SportPress.kz Qazaqstan sport jańalyqtary
Qazaqstandyq kásipqoı boksshy Beıbit Shúmenov resmı túrde karerasyn aıaqtaǵanyn málimdedi.
Shúmenovtiń aıtýynsha, jattyǵý kezinde kózinen alǵan jaraqaty tym aýyr boldy. Dárigerler oǵan bokstaǵy jolyn jalǵastyrýǵa tyıym saldy. Sebebi, qatty soqqy alar bolsa, kózi kórmeı qalýy ábden múmkin. Boksshy shilde aıynda kezekti ret ota jasatady.
Aıta keteıik, búgin Dúnıejúzilik boks qaýymdastyǵy (WBA) Shúmenovti turaqty chempıon ataǵynan aıyrǵany habarlandy. Beıbit atalǵan uıymǵa densaýlyǵyna baılanysty karerasyn jalǵastyra almaıtynyn jetkizgen.
Shúmenovke tıesili tıtýl endi kýbalyq bylǵary qolǵap sheberi Iýnıer Dortıkosqa berildi. Qos boksshynyń arasyndaǵy jekpe-jek sáýir aıynda ótýi tıis bolatyn. Alaıda, qazaqstandyq boksshynyń jaraqatyna baılanysty kezdesý keıinge shegerilgen edi.
Sharshy alańda ol jartylaı aýyr jáne birinshi aýyr salmaq dárejelerinde judyryqtasqan. Búginge deıin barlyǵy 19 jekpe-jek ótkizip, 17-in jeńispen aıaqtasa, ekeýinde qarsylasyna ese jiberdi. Al 11 kezdesýin nokaýtpen aıaqtady.
