SportPress.kz Qazaqstan sport jańalyqtary
Semeı sport akademııasynda oblystyq «Sporttyq jáne jaýyngerlik sambo» federaııasy» qoǵamdyq birlestiginiń uıymdastyrýymen Keńes áskeriniń Aýǵan jerinen shyǵarylýynyń 30 jyldyǵyna jáne ınternaıonalıstik boryshyn óteýde qaza tapqan jerlesterdi eske alý maqsatynda sambo kúresinen oblys chempıonaty ótti, dep habarlady Semeı sport akademııasynyń baspasóz qyzmeti.
1999 – 2000 jyly týǵan jastar arasynda ótken jarysta uldar jáne qyzdar 10 salmaq boıynsha boz kilemniń kórigin qyzdyrdy. Jarystyń ashylý saltanatyna qatysqandar Aýǵan jerinde qaza tapqan jerlesterimizdi bir mınýt únsizdikpen eske aldy. Aýǵan soǵysy ardagerleri keńesiniń Semeı qalasyndaǵy tóraǵasy Boranbaı Begatovtyń aıtýynsha, bul soǵysta burynǵy Semeı oblysynan 1100 adam qatyssa, onyń 44-i sol jaqta kóz jumyp, 2 jaýynger habar-osharsyz ketken. Sondaı-aq Aýǵan ardagerlerine qatysty áli de sheshimin kútken máseleler de bar. Sonyń biri – Aýǵan soǵysy ardagerleriniń mártebesi. Márte aıqyndaıtyn qujat Parlamenttiń tómengi palatasynyń qaraýynda kórinedi.
Al jarysqa kelsek, chempıonattyń bas tóreshisi, sambo kúresinen ShQO boıynsha aǵa jattyqtyrýshy Birjan Imahanov birinshi jáne ekinshi oryn alǵan balýandar 7 – 11 naýryz aralyǵynda Almaty qalasynda ótetin jastar arasyndaǵy el chempıonatyna joldama alatynyn aıtty.
