• Қазақ
  •   
  • Qazaq
  •   
  • قازاق
  •   
  • Рус
  •   

    ەرالحان مەرگەن ەل نامىسىن قورعايدى

    ەلوردادا جامبى اتۋدان ءى الەم چەمپيوناتى وتەدى. ەلىمىزدە تۇڭعىش ۇيىمداستىرىلعان دۇنيەجۇزىلىك باسەكەدە ەل نامىسىن قورعايتىن باس مەرگەننىڭ ءبىرى – ەرالحان ايكوز. بۇگىن جانكۇيەرگە 2015 جىلدان جامبى اتۋ جارىستارىندا ۇزدىك شىققان جاس مەرگەنىمىزدىڭ جەتىستىكتەرىن قىسقاشا تانىستىرىپ ءوتۋدى  جون كوردىك.

    جامبى اتۋدان ءى الەم چەمپيوناتى ەلوردا تورىندەگى «حان-شاتىر» كەشەنى ماڭىندا 30 مامىر مەن 2 ماۋسىم ارالىعىندا وتەدى. نۇر-سۇلتان قالاسى اكىمدىگى مەن ۇلتتىق سپورت قاۋىمداستىعى بىرلەسە ۇيىمداستىراتىن  «Nur-Sultan Ethno Fest»  مەرەكەسى اياسىنداعى «التىن جەبە» ءى الەم چەمپيوناتىندا جيىرماعا جۋىق مەملەكەتتىڭ قىرىقتان  استام ايتۋلى مەرگەندەرى باق سىنايدى.

    ارينە، ءبىزدىڭ ەلدە ات ۇستىنەن ساداق اتۋدا ەسىمدەرى جاقسى تانىلا باستاعان مەرگەندەر از ەمەس. ابزال تۋلىبەكوۆ، ايتبەك سارىباي، ەلدوس باداشەۆتار بۇعان دەيىن رەسپۋبليكالىق باسەكەلەردە عانا ەمەس، بىرنەشە حالىقارالىق جارىستاردا جۇلدەلى ورىنداردى يەلەندى. 2017 جىلى ەلىشىلىك چەمپيوناتتا كۇمىس جۇلدەنى العان قاراعاندىلىق تالعات وماربەكوۆ وتكەن جىلى قازاقستان چەمپيونى اتاندى.  بيىلعى جاستار اراسىنداعى قازاقستان چەمپيوناتىندا جامبى اتۋدان تۇركىستاندىق بەكزات جاقسىبەك  الدىنا قارا سالمادى. قازاقستان چەمپيوناتىندا كۇمىس جۇلدەگەر بولعان باقداۋلەت باباجان ءساۋىر ايىندا الماتىدا وتكەن جاستار اراسىنداعى ءى ازيا چەمپيوناتىن جەڭىپ الدى.

    الداعى ۋاقىتتا بۇل مەرگەندەر  تۋرالى مالىمەتتەردى دە رەتىمەن تانىستىراتىن بولامىز. بۇگىنگى اقپارات   ەرالحان مەرگەن جايلى.

    سۋرەتتە: «التىن جەبە» حالىقارالىق ءتۋرنيرىنىڭ ەكى دۇركىن جۇلدەگەرى، جاسوسپىرىمدەر جانە جاستار اراسىنداعى قازاقستاننىڭ بىرنەشە دۇركىن چەمپيونى، جاستار اراسىنداعى ءى ازيا چەمپيوناتىنىڭ كۇمىس جۇلدەگەرى ەرالحان ايكوز

    تۇركىستان وبلىسى، تولەبي اۋدانى، مايبۇلاق اۋىلىندا 1999 جىلى دۇنيەگە كەلگەن ەرالحان ايكوز جامبى اتۋ سپورتىمەن شۇعىلدانۋدى  2014 جىلدان باستاپ، 16 جاسىندا   العاش رەت چەمپيون اتاندى. دالىرەك ايتساق، 2015 جىلعى جاسوسپىرىمدەر اراسىنداعى قازاقستان چەمپيونى بولدى. تۇركىستان وبلىستىق ۇلتتىق سپورت مەكتەبىنىڭ شاكىرتى 2017 جىلى تاعى دا وسى جەتىستىككە جەتتى. ءسويتىپ، ول جاسوسپىرىمدەر اراسىنداعى قازاقستان چەمپيونى اتاعىن ەكى دۇركىن يەلەندى. ال، 2018 جىلى جاستار اراسىنداعى ەل چەمپيونى، 2019 جىلى كۇمىس جۇلدەگەرى بولدى. سونداي-اق، ەرالحان ايكوز بيىلعى جىلى الماتىدا وتكەن جاستار اراسىنداعى ءى ازيا چەمپيوناتىندا كۇمىس جۇلدەنى كەۋدەسىندە جارقىراتتى.

    ەرالحان حالىقارالىق جارىستىڭ دوداسىندا دا شىڭدالىپ ۇلگەرگەن مەرگەن. ەلوردادا 2017 جىلى تۇڭعىش ۇيىمداستىرىلعان «التىن جەبە» حالىقارالىق تۋرنيرىندە ول قولا جۇلدەگە يە بولدى. بىلە بىلسەك، الەمنىڭ ايتۋلى مەرگەندەرى باق سىناعان مۇنداي ءىرى جارىستا 18 جاستاعى جاس جىگىتتىڭ جۇلدە الۋى ۇلكەن جەتىستىك. العاشقى «التىن جەبە» ءتۋرنيرىنىڭ باس جۇلدەسى رۋمىنيالىق ميحاي كوزمەيگە، كۇمىس جۇلدەسى ءبىزدىڭ ايتبەك   سارىبايعا بۇيىرعان ەدى.

    سۋرەتتە: «التىن جەبە» حالىقارالىق ءتۋرنيرىنىڭ ەكى دۇركىن جەڭىمپازى رۋمىنيالىق مەرگەن ميحاي كوزمەي

    2018 جىلى ەكىنشى مارتە وتكىزىلگەن «التىن جەبە» حالىقارالىق تۋرنيرىندەگى ەرالحاننىڭ شەبەرلىگى ءالى جادىمىزدا. ءىى «التىن جەبە» تۋرنيرىنە  جەر-ءجۇزىنىڭ 11 ەلىنىڭ سۇرمەرگەنى قاتىستى. جارىس باستالعاننان رۋمىنيالىق ميحاي مەرگەن سۋىرىلىپ  العا شىقتى. سوندا قۇيعىتا شاپقان قالپى ءبىر نىساناعا قوس جەبەسىن دارىتىپ ۇلگەرەتىن ميحايمەن ءۇش كەزەڭدە دە ۇزەڭگى قاعىستىرا العان جالعىز ەرالحان عانا بولدى. ءتىپتى، «تۇرىك ءستيلى» بويىنشا وتكەن باسەكەدە ەرالحان ات ۇستىنەن ساداق اتۋدان الەم چەمپيونى، ەۋروپانىڭ بىرنەشە دۇركىن جەڭىمپازى ميحاي كوزمەي مەن تۇرىكتىڭ اتاقتى مەرگەنى الكان يبراحيم الپەرەننەن ۇپاي وزدىرىپ، ءبىرىنشى ورىندى يەلەندى. «قازاق ستيلىندە» ءۇشىنشى ورىنعا تابان تىرەدى. الايدا، «ازيالىق ستيل» باسەكەسىندە بىرنەشە مارتە وعى ءمۇلت كەتكەن ەرالحان قورىتىندى ناتيجەدە ءىى «التىن جەبە» ءتۋرنيرىنىڭ كۇمىس جۇلدەسىن قانجىعاسىنا بايلادى. جيىنى 169، 65 ۇپاي العان رۋمىندىق سۇرمەرگەن ميحاي كوزمەي  تاعى دا باس جۇلدەنى يەلەندى. ءىى «التىن جەبە» تۋرنيرىندە ەرالحان ولجالاعان جيىنى 145،97 ۇپاي، ەگەر سالىستىرا قاراساق، ساداق اتۋمەن شيرەك عاسىر شۇعىلدانعان ميحاي مەرگەننەن اسا كەم سوعىپ تۇرعان جوق. مىسالى، سول باسەكەدە حالىقارالىق جارىستاردىڭ سان مارتە  چەمپيونى اتانعان، ۆەنگريادا ات ۇستىنەن ساداق اتۋ مەكتەبىن اشقان ەڭ تاجىريبەلى سۇرمەرگەن نەماتي كريستوف ارپاد جيناعان ۇپاي جۇزدەن ءسال عانا استى. ەسكە سالىپ وتسەك، بۇل ماجارستاندىق نەماتي كريستوف ارپاد 2017 جىلعى  «التىن جەبە» تۋرنيرىندە بەسىنشى ورىندى يەلەنگەن بولاتىن.

    سوندىقتان، ەلىمىزدە تۇڭعىش وتەتىن الەم چەمپيوناتىندا بۇيىرتسا ەرالحان مەرگەن ۇزدىك ونەر كورسەتەدى دەگەن ءۇمىت مول. بىراق، ونى ۋاقىت كورسەتەدى. الدا، قازاقستان چەمپيوناتى تۇر. ەرەسەكتەر اراسىنداعى بيىلعى چەمپيوناتقا ءار ءوڭىردىڭ تاڭداۋلى مەرگەندەرى مول جينالۋدا. 19 مامىردا تاراز قالاسىندا باستالاتىن ەلىشىلىك باسەكە مامىردىڭ 26 كۇنى اياقتالادى.

     

    تولەگەن جاكىتاي

     

     

     

    پىكىر جازۋ

    Your email address will not be published. Required fields are marked *

    *