«Arlandar» fýtbol klýby Halyqaralyq Braga kýbogyn jeńip aldy

Portýgalııanyń Braga qalasy 2018 jyldan beri Eýropanyń sport qalasy atanǵan. О́tken jyldan qazirgi kúnge deıin sporttyń túr-túrinen álem chempıonattary men halyqaralyq jarystardy uıymdastyrdy. Sonyń biri – fýtboldan balalar arasyndaǵy Braga kýbogy.

Bul jarysqa 9 elden 98 komanda qatysty. Barlyǵy 1 800 fýtbolshylar 7 jas kategorııasy boıynsha baq synasty. Biz sonyń U13, U11 jas sanaty boıynsha qatystyq. Qarsylastardyń eshqaısysy ońaı bolǵan joq. Onda Eýropanyń «Benfıka», «Sportıng» sekildi ataqty fýtbol klýbtary men «Gıýmaraensh» sekildi akademııanyń fýtbolshylary óner kórsetti.

Qazaqstan barlyq sport túrlerin ıgerip, osy tek fýtboldy ǵana ıgere almaı kele jatyr. FIFA-nyń reıtıngisi boıynsha 130 orynnyń aınalasynda júr. Qalaı desek te, fýtboldyń otany sanalatyn, bizden kemi 50-60 jyl alǵa ozyp ketken Eýropa fýtbolyna qarsy oıyn kórsetý jáne olardy jeńý – erlik dep aıtýǵa bolady. Braga kýbogyn jeńip kelgen osy qazaqtyń balalary qandaı marapatqa bolsa da laıyq. Olardyń erligin jetkizý múmkin emes. Portýgalııadaǵydaı sapaly fýtbol alańynda oınap kórmegen, olardaǵydaı jattyqtyrýshylardan tálim almaǵan, bir sózben aıtqanda, fýtboly joq elden baryp, fýtboly damyǵan elde jeńiske jetti.

Qazaqstan balalar fýtboly tarıhynda Portýgalııanyń halyqaralyq týrnırinen birinshi ret kýbok alǵan osy balalar. 8 oıyn ótkizip jeteýinde utty, bir matchta jeńildi. Týrnır barysynda «Arlandardan» jeńilgen komandalardyń eńirep turyp jylaǵanyna etimiz úırene bastaǵanymen jattyqtyrýshylarynyń (barlyq staf) qosa kózderine erik bergenin birinshi ret kórýimiz. Mundaı jylastan keıin jeńisti bere salǵymyz ketedi eken.

Bárinen buryn bul jeńis Qazaqstan balalaryna motıvaııa bolsyn, jigerlendirsin dep tileımin. «Qazaqstan balalary fýtbol oınaı almaıdy. Eýropa fýtbolyn jeńý múmkin emes» degen sııaqty syńarjaq pikirlerdi umytýymyz kerek.

Bul jeńisimiz Astana kúnine tartýymyz bolsyn deımiz.

Týrnır 30 maýsym men 7 shilde aralyǵynda ótti. Osy jarysta «Arlandar» klýbyPortýgalııada Qazaqstandy barynsha nasıhattady. Telearnalary men gazetteri, radıolary biz týraly aıtyp, jazyp keledi.

«Arlandar» fýtbol klýby týraly basqa da málimetterdi www.arlandar.kz saıtynan kórýge bolady.

Fazylbek ÁBSATTAR,

BRAGA,

PORTÝGALIIa