الماتىدا سامبودان ەل چەمپيوندارى انىقتالدى

الماتى قالاسىندا سامبو كۇرەسىنەن 1999 – 2000 جىلى تۋعان جاستار (ۇلدار، قىزدار) اراسىندا كسرو-عا جانە قازاقستان رەسپۋبليكاسىنا ەڭبەك سىڭىرگەن جاتتىقتىرۋشى، قازاقستان رەسپۋبليكاسىنا ەڭبەك سىڭىرگەن قايراتكەر تەمىرحان دوسمۇحامبەتوۆتىڭ 70 جاس مەرەيتويىنا ارنالعان ەل چەمپيوناتى ءوتتى، دەپ حابارلادى سەمەي سپورت اكادەمياسىنىڭ ءباسپاسوز قىزمەتى.

الاتاۋ بوكتەرىندە، استانا، الماتى مەن شىمكەنت جانە 14 وبلىستىڭ كومانداسى باس قوسقان بۇل جارىستا 360 سامبو شەبەرلەرى بوز كىلەمنىڭ كورىگىن قىزدىردى. چەمپيوناتقا سەمەي سپورت اكادەمياسىنىڭ سەگىز شاكىرتى قاتىستى. 74 كيلودا باق سىناعان شالقىبەك راحمەتوللاەۆ چەمپيون اتانسا، قىزدار اراسىندا 64 كيلودا بەلدەسكەن زارينا ساريپوۆا قولا مەدالدى يەلەندى. ايتا كەتسەك، شىعىس قازاقستان وبلىسى بۇل چەمپيوناتتا ءبىر التىن، ەكى كۇمىس، ەكى قولا مەدال ەنشىلەدى.