Almatyda atan jilik, apaıtós alyptar anyqtaldy

Búgingi tańda tól  kúresimizdi damytýda stýdent jastardyń qosyp jatqan úlesi zor.

Keshe Abaı atyndaǵy Qazaq ulttyq pedagogıkalyq ýnıversıtetiniń shańyraǵynda Almaty qalasy JOO stýdentteriniń arasynda qazaq kúresinen jekpe-jekter bolyp ótti. Bul jarys stýdentter arasynda shahardaǵy eń myqty túıe palýandy anyqtaýǵa arnalǵan edi.

Bul beldesýler  bir jaǵynan jastardyń ulttyq kúresimizdi  dáriptep, qurmetpen qaraýyna baǵyshtalsa, ekinshi jaǵynan,  stýdentterdiń salaýatty ómir saltyna bet burýdy maqsat etipti.

Jarystyń saltanatty ashylýynda sóz sóılegen Abaı atyndaǵy Qazaq ulttyq pedagogıkalyq ýnıversıtetiniń rektory, pedagogıka ǵylymdarynyń doktory, professor Tahır Ospanuly Balyqbaev aıtýly beldesýdiń ulttyq kúresimizdiń damýyna qosar úlesi erekshe ekendigine toqtalyp, palýandarǵa tabysty jekpe-jekter tiledi. Sonymen birge qurmetti qonaqtardyń qatarynda sóz alǵan, Qazaq kúresi federaııasynyń memlekettik jattyqtyrýshysy Jeńis Bıtkózov pen osy uıymnyń bas hatshysy Baqdáýlet Sábıtov qazaq kúresiniń bolashaǵyna jastardy kóp tartý baǵytynda úlken jumys jasap otyrǵan Abaı atyndaǵy Qazaq ulttyq pedagogıkalyq ýnıversıtetiniń ujymyna zor alǵystaryn jetkizdi. Al, qazaq kúresiniń elimizde keńinen óris alýyna ólsheýsiz úles qosqan azamattyń biri, qazaq kúresiniń tuńǵysh prezıdenti, Qazaq KSR-iniń eńbek sińirgen jattyqtyrýshysy, Abaı atyndaǵy UPÝ-niń Deneshynyqtyrý jáne sport kafedrasynyń meńgerýshisi, professor Erǵalı Muhıtdınovtyń osyndaı alamandy uıymdastyrýda eńbegi eren. Sondyqtan da jarys shymyldyǵy ashylarda sóılegen sózinde belgili kúres mamany qazaq kúresiniń stýdentter arasynda ótkizýdiń mańyzy aıryqsha ekendigine toqtalyp, palýandarǵa sáttilik tiledi. Sosyn jekpe-jekter bastalyp ketti.  Rasymen de Abaı atyndaǵy UPÝ-niń Almaty shaharynda alǵash bolyp stýdent jastardyń ata kúresimizge úlken súıispenshlikpen qarap, damytý baǵytynda alǵashqylardyń biri bolyp osyndaı  tartysty beldesýlerdi qolǵa alyp uıymdastyrýy úlken maqtaýǵa laıyq deýge bolady.

Sonymen bozkilemde Túıe balýan atanýǵa úmitti qaladaǵy barlyq JOO oryndarynyń 30-ǵa tarta jas palýandary jeńis úshin jan aıamaı beldesti. Jeńis qashanda qandaı sport túri bolmasyn, shyn nıetimen jattyǵýda barynsha ter tókkenge buıyrary belgili. Bul joly da solaı boldy. Sońǵy fınaldyq kezdesýde aıtýly oqý ornynyń  qos birdeı  stýdenti kezdesken edi. Bir oqý ordasynyń eki birdeı stýdentiniń sońǵy synda jolyǵýynyń ózi kezdeısoqtyq emes edi. О́ıtkeni, eki birdeı palýan da qazaq kúresinen  álem chempıonatynyń kúmis júldegeri, tól kúresimizdiń maıtalman mamany  Erkin Saıdaqovtyń qaramaǵanda  jattyǵady. Sondyqtan da bir-biriniń qımyl-qozǵalysyn jaqsy biletin qos alyptyń arasynda jeńimpazdy anyqtaý ońaı bolmasy anyq edi. Degenmen de  О́ner-mádenıet jáne sport ınstıtýtynyń  Deneshynyqtyrý  jáne sport fakýltetiniń 1 kýrs  stýdenti 124 kg salmaǵy bar atańjilikti jas palýan Ersultan Jorabekovtyń mysy basym boldy. О́ıtkeni, Ersultan – sambo kúresinen jasóspirimder arasynda respýblıkalyq jarystyń jeńimpazy, qazaq kúresinen jastar arasyndaǵy el chempıony. Sonymen qatar, ol belbeý kúresinen álem chempıonatynyń  qola júldesin alyp, jastar men jasóspirimder arasynda Qazaqstan birinshiliginde talaı ret top jarǵan sportshy. Osy jarysta da Ersultannyń jeńiske bir taban jaqyn ekeni birden-aq biline bastady. Qarsylastarynyń barlyǵyn alyp ta, shalyp ta jyǵyp, fınalǵa shyqqan Ersultandy bozkilemde Quqyq jáne tarıh ınıstýtynyń Zań fakýltetiniń 1 kýrs stýdenti  salmaǵy 143 kg jetetin bulan moıyn, qaqpan bel Hamza Nursultan kútip turǵan edi. Tartysty ótken beldesýdiń alǵashqy mınýttarynda-aq, ońtaıly sáttiń birinde  jambasqa salyp laqtyrǵan  kezde Hamza sharasyzdan jerge shalqasymen túsken edi. Osylaısha qarsylasynyń jaýyrynyn jerge taza qoıǵan Ersultan jarystyń túıe palýany atandy. Til kózden aman bolsa, Ersultannyń shyǵar bıigi alda ekendigine kópshilikti kózi jetkendeı boldy. Talantty jas palýan jarys uıymdastyrýshysy Abaı atyndaǵy Qazaq ulttyq pedagogıkalyq ýnıversıtetiniń qoldaýymen bas báıgege tigilgen qomaqty qarjyny qanjyǵasyna baılap ketti. Al, júldeli 3 oryndy M.Tynyshbaev atyndaǵy  Qazaq Kólik jáne kommýnıkaııa akademııasynyń 2 kýrs stýdenti Japar Nurbol  jeńip aldy.

Stýdent jastardyń ulttyq kúresimizge degen súıispenshiligin arttyrý aıasynda ótken bul jarystyń bolashaǵy jarqyn. Sondyqtan da osy beldesýdi qalaı ótkizsek eken dep, jarǵaq qulaǵy jastyqqa tımeı shapqylap júrgen Abaı atyndaǵy UPÝ-niń Tárbıe jumysy jáne áleýmettik damý jónindegi prorektory Janatbek Ishpekbaev myrza jarys sońynda túıe palýan Ersultan Jorabekti qurmetpen marapattap, qarjylaı syılyǵyn qoshametpen tabys etti.

Negizi osyndaı alamandy ótkizý ońaı emes ekeni kimge bolsa belgili. Biz keı-kezde jarysty tamashalaımyz da ony jasaǵan, dúnıege ákelip halyqqa tartý etken bylaısha aıtqanda qara jumysyna ter tókkenderdi umytyp jatamyz. Ol durys emes. Eńbek esh ketpeı, árqashanda baǵalanyp aıtylýy qajet. Osyndaı úlken baıraqty syndy ótkizýde, Tárbıe, áleýmettik jumystar jáne jastar saıasaty jónindegi departamenti men  Deneshyqtyrý jáne sport kafedarasynyń ujymyna, jarysty tamashalaǵan halyq alǵystaryn aıamaı jaýdyryp jatty. Bul da kóńil qýantarlyq jáı.

Jalpy, bul dodany uıymdastyrýdaǵy basty maqsat ol stýdentterdiń ata kúresimizge degen súıispenshiligin oıatý, salaýatty ómirge jol silteý.  Osyndaı dúbirli jarystardy qyzyqtaǵan jastardyń ulttyq kúresimizge degen qyzyǵýshylyǵy mindetti túrde arta túseri anyq. Sondyqtan aldaǵy jyly ótetin jarys budan da artyq tartysty ári qyzyqty  ótetinine senimimiz zor.

Endeshe, atanjilikti jas palýandardyń alar asýlary áli alda.

Aqyn ORDABAIULY,

ALMATY