جاڭا كىتاپ جارىق كوردى

«مەنىڭ 100 پارتيام». تانىمال جورنالشى، اۋدارماشى، ساياساتكەر ساعات ءجۇسىپتىڭ الماتىداعى «كۋرسيۆ» باسپاسىنان شىققان كىتابى وسىلاي اتالادى. س. ءجۇسىپ دويبى  سپورتى مەن تاقىرىبىنا مول ەڭبەك ءسىڭىرىپ جۇرگەن ادام. ونىڭ «دويبى مەكتەبى»، «64 شارشىداعى حالىقارالىق دويبى» (گ. پاكپەن بىرگە)، «قازاقتىڭ تۇڭعىش شەبەرى» (قازاقتان شىققان تۇڭعىش سپورت شەبەرى ب. يماناليەۆ جايلى) دەگەن كىتاپتارى وقىرمانداردىڭ جاقسى ىقىلاسىنا يە بولىپ تەز تاراپ كەتكەن كىتاپتار. سوناۋ وتكەن عاسىردىڭ 60-70 جىلدارى دويبى تاقىرىبىنا كىتاپ جازعان ت. سۇلتانبەكوۆتان كەيىن قازاق تىلىندە بۇل تاقىرىپقا جازاتىن ماماندار وتە از بولعانىن ايتقانىمىز ءجون. 60 جىلدان استام ۋاقىت بويى دويبىنى جان سەرىك ەتكەن  س. ءجۇسىپ اعامىزدىڭ سپورتتىق جەتىستىكتەرى دە از ەمەس. قىزمەتباستى بولعانىنا قاراماستان جاس كەزىندە ەكى رەت رەسپۋبليكا چەمپيونى بولعان، حالقىمىزدىڭ نامىسىن وداقتىق جارىستاردا قورعاعان، قارتايعان شاعىندا ءۇش رەت ەل چەمپيونى بولىپ ارداگەرلەر اراسىنداعى الەم بىرىنشىلىگىنە دە قاتىسۋعا ۋاقىت تابا ءبىلدى.

-بۇل كىتاپتى ءوزىمنىڭ بيىلعى مەرەيتويىما ارناپ وزىمە تارتۋ رەتىندە سىيلاپ وتىرمىن. 60 جىلدان استام ۋاقىت جان سەرىگىم بولعان دويبى ماعان كوپ قۋانىشتى ساتتەر سىيلادى، مىنەزىمدى قالىپتاستىردى، مي قابىلەتىمدى شيراتتى. 600-ن استام رەسمي پارتيالار ويناعان ەكەنمىن. سولاردان 100 پارتيامدى ىرىكتەپ جاس دويبىشىلارعا ۇسىنىپ وتىرمىن. پايدالارىنا جاراسا يگى – دەيدى ساكەڭ.

ەندى دويبىقۇمار وقىرماندارعا ساكەڭنىڭ وسى كىتاپتا جاريالانعان ءبىر پارتياسىن كورۋدى ۇسىنامىز. ساكەڭ جاساعان كەرەمەت كومبيناتسيا بىرنەشە دويبى جۋرنالدارى مەن كىتاپتاردا جارىق كورگەن.

تس.تسابۋتاشۆيلي (گرۋزيا) – س. ءجۇسىپوۆ (قازاقستان) (1976 ج.) كسرو-ڭ 4-ءى كوماندالىق بىرىنشىلىگى، «تەرىس قازىق» باستاۋى.

1.cb4 fe5 2.gh4 ef4 3.eg5 hf4 4.ba5  «قازىقتى» (c5 پەن f4  تاستارىن) بىردەن شابۋىل جاساۋدىڭ ەش پايداسى جوق ەكەنىن وقىرماندارىم بىلەر، ەش پايدا بەرمەيدى 4…bc5 5. Bc3 ef6 قارا جاعى بۇل جۇرىسىمەن ورتا ءۇشىن كۇرەسەتىنىن اڭعارتتى. 6.cb4 gh6 6….fe5 ءجۇرۋ قاۋىپتىلەۋ، اق 7.fg3 ءجۇرىپ بايلاپ تاستاۋى مۇمكىن.7.fg3 hg7 8.ge5 fd4 9.ab2 gf6 دەبيۋت ءبىتتى، ەندى كۇردەلى ويىن باستالۋى ءتيىس. 10.hg3 de7 11.dc3 fe5 12.gh2  

شەشۋشى كەزەڭ. اق كەلەسى جاسايتىن: 12…gf4 13.eg3 hf4 جۇرىسىمەن  قارانى قيىن جاعدايعا تۇسىرەمىن دەپ ويلادى. بىراق..  12….ef4! 13.ce5 `(ەگەر 13.ge5 df6 14.cd2 fe5 15.ef2 ef6 16.fg3 ab6 17.de3 fg7 18.gf4 eg3 19.hf2 hg5 20.hg3 fe5 21.gh4 gf6 22.fg3 ba7 23.gf4 eg3 24.hf2 fe5 25.fg3 gh4x    13…ef6 14.eg7 de5! 15.bd6 hg5 16.hd4 ca1 17.ge5 ah8x 

بيىل 75 جاسقا تولايىن دەپ وتىرعان اعامىزعا  قاجىماس قايرات پەن  مىقتى دەنساۋلىق، شابىتتى شىعارماشىلىق تىلەيمىز.

سەرىك  ەرعالي