SportPress.kz Qazaqstan sport jańalyqtary
«Altyn jebe» álem chempıonatyna qatysatyn sportshylar «Nur-Sultan ethno fest» merekesi ótetin etno-qalashyqta sońǵy daıarlyq-jattyǵýlaryn jasady, dep habarlady Ulttyq sport qaýymdastyǵy.
Keshe dúnıejúzi mergenderi erteńgi básekede jarys jolyna shyǵý reti boıynsha etno-qalashyqtyń úlken sahnasyna jerebe tartýǵa jınaldy. Jarys jerebesin tartýdyń saltanatty rásimine Mádenıet jáne sport mınıstrligi Deneshynyqtyrý jáne sport komıtetiniń tóraǵasy Serik Sápıev pen Ulttyq sport qaýymdastyǵynyń atqarýshy dırektory Rahat Jaqsybaı qatysyp, sportshylarǵa sáttilik tilep, at ústinen sadaq atýdan I álem chempıonatyn ashyq dep jarııalady.
Sondaı-aq, Deneshynyqtyrý jáne sport komıtetiniń tóraǵasy Serik Sápıev «Nur-Sultan ethno fest» merekesi aıasynda ótip jatqan dástúrli sadaq atýdan respýblıkalyq týrnırge qatysýshy sportshylardyń jattyǵý-daıyndyq sharasyna baryp, ulttyq sadaqpen nysana atyp kórdi.
«Altyn jebe» I álem chempıonatynda 12 memlekettiń 24 mergeni baq synaıdy.
