الماتى وبلىسىندا بالۋانعا قۇرداستارى قۇرمەت كورسەتتى

1982 جىلى تۋعان ازاماتتاردىڭ بيىل مەكتەپ بىتىرگەندەرىنە 20 جىل. وسىنداي ايتۋلى شارا الماتى وبلىسى، كەگەن اۋدانى، جىلىساي اۋىلىنداعى مايلى ورمانوۆ ورتا مەكتەبىندە دە ءوتتى.

1999 جىلى التىن ۇيادان قاناتتانىپ ۇشىپ، ۇلكەن ومىرگە قانات باسقان تۇلەكتەر اراعا 20 جىل سالىپ ءبىلىم وشاعىنا ورالدى. ءبارى دە ءبىر-ءبىر سالانىڭ بىلگىر ماماندارى. 1982 جىلعى ازاماتتار جىلىساي اۋىلىنىڭ تۋماسى، سامبو، قازاق كۇرەسى، دزيۋدو  كۇرەس تۇرلەرىنەن سپورت شەبەرى، سامبو كۇرەسىنىڭ ەڭبەك سىڭىرگەن قايراتكەرى اسحات قاسىمحان ۇلى راحمەتوۆكە قۇرمەت كورسەتىپ، يىعىنا وقالى شاپان جاپتى.

«ءبىز ءبارىمىز وسىدان 20 جىل بۇرىن ۇلكەن ومىرگە قادام باسقاندا الدىمىزدا قانداي سىن، سىناق كۇتىپ تۇرعانىن بىلدىك پە. اركىم ءوزىنىڭ كوڭىلى سوققان سالاعا بەيىمدەلىپ، جوعارى وقۋ ورنىنا ءتۇستى. اسحات راحمەتوۆ  مەكتەپتە  وقىپ جۇرگەندە-اق  سپورتقا، ونىڭ ىشىندە كۇرەسكە بەيىم بولاتىن. ءوزى ارمانداعان سپورت اكادەمياسىندا وقىپ، جوعارى ءبىلىم الدى. سامبو، قازاق كۇرەسى، دزيۋدو سىندى سپورت تۇرلەرىنەن رەسپۋبليكالىق، حالىقارالىق سايىستارعا قاتىسىپ، جۇلدەلى ورالدى. جۋىردا عانا تۇركىستان قالاسىندا سامبو كۇرەسىنەن سپورت شەبەرلەرى اراسىندا قازاقستان چەمپيوناتى ءوتىپ، اسحات قاسىمحان ۇلى 90 كيلو سالماقتا قازاقستان چەمپيونى اتاندى. اۋىلىمىزدان ءالى دە اسحاتتىڭ سوڭىنان ەرىپ،  چەمپيوندار شىعا بەرەتىنىنە سەنىمدىمىز. اسحات راحمەتوۆ – جىلىساي اۋىلىنان شىققان تۇڭعىش سپورت شەبەرى. كۇرەس كىلەم جوق جەردە كۇرەس ۇيىرمەسىنىڭ بولمايتىنى زاڭدىلىق. بىراق وسىنداي قولبايلاۋعا قاراماستان » دەيدى بالۋاننىڭ قۇرداستارى.

«تۇركىستان قالاسىندا وتكەن قازاقستان چەمپيوناتىندا توپ جارىپ، الەم چەمپيوناتىنا قاتىسۋ مۇمكىندىگىنە يە بولدىم. ەندى كۇزدە گرۋزيادا وتەتىن الەم بىرىنشىگىندە ەل نامىسن قورعاپ، كوك بايراعىمىزدى جەلبىرەتىپ، ءانۇرانىمىزدى شىرقاتۋعا بارىمدى سالامىن» دەيدى بالۋان ا.راحمەتوۆ.

قۋان ەسىمباي،

الماتى وبلىسى،

كەگەن اۋدانى،

جىلىساي اۋىلى