«ارلاندار» فۋتبول كلۋبى حالىقارالىق براگا كۋبوگىن جەڭىپ الدى

پورتۋگاليانىڭ براگا قالاسى 2018 جىلدان بەرى ەۋروپانىڭ سپورت قالاسى اتانعان. وتكەن جىلدان قازىرگى كۇنگە دەيىن سپورتتىڭ ءتۇر-تۇرىنەن الەم چەمپيوناتتارى مەن حالىقارالىق جارىستاردى ۇيىمداستىردى. سونىڭ ءبىرى – فۋتبولدان بالالار اراسىنداعى براگا كۋبوگى.

بۇل جارىسقا 9 ەلدەن 98 كوماندا قاتىستى. بارلىعى 1 800 فۋتبولشىلار 7 جاس كاتەگورياسى بويىنشا باق سىناستى. ءبىز سونىڭ U13، U11 جاس ساناتى بويىنشا قاتىستىق. قارسىلاستاردىڭ ەشقايسىسى وڭاي بولعان جوق. وندا ەۋروپانىڭ «بەنفيكا»، «سپورتينگ» سەكىلدى اتاقتى فۋتبول كلۋبتارى مەن «گيۋماراەنش» سەكىلدى اكادەميانىڭ فۋتبولشىلارى ونەر كورسەتتى.

قازاقستان بارلىق سپورت تۇرلەرىن يگەرىپ، وسى تەك فۋتبولدى عانا يگەرە الماي كەلە جاتىر. فيفا-نىڭ رەيتينگىسى بويىنشا 130 ورىننىڭ اينالاسىندا ءجۇر. قالاي دەسەك تە، فۋتبولدىڭ وتانى سانالاتىن، بىزدەن كەمى 50-60 جىل العا وزىپ كەتكەن ەۋروپا فۋتبولىنا قارسى ويىن كورسەتۋ جانە ولاردى جەڭۋ – ەرلىك دەپ ايتۋعا بولادى. براگا كۋبوگىن جەڭىپ كەلگەن وسى قازاقتىڭ بالالارى قانداي ماراپاتقا بولسا دا لايىق. ولاردىڭ ەرلىگىن جەتكىزۋ مۇمكىن ەمەس. پورتۋگالياداعىداي ساپالى فۋتبول الاڭىندا ويناپ كورمەگەن، ولارداعىداي جاتتىقتىرۋشىلاردان ءتالىم الماعان، ءبىر سوزبەن ايتقاندا، فۋتبولى جوق ەلدەن بارىپ، فۋتبولى دامىعان ەلدە جەڭىسكە جەتتى.

قازاقستان بالالار فۋتبولى تاريحىندا پورتۋگاليانىڭ حالىقارالىق تۋرنيرىنەن ءبىرىنشى رەت كۋبوك العان وسى بالالار. 8 ويىن وتكىزىپ جەتەۋىندە ۇتتى، ءبىر ماتچتا جەڭىلدى. تۋرنير بارىسىندا «ارلانداردان» جەڭىلگەن كوماندالاردىڭ ەڭىرەپ تۇرىپ جىلاعانىنا ەتىمىز ۇيرەنە باستاعانىمەن جاتتىقتىرۋشىلارىنىڭ (بارلىق ستاف) قوسا كوزدەرىنە ەرىك بەرگەنىن ءبىرىنشى رەت كورۋىمىز. مۇنداي جىلاستان كەيىن جەڭىستى بەرە سالعىمىز كەتەدى ەكەن.

بارىنەن بۇرىن بۇل جەڭىس قازاقستان بالالارىنا موتيۆاتسيا بولسىن، جىگەرلەندىرسىن دەپ تىلەيمىن. «قازاقستان بالالارى فۋتبول ويناي المايدى. ەۋروپا فۋتبولىن جەڭۋ مۇمكىن ەمەس» دەگەن سياقتى سىڭارجاق پىكىرلەردى ۇمىتۋىمىز كەرەك.

بۇل جەڭىسىمىز استانا كۇنىنە تارتۋىمىز بولسىن دەيمىز.

تۋرنير 30 ماۋسىم مەن 7 شىلدە ارالىعىندا ءوتتى. وسى جارىستا «ارلاندار» كلۋبىپورتۋگاليادا قازاقستاندى بارىنشا ناسيحاتتادى. تەلەارنالارى مەن گازەتتەرى، راديولارى ءبىز تۋرالى ايتىپ، جازىپ كەلەدى.

«ارلاندار» فۋتبول كلۋبى تۋرالى باسقا دا مالىمەتتەردى www.arlandar.kz سايتىنان كورۋگە بولادى.

فازىلبەك ءابساتتار،

براگا،

پورتۋگاليا