniń tarıhynda qazaq jáne orys tilinde shyqqan eń birinshi sport baspasózi. Ol eń kóp oqylatyn gazetterdiń biri bolǵan. Keńes zamanynda onyń taralymy 300 myńnan asyp túsken eken. Qazirgi jastarǵa osyny aıtsań, ertegi sııaqty bolyp kórinedi. Al «Sport» gazeti 1960-1990 jyldary el-elge, jer-jerge, aýyl-aımaqqa tarap, búkil qazaq balasynyń sportpen jáne deneshynyqtyrýmen aınalysýyna qyzyǵýshylyǵyn oıatyp otyratyn.
Men «Sport» gazetin 1980-shi jyldardan bilemin. 1985 jyly alǵash ret mektep tabaldyryǵyn attaǵan kezde oıyn balasy bolǵan soń, fýtboldy jaqsy kóretin edim. Sol kezde meniń atam – Uly Otan soǵysynyń ardageri Omar Kenjalyuly aýylda pochta tasýshy bolyp qyzmet etken edi. Ol úılerdi aralap, pochta tasyp júrgende ózim sııaqty bastaýysh klastyń balalary atarbadan túspeı, áli sııasy keppegen gazet-jýrnaldarǵa qyzyǵa qarap, ejiktep oqyp otyratynbyz. Bizdiń aýyldaǵy úıge sol gazet-jýrnaldardyń kóbisi kelip turatyn. Al «Sport» gazetin men Almatyǵa barǵanda kórdim. Ákem – Jumabek Omaruly Kenjalın «Soıalıstik Qazaqstan», «Bilim jáne eńbek» pen «Halyq keńesi» basylymdarynda istep júrgende kúnde keshke úıge bir býma gazet-jýrnaldardy ákeletin. Solardyń arasynda árıne, qazaq sport baspasóziniń qarashańyraǵy – «Sport» gazeti de bolatyn. Ol kezde gazettiń redaktory – Nesip Júnisbaev aǵamyz edi. Men onyń esimin «Men kórgen Maradona» degen maqalasynan biletinmin. Bul materıaldy bala kezimde atam men apamnyń qolynda bolǵanda bir jýrnaldan kórgen edim. Qazir ol dúnıeniń qaı basylymda shyqqany esimde joq. Áıteýir, bir jýrnalda jarııalanǵanyn bilemin. Mine, sodan keıin gazet redaktorynyń fýtboldan Meksıkada ótken álem chempıonaty týraly «Meksıkadaǵy fýtbol toıy» degen kitabyn qyzyǵa da qunyǵa da oqyp shyqqanym ras. Sol jyldary gazet óte jaqsy shyqty. Materıaldary qyzyqty jáne tartymdy boldy. Mysaly, Saıyn Tursynov, Júsip Hısymov, Rabat Jánibekov, Sultanǵalı Qarataev, Anatolıı Pıatıbratov sııaqty aǵalarymyzdyń maqalalary, keıin qatarǵa qosylǵan Qydyrbek Rysbek, Dıdar Tóleýish, Nurǵazy Sasaev, Amangeldi Seıithan, Ǵalym Súleımen, Beısen Quranbek, Bıbigúl Jeksenbaı, Gúlstan Qanat, Tóleýbek Qadyrmolla, Kúnsultan Otarbaı men basqa da áriptesterimizdiń dúnıeleri óte qyzyqty shyǵatyn. Al Denderbaı Egizovtiń fotolary bir gazettiń júgin kóterip turatyn desem, artyq aıtqandyǵym emes. Osy azamattar kezinde elge talaı talantty jastarymyzdy tanystyryp, talaı sportshyldardyń dúrmekti dodalardaǵy jeńisterin jalpaq jurtqa jarııalady.
Qazir de «Sport» gazetiniń jýrnalısteri mamandyqqa adal bolyp, jarystarda jeke dara shyqqan daryndy jastarymyzdy elge nasıhattap, gazettiń qyzyqty da tartymdy shyǵýyna bir kisideı qyzmet etip keledi. Ákem jýrnalıst, pýblııst Jumabek Kenjalın aıtqandaı, «Oqyrmandy oıǵa shaqyratyn, tárbıeleıtin, onyń muńyn-mundap, joǵyn joqtaıtyn jańa isterge jigerlendiretin, boıyna qýat bitiretin basylym – qashanda baǵaly basylym». Biz, oqyrman qaýym «Sport» gazetiniń baǵaly basylym bola beretinine senemiz. О́ıtkeni, redakııanyń ujymy árqashanda aldyna qoıǵan maqsatty oryndap, 60 jyldan beri sport taqyrybyna, mamandyqqa adal qyzmet etip jatqanyn kórsetip keledi. Búginde basylymnyń basshysy – elge tanymal, bilikti de bilimdi jýrnalıst aǵamyz Dúráli Dúısebaı bolsa, onyń janynda Bek Tóleý, Mádına Asylbek sııaqty talantty tilshiler jumys istep jatyr. Osy múmkindikti paıdalana otyryp, «Sport» gazetiniń qazirgi redakııasy men buryn osynda jumys istegen áriptesterimdi 60 jyldyq mereıtoımen quttyqtap, zor densaýlyq, qajymas qaırat, shyǵarmashylyq tabys tileımin!
Dastan KENJALIN,
Seıdahmet Berdiqulov atyndaǵy syılyqtyń laýreaty,
Sportpress.kz aqparattyq-saraptamalyq sport saıtynyń bas redaktory.
