«Nur-Sultan ethno fest» merekesi bastaldy

Búgin «Han-shatyr» mańyndaǵy «Nur-Sultan ethno fest»  merekesiniń alǵashqy kúngi dýmany bastaldy, dep habarlady Ulttyq sport qaýymdastyǵy.

Ulttyq salt-dástúrdiń saltanat qurǵan merekesin tamashalaý da, balalar men eresekter arasyndaǵy túrli dástúrli sporttyq oıyndardyń dýmandy básekesi de qyzý júrgizile bastady.

Kópshilikke kósh kezinde túıege júk artýdyń ret—tártibi kórsetilýde

«Qısyq aǵash tez basynda jatpaıdy». Aǵash sheberleri qısyq aǵashty tezge salyp túzeıdi

Qolóner buıymdarynyń qalaı jasalatynyn kózben kórýge bolady

At ústinen sadaq atýdan tuńǵysh uıymdastyrylǵan I álem chempıonatynyń mergenderi. «Altyn jebe» dep atalatyn bul álem chempıonatyna  qatysý úshin AQSh, Ońtústik Koreıa, Túrkııa, Rýmynııa, Bolgarııa, Sırııa sııaqty barlyǵy on beske jýyq memlekettiń otyzǵa tarta mergen—sportshylary qatysady. Búgin mergender jerebe boıynsha at tańdaýǵa jınaldy. Jarysqa daıarlyq—jattyǵýdy bastady.  «Altyn jebe» chempıonaty  2 maýsymda aıaqtalady.

Merekede komandalyq kókpar oıyny, aýdaryspaq, teńge ilý sporttyq oıyndary tamashalanady.

Búrkit, qarshyǵa, ıtelgi sııaqty aýshy qustar jáne tazy—tóbet  kórmeleri uıymdastyrylýda.

Dástúrli sadaq atýdan respýblıkalyq týrnır jáne naıza laqtyrý, jasandy «attarmen» aýdaryspaq, teńge ilý oıyndary, balalardyń sadaq atý básekesi ótedi.

Úlken sahnada tanymal óner ıeleriniń oryndaýynda án-jyr aıtylyp, kúı-saıys uıymdastyrylyp, aqyndar aıtysy ótkiziledi.

Merekeni uıymdastyrýshylar – Nur-Sultan qalasynyń ákimdigi men Ulttyq sport qaýymdastyǵy.