باق وكىلدەرىنە ارنالعان ءباسپاسوز-ءماسليحاتى «حالىق ارەنادا» وتەدى

21-23 ءساۋىر كۇندەرى الماتى قالاسى «حالىق ارەنا» سپورت كەشەنىندە سپورت جاناشىرى، قازاقستان دزيۋدو فەدەراتسياسىنىڭ قۇرمەتتى پرەزيدەنتى ماحمۇتوۆ بەكەت ساپابەك ۇلىنىڭجۇلدەسىنە ارنالعان دزيۋدودان حالىقارالىق تۋرنير وتەدى.

حالىقارالىق تۋرنيرگە بايلانىستى باق وكىلدەرىن رەسمي ءباسپاسوز-كونفەرەنتسياسىنا شاقىرامىز.

ءباسپاسوز-كونفەرەنتسياسى 21 ءساۋىر ساعات 15:30-دا «حالىق ارەنا» سپورت كەشىنەندە كونفەرەنتس زالىندا وتەدى.

ازيا دزيۋدو وداعىنىڭ كۇنتىزبەسىنە سايكەس وتكىزىلگەلى وتىرعان ءدۇبىرلى دوداعا شەتەلدەن 500-گە جۋىق سپورتشىلار 8 سالماق دارەجەسىندە (ەرلەر: -55، -60 كگ، -66 كگ، -73 كگ، -81 كگ، -90 كگ، -100 كگ، +100 كگ; ايەلدەر: -44، -48كگ، -52كگ، -57كگ، -63كگ، -70كگ، -78كگ، +78كگ) قاتىسادى. قازاقستان قۇراماسىنان بۇل سىنعا كادەتتەر اراسىنداعى الەم چەمپيونى ايبولات ىستىباەۆ، ازيا چەمپيونى دامير بولاتبەكوۆ، قىزداردان ازيا چەمپيوندارى پەريزات قادىربەكوۆا، اقمارال ناۋاتبەك، كاميلا بەرلىكاش جانە نۇرسۇلۋ ەراليەۆا، ازيا چەمپيوناتىڭ جۇلدەگەرلەرى ءمولدىر نارىنوۆا مەن نۇرجامال جارمانوۆا سىندى ەلىمىزدىڭ ماقتان تۇتار جاس سپورتشىلارى قاتىسادى. حالىقارالىق ءتۋرنيردى «KazSport» ارناسى كورسەتەدى.

* تىركەلگەن جۋرناليستەرگە اككرەديتاتسيا ءباسپاسوز كونفەرەنتسياسىندا بەرىلەدى.

قازاقستان دزيۋدو فەدەراتسياسىنىڭ ءباسپاسوز قىزمەتى