Зарина Дияс Манчестерде өткен турнирде жеңіске жетті

Қазақстандық теннисші Зарина Дияс Ұлыбританияның Манчестер қаласында өткен ITF турнирінде топ жарды.

Финалдық кездесуде ол сербиялық Александра Круничпен кездесіп, 6:4, 6:4 есебімен басым түсті. 24 жастағы сербиялық теннисші әйелдер теннис қауымдастығы (WTA) рейтингінде 101-орында тұр. Ал 23 жастағы отандасымыз – 207-орында. Мәліметтерге сәйкес, жарыстың жүлде қоры 100 мың долларды құрайды.

Айта кетейік, Зарина Дияс жартылай финалда жергілікті теннисші Наоми Брэдиді 6:3, 6:4 есебімен жеңген болатын. Британдық спортшы рейтингте алтыншы орында келеді.

Манчестер қаласындағы жеңісінен кейін Зарина Дияс жаңартылған рейтингіде 74 орынға көтерілді. Қазіргі уақытта ол 133-орынға жайғасты. Қазақстанның бірінші ракеткасы атағы әзірге Юлия Путинцеваның еншісінде. Соңғы рейтингіде ол 42-орыннан 44-орынға сырғыды. Ал тағы бір отандасымыз Ярослава Шведова 47-орыннан 48-орынға түсті.

Ал әлемнің бірінші ракеткасы атағы әзірге неміс Анжелик Керберге тиесілі. Екінші орынға румыниялық Симона Халеп орналасса, үздік үштікті чехиялық Каролина Плишкова түйіндеп тұр.

Пікір жазу

Your email address will not be published. Required fields are marked *

*