Aspantaýda halyqaralyq aıqas ótedi

27 shilde kúni Aspantaýlar eteginde, Almaty oblysy, Kegen aýdanynyń ortalyǵynda jekpe-jek ónerinen Álmerek batyr atyndaǵy halyqaralyq týrnır jalaýyn jelbiretedi.

Kegen aýdanynyń ákimdigi,  «Álmerek abyz» qoǵamdyq qory jáne Dúnıejúzilik jekpe-jek qaýymdastyǵy tize qosyp uıymdastyratyn týrnır Kegen aýdanynyń jáne Shyrǵanaq aýylynyń qurylǵanyna 90 jyl tolýyna oraı ótkizilmek. Ata qazaq jekpe-jek aıqasynan Álmerek batyr  atyndaǵy halyqaralyq dodada  elimizdiń tańdaýly saıypqyrandary Ortalyq Azııa elderinen keletin noıandarǵa qarsy aıqasqa túsedi.

Álmerek batyr babamyzǵa taǵzym etý qurmetine arnalǵan Ata qazaq jekpe-jek ulttyq sport túrinen kásipqoı sportshylar arasyndaǵy halyqaralyq týrnırge qatysýshylar 10 salmaqta aıqasqa túsedi. Sonyń ishinde 2 salmaq dárejesinde chempıondyq ataq pen arnaıy  kýbok báıgege tigiledi.

27 shilde kúni 14:00-de bastalatyn saıys Kegen aýylyndaǵy sport alańynda ótedi.

Qýanysh BAJAQ,

ALMATY