SportPress.kz Qazaqstan sport jańalyqtary
1982 jyly týǵan azamattardyń bıyl mektep bitirgenderine 20 jyl. Osyndaı aıtýly shara Almaty oblysy, Kegen aýdany, Jylysaı aýylyndaǵy Maıly Ormanov orta mektebinde de ótti.
1999 jyly altyn uıadan qanattanyp ushyp, úlken ómirge qanat basqan túlekter araǵa 20 jyl salyp bilim oshaǵyna oraldy. Bári de bir-bir salanyń bilgir mamandary. 1982 jylǵy azamattar Jylysaı aýylynyń týmasy, sambo, qazaq kúresi, dzıýdo kúres túrlerinen sport sheberi, sambo kúresiniń eńbek sińirgen qaıratkeri Ashat Qasymhanuly Rahmetovke qurmet kórsetip, ıyǵyna oqaly shapan japty.
«Biz bárimiz osydan 20 jyl buryn úlken ómirge qadam basqanda aldymyzda qandaı syn, synaq kútip turǵanyn bildik pe. Árkim óziniń kóńili soqqan salaǵa beıimdelip, joǵary oqý ornyna tústi. Ashat Rahmetov mektepte oqyp júrgende-aq sportqa, onyń ishinde kúreske beıim bolatyn. О́zi armandaǵan sport akademııasynda oqyp, joǵary bilim aldy. Sambo, qazaq kúresi, dzıýdo syndy sport túrlerinen respýblıkalyq, halyqaralyq saıystarǵa qatysyp, júldeli oraldy. Jýyrda ǵana Túrkistan qalasynda sambo kúresinen sport sheberleri arasynda Qazaqstan chempıonaty ótip, Ashat Qasymhanuly 90 kılo salmaqta Qazaqstan chempıony atandy. Aýylymyzdan áli de Ashattyń sońynan erip, chempıondar shyǵa beretinine senimdimiz. Ashat Rahmetov – Jylysaı aýylynan shyqqan tuńǵysh sport sheberi. Kúres kilem joq jerde kúres úıirmesiniń bolmaıtyny zańdylyq. Biraq osyndaı qolbaılaýǵa qaramastan » deıdi balýannyń qurdastary.
«Túrkistan qalasynda ótken qazaqstan chempıonatynda top jaryp, álem chempıonatyna qatysý múmkindigine ıe boldym. Endi kúzde Grýzııada ótetin álem birinshiginde el namysn qorǵap, kók baıraǵymyzdy jelbiretip, ánuranymyzdy shyrqatýǵa barymdy salamyn» deıdi balýan A.Rahmetov.
Qýan ESIMBAI,
Almaty oblysy,
Kegen aýdany,
Jylysaı aýyly
