جەتىسۋدا جاسوسپىرىمدەر چەمپيوناتى جالاۋ كوتەرەدى

23-30 ماۋسىم كۇندەرى الماتى قالاسىنىڭ ىرگەسىندەگى يپپودرومدا ۇلتتىق سپورت تۇرلەرىنەن جاسوسپىرىمدەر اراسىنداعى قازاقستان چەمپيوناتى ءوز جالاۋىن كوتەرەدى، دەپ حابارلادى ۇلتتىق سپورت قاۋىمداستىعى.

جاسوسپىرىمدەر چەمپيوناتى مادەنيەت جانە سپورت مينيسترلىگىنىڭ جىلدىق كۇنتىزبەلىك جوسپارىنا سايكەس  ۇلتتىق سپورت قاۋىمداستىعىنىڭ ۇيىمداستىرۋىمەن، الماتى وبلىسى اكىمدىگىنىڭ قولداۋىمەن وتەدى.

2001-2003 جىلداردا تۋعان جاسوسپىرىمدەر اراسىنداعى ەلىشىلىك چەمپيوناتتىڭ جالاۋى كوتەرىلەتىن ناقتى مەكەن-جاي – الماتى وبلىسى، تالعار اۋدانىنا قاراستى «بايسەركە» يپپودرومى. ۇلتتىق سپورتتىڭ   قالىڭ جانكۇيەرى جاقسى بىلەدى، الماتى قالاسىنىڭ ىرگەسىندەگى ءدال وسى يپپودرومدا بيىلعى جىلعى 16-21 ساۋىردە جاستار اراسىنداعى ءى ازيا چەمپيوناتىنىڭ دۋماندى باسەكەسى وتكەن بولاتىن. 11 مەملەكەت كومانداسى قاتىسقان تۇڭعىش ازيا چەمپيوناتىندا ۇلتتىق سپورتتىڭ ءتورت تۇرىنەن دە قازاق جاستارىنىڭ مەرەيى ۇستەم بولىپ، جاس چەمپيوندارىمىزدىڭ قاتارى كوبەيە تۇسكەن ەدى.

ال، كوكپاردان، اۋدارىسپاقتان، تەڭگە ىلۋدەن ءVىII رەت، جامبى اتۋدان V رەت ۇيىمداستىرىلاتىن جاسوسپىرىمدەر چەمپيوناتىنىڭ بيىلعى باسەكەسىنە مامانداردىڭ ايتۋىنشا، بارلىق وبلىستاردىڭ كوماندالارى قاتىسۋى مۇمكىن. قازىرگى كەزدە الماتى قالاسىنىڭ ىرگەسىندەگى «بايسەركە» يپپودرومىندا جاسوسپىرىمدەر چەمپيوناتىن وتكىزۋدىڭ سوڭعى دايارلىق جۇمىستارى  قىزۋ جۇرگىزىلۋدە.

ەسكە سالىپ وتسەك، بىلتىرعى جىلعى جاسوسپىرىمدەر اراسىنداعى قازاقستان چەمپيوناتى كوكشەتاۋ قالاسىنداعى «قۇلاگەر» يپپودرومىندا ءوتتى.

تامىز ايىندا تۋ كوتەرگەن ەلىشىلىك باسەكەدە الماتى قالاسى، اقمولا، تۇركىستان، جامبىل، اقتوبە، قىزىلوردا، سولتۇستىك قازاقستان، باتىس قازاقستان، الماتى وبلىستارىنىڭ جاسوسپىرىمدەرى باق سىنادى. كوكپار سپورتى بويىنشا تۇركىستان وبلىسىنىڭ كومانداسى باس جۇلدەنى تالاسسىز جەڭىپ الدى. كۇمىس جۇلدە جامبىل وبلىسىنىڭ جاستارىنا، قولا جۇلدە اقتوبە وبلىسىنىڭ جاستارىنا بۇيىرعان ەدى.