• Қазақ
  •   
  • Qazaq
  •   
  • قازاق
  •   
  • Рус
  •   

    اكادەميانىڭ شاكىرتتەرى ۇلكەن جەڭىستەردەن ءۇمىتتى

    الماتى وبلىسىنىڭ تەكەلى قالاسىندا سامبو كۇرەسىنەن كسرو سپورت شەبەرى قايرات مەيرەنباەۆتى ەسكە الۋعا ارنالعان 23 جاسقا دەيىنگى ەرلەر مەن ايەلدەر اراسىندا ەل چەمپيوناتى ءوتتى، دەپ حابارلادى سەمەي سپورت اكادەمياسىنىڭ ءباسپاسوز قىزمەتى.       

    ەلىمىزدىڭ بارلىق وڭىرىنەن 350-گە جۋىق بىلەكتىلەر مەن بۇرىمدىلاردىڭ باسىن قوسقان بۇل جارىستا سەمەي سپورت اكادەمياسىنىڭ شاكىرتتەرى جاقسى ناتيجە كورسەتتى. ءبىزدىڭ بالعىن بالۋاندار تەكەلى تورىنە توسەلگەن بوز كىلەمدە ەكى التىن، ەكى كۇمىس جانە ءبىر قولا مەدال جەڭىپ الدى. بەلدەسۋلەر ناتيجەسىندە 74 كيلودا شالقىبەك راحمەتوللاەۆ قولا، 66 كگ سالماقتا ماراتبەك راحمەتوللين مەن 82 كيلودا كۇرەسكەن قۋانىش راتاەۆ كۇمىس مەدال ەنشىلەدى. ال رۋسلان جارقىنباەۆ (82 كگ) پەن  قۋاندىق ستامپولوۆ (90 كگ) قارسىلاس شاق كەلتىرمەي چەمپيون اتاندى. اكادەميا سامبوشىلارىن بۇل جارىسقا باپكەر ءبىرجان يماحانوۆ باستاپ بارعان بولاتىن.

    سونىمەن قاتار دزيۋدو كۇرەسىنەن قوستاناي وبلىسىنىڭ توبىل ستانتسياسىندا وتكەن رەسپۋبليكالىق تۋرنيردە دە اكادەميانىڭ شاكىرتتەرى جۇلدەگەرلەر قاتارىنان كورىندى. 300-دەن اسا ءجاسوسپىرىمدى جيناعان جارىستا ۇلدار اراسىندا 38 كيلودا  اقان بوتانباي ءۇشىنشى، ەلدوس ورازىنباەۆ (42 كگ) ەكىنشى ورىن الدى. قىزدار اراسىندا اننا   وۆچارەنكو (48 كگ) ەكىنشى، 63 كگ-دەن جوعارى سالماقتا اجار اسحات ءبىرىنشى ورىن الدى. ايتا كەتەيىك، قوستانايداعى جارىسقا ەرجان جانتاسوۆ باپكەر باستاپ باردى.

    پىكىر جازۋ

    Your email address will not be published. Required fields are marked *

    *