قازاقستاندىق تەننيسشى زارينا دياس ۇلىبريتانيانىڭ مانچەستەر قالاسىندا وتكەن ITF تۋرنيرىندە توپ جاردى.
فينالدىق كەزدەسۋدە ول سەربيالىق الەكساندرا كرۋنيچپەن كەزدەسىپ، 6:4، 6:4 ەسەبىمەن باسىم ءتۇستى. 24 جاستاعى سەربيالىق تەننيسشى ايەلدەر تەننيس قاۋىمداستىعى (WTA) رەيتينگىندە 101-ورىندا تۇر. ال 23 جاستاعى وتانداسىمىز – 207-ورىندا. مالىمەتتەرگە سايكەس، جارىستىڭ جۇلدە قورى 100 مىڭ دوللاردى قۇرايدى.
ايتا كەتەيىك، زارينا دياس جارتىلاي فينالدا جەرگىلىكتى تەننيسشى ناومي برەديدى 6:3، 6:4 ەسەبىمەن جەڭگەن بولاتىن. بريتاندىق سپورتشى رەيتينگتە التىنشى ورىندا كەلەدى.
مانچەستەر قالاسىنداعى جەڭىسىنەن كەيىن زارينا دياس جاڭارتىلعان رەيتينگىدە 74 ورىنعا كوتەرىلدى. قازىرگى ۋاقىتتا ول 133-ورىنعا جايعاستى. قازاقستاننىڭ ءبىرىنشى راكەتكاسى اتاعى ازىرگە يۋليا پۋتينتسەۆانىڭ ەنشىسىندە. سوڭعى رەيتينگىدە ول 42-ورىننان 44-ورىنعا سىرعىدى. ال تاعى ءبىر وتانداسىمىز ياروسلاۆا شۆەدوۆا 47-ورىننان 48-ورىنعا ءتۇستى.
ال الەمنىڭ ءبىرىنشى راكەتكاسى اتاعى ازىرگە نەمىس انجەليك كەربەرگە تيەسىلى. ەكىنشى ورىنعا رۋمىنيالىق سيمونا حالەپ ورنالاسسا، ۇزدىك ۇشتىكتى چەحيالىق كارولينا پليشكوۆا تۇيىندەپ تۇر.