ءتورت قۇرلىقتا تۇكيەۆتىڭ تۋلارى تۇر

دۇنيەجۇزىلىك قازاق كۇرەسى فەدەراتسياسىن تابانى كۇرەكتەي 13 جىل باسقارىپ، قازاقتىڭ ءوزى جوندەپ قادىرىنە جەتە قويماعان ۇلتتىق كۇرەستى ءتورت قۇرلىققا ءمالىم قىلىپ، 30-عا جۋىق ەلدە فەدەراتسيا قۇرۋعا قول جەتكىزگەن سەرىك ادامبولسىن ۇلى، مىنە، التى ايعا جۋىق جالامەن قاماۋدا وتىر.

تامىزدىڭ 13-ءى كۇنى قازاق ەلىنىڭ پرەزيدەنتى قاسىم-جومارت توقاەۆتىڭ اتىنا ءبىر توپ سپورت قايراتكەرلەرى مەن اتاقتى سپورتشىلار اشىق حات جولداعان ەدىك. قازىر سول حاتقا قول قويعاندار سانى 10 مىڭنان استى. وسىنىڭ ءوزى سەرىك تۇكيەۆتىڭ ەل اراسىنداعى بەدەلىنىڭ جوعارى ەكەنىن بىلدىرسە كەرەك.

قادىرلى اعايىن، ەگەر سپورتتىڭ ءار ءتۇرىن وسى سەرىكتەي ازاماتتار قولعا الىپ، تالماي، شىن جاناشىرلىقپەن تەر توكسە، قازاقستان سپورتىنىڭ جاعدايى قازىرگى دەڭگەيىنەن الدەقايدا جوعارى بولار ەدى. بىزدەر، سپورت ماماندارى مەن قايراتكەرلەرى، پرەزيدەنت توقاەۆقا جازعان حاتىمىز ول كىسىنىڭ قولىنا ءتيىپ، سەرىك تۇكيەۆ پەن دۇنيەجۇزىلىك قازاق كۇرەسى فەدەراتسياسىنىڭ قازىرگى باسشىسى يسلام ابىشەۆتىڭ بوستاندىققا شىعۋىنا تىلەكتەسپىز. سەبەبى، مەن وسى ەكى ازاماتتىڭ ۇلتتىق كۇرەسكە سىڭىرگەن ەڭبەگىن كوزىممەن كورىپ، ولار اتقارعان جۇمىستىڭ باسى-قاسىندا بولعان اداممىن.
قۇزىرلى ورىندار وسى ىسكە ءادىل، ءارى جاناشىرلىقپەن قاراسا ەكەن.

مارات جاحيت،

كەڭەس وداعىنىڭ ەڭبەك سىڭىرگەن جاتتىقتىرۋشىسى.