Túrkistanda jańa fýtbol klýby qurylady

Búgin Túrkistan qalasyndaǵy О́ńirlik kommýnıkaııalar qyzmetinde ótken baspasóz máslıhatynda oblystyq deneshynyqtyrý jáne sport basqarmasynyń basshysy Polat Qyryqbaev 2018 jylǵa qorytyndy jasap, aldaǵy maqsat-mindetter týraly aıtyp berdi, dep habarlady Túrkistan oblysy ákiminiń baspasóz qyzmeti.

Onyń aıtýynsha, byltyr oblys sportshylary Qazaqstan chempıonattary men birinshilikterine qatysyp, 387 altyn, 382 kúmis, 365 qola medal alsa,  Azııa chempıonattarynda  73 altyn, 58 kúmis jáne 38 qola medalǵa ıe bolǵan. Álem chempıonattary men kýboktarynda túrkistandyq saıypqyrandar 32 altyn, 15 kúmis jáne 16 qola júldeni jeńip aldy. Al Indonezııada ótken jazǵy Azııa oıyndarynan Túrkistan oblysynyń sportshylary 2 altyn, 2 kúmis jáne 5 qola medaldi ıelendi.

–Búgingi tańda Túrkistan oblysynda sportty damytý baǵytyndaǵy josparlar men bastamalarǵa oblys ákimi Janseıit Qanseıituly qoldaý bildirip otyr. О́ńirge myqty sportshylar men jattyqtyrýshylardy tartýdy kózdep otyrmyz. Tek óz elimizdiń azamattaryn ǵana shaqyramyz. Men shetelden legıoner shaqyrýǵa túbegeıli qarsymyn. Olar aqshasyn alady da elderine ketedi. Bekzat, Muhtarhan, Ermahan sııaqty jigitter aýyl-aımaqtarda barshylyq. Solardy sportqa baýlyp, chempıondar daıyndyýymyz kerek. Aldaǵy ýaqytta Túrkistan qalasynda zamanaýı jabyq stadıon jáne ózge de sport keshenderi salynady.  Múmkindigi shekteýli azamattarǵa arnalǵan «Turan» sport klýbyn, «Túrkistan» kásipqoı boks klýbyn, Atý jáne sporttyń uqsas túrleri mektebin, Balalar men jasóspirimderdiń mamandandyrylǵan fýtbol mektebin jáne Keshendi joǵary sport sheberligi mektebin ashsaq degen josparymyz bar. Basty maqsat – Tokıo Olımpıadasyna joldamany kóbeıtip, júldegerler daıyndaý. Osy rette dzıýdodan Dıdar Hamza, bokstan Qaırat Eralıev, Bek Nurmaǵambet jáne eskek esý sportyndaǵy órenderimizge úmit artamyz, – dedi Polat Naýryzbaıuly.

Buqaralyq sportty damytý maqsatynda 2018 jyly oblys aýmaǵynda 4026  sporttyq is-shara ótkizilip, oǵan 571,2 myń adam qatysqan. Oblys turǵyndarynyń sportpen shuǵyldaný kórsetkishi  28,9 paıyzǵa jetken.

Sonymen birge, Túrkistan oblysynyń sportshylary Aýyl jasóspirimderiniń II jazǵy oıyndarynda jalpykomandalyq ekinshi oryndy ıelense, mektep jáne kolledj oqýshylary arasyndaǵy jazǵy Spartakıadada birinshi oryndy jeńip aldy.

Basqarma basshysy oblysta basketbol, voleıbol jáne fýtbol syndy komandalyq sport túrlerine de qoldaý kúsheıetinin aıtty.

–Taıaý ýaqytta «Turan» atty fýtbol klýbyn qurýdy josparlap otyrmyz. Ol premer-lıgada oınaıtyn myqty komanda bolady. Sondaı-aq balalar men jasóspirimderdiń oblystyq fýtbol mektebi ashylady, – dedi basqarma basshysy.