Ulttyq sporttyń jattyqtyrýshylary marapattaldy

Sport merekesi kúni ulttyq sport salasyna eńbegi sińgen úsh azamat Mádenıet jáne sport mınıstrliginiń «Dene shynyqtyrý jáne sportty damytýǵa sińirgen eńbegi úshin» tósbelgisimen marapattaldy, dep habarlady Qazaqstan ulttyq sport qaýymdastyǵy.

Tamyz aıynyń úshinshi jeksenbisi – Sport merekesi kúni. Osy mereke qarsańynda, naqty aıtqanda 15 shilde kúni Ulttyq sport qaýymdastyǵy arnaıy keńes ótkizip, kóp jyldar boıy ulttyq sporttyń damýy úshin ter tókken birneshe azamattardyń  kandıdatýrasyn «Dene shynyqtyrý jáne sportty damytýǵa sińirgen eńbegi úshin»  tósbelgisine usynǵan bolatyn. Qaýymdastyq keńsesinde ótken keńestiń №7 hattamasyna esimderi tirkelgen azamattar arasynan úsh jattyqtyrýshymyzdyń 16 tamyz kúni Mádenıet jáne sport mınıstrliginiń marapatyna ıe bolǵanyn qýana habarlaımyz. Atap aıtqanda, Aqmola oblysynan Marat Qoıshınge, Aqtóbe oblysynan Amandyq Qarabaevqa jáne Jambyl oblysynan Nurdáýlet Momynovqa Mádenıet jáne sport vıe-mınıstri Ramazanov Eldos Muratuly «Dene shynyqtyrý jáne sportty damytýǵa sińirgen eńbegi úshin»  tósbelgisin tabys etti. Eske salyp ótelik, Sport merekesi qarsańynda Mádenıet jáne sport mınıstrligi otandyq sport salasynyń damýyna úles qosyp kelgen 30 adamǵa erekshe qurmet kórsetti.

Sýrette: Mádenıet jáne sport vıe-mınıstri Eldos Ramazanov pen «Dene shynyqtyrý jáne sportty damytýǵa sińirgen eńbegi úshin»  tósbelgisiniń ıegeri Marat Qoıshın.

Marat  Qoıshın  2003 jyldan bastap Aqmola oblysy  dene shynyqtyrý jáne sport basqarmasyna qarasty «Balýan Sholaq atyndaǵy  ulttyq sport túrlerinen oblystyq balalar-jasóspirimder sport mektebiniń»  dırektory,  Ulttyq sport túrlerinen OBJSM-ne deıin  dene shynyqtyrý  páninen muǵalimi, erkin kúresten  jattyqtyrýshy-oqytýshy.

Aqmola óńirinde ulttyq sport túrleriniń damýyna, jan-jaqty nasıhattalýyna uzaq jyldar boıy zor úles qosyp kelgen Marat Qoıshın  «Aqmola oblystyq «Ulttyq sport túrlerinen» qoǵamdyq birlestiginiń prezıdenti, Aqmola oblysynyń qazaq kúresinen aǵa jattyqtyrýshysy,  Qazaqstan Respýblıkasynyń  ulttyq joǵarǵy dárejedegi tóreshisi.

Sýrette: Mádenıet jáne sport mınıstrligi Sport jáne deneshynyqtyrý  isteri komıtetiniń tóraǵasy Serik Sápıev pen «Dene shynyqtyrý jáne sportty damytýǵa sińirgen eńbegi úshin»  tósbelgisiniń ıegeri Amandyq Qarabaev.

 Amandyq  Qarabaev   Aqtóbe oblysynyń Dene shynyqtyrý jáne sport basqarmasyna qarasty   «Oblystyq mamandandyrylǵan ulttyq sport túrlerinen balalar-jasóspirimder sport mektebiniń» at sportynan aǵa jattyqtyrýshysy. Aqtóbe óńirinde ulttyq at sportyn damytýǵa úlken úlesin qosyp kelgen azamat. Qarabaev Amandyqtyń qalalyq, oblystyq, respýblıkalyq jarystarda júldeli oryndarǵa ıe bolǵan shákirtteri mol. Atap aıtqanda, Embergenov Jasádil,  Tursynbaev Bekarys,  Janarbek Azat,  Eljanov Nurhan,  Tursynbaev Abaı,  Esenǵarın Aslan,  Jangeldi Nurdáýlet qatarly shákirtteri aýdaryspaq, kókpar, teńge ilýden ótken respýblıkalyq jarystardyń júldegeri atanǵan.

Sýrette: Mádenıet jáne sport vıe-mınıstri Eldos Ramazanov pen «Dene shynyqtyrý jáne sportty damytýǵa sińirgen eńbegi úshin»  tósbelgisiniń ıegeri Nurdáýlet Momynov.

Nurdáýlet Momynov – 2004 jyldan bastap Jambyl oblysy ákimdiginiń Dene shynyqtyrý jáne sport basqarmasy «Ulttyq sport túrlerinen «Áýlıe-Ata» kásipqoı klýbynyń» basshysy. Jambyl oblysynyń ulttyq at sporty túrleri federaııasynyń prezıdenti. Kókpardan «Qazaqstan Respýblıkasynyń sport sheberi» jáne «Qazaqstan Respýblıkasynyń eńbek sińirgen jattyqtyrýshysy».

Nurdáýlet Momynov komandalyq kókpar sportynda uzaq jyl ter tókken aıtýly balýan. Kókpardan Qazaqstan chempıonattarynyń 9 dúrkin jeńimpazy (2001, 2002, 2005, 2007, 2009, 2010, 2013, 2015, 2016 jyldar) atandy. «Aq bıdaı» aýyl sporty oıyndarynyń 2 dúrkin jeńimpazy (2003, 2013 jyldar). «EýroAzııa» Kýbogynyń ıegeri (Taraz, 2003 jyl). Ulttyq sport túrlerinen respýblıkalyq festıvaldiń 3 dúrkin jeńimpazy (2004, 2011, 2015 jyldar).

Qazirgi kezde Nurdáýlet Momynov komandalyq kókpardan Respýblıkalyq bas tóreshi.

Ulttyq sport jattyqtyrýshylarynyń Mádenıet jáne sport mınıstrliginiń marapatyna ıe bolýy ulttyq sport salasyndaǵy barsha azamattarǵa ortaq qýanysh. Sondyqtan,  «Dene shynyqtyrý jáne sportty damytýǵa sińirgen eńbegi úshin»  tósbelgisine ıe bolǵan jattyqtyrýshylardy ulttyq sporttyń qalyń jankúıeri atynan shyn júrekten quttyqtaımyz!