• Қазақ
  •   
  • Qazaq
  •   
  • قازاق
  •   
  • Рус
  •   

    Qazaq samboshylary Úndistanda eki altyn júlde aldy

    Úndistannyń Nıý-Delı qalasynda sambo kúresinen jasóspirimder, jastar arasynda jáne erler men áıelder arasynda jaýyngerlik sambodan Azııa chempıonaty aıaqtaldy, dep habarlady  Semeı sport akademııasynyń baspasóz qyzmeti.

    Chempıonat 12-16 qyrkúıek kúnderi ótti. Jarysqa 21 memleketten kelgen 300-den asa sportshy Úndistanda baqtaryn synap, baptaryn baıqady. Bul baıraqty básekede Qazaqstan qurama komandasynan 30-ǵa jýyq samboshy qatysqan bolatyn. Otyz tarta oǵlannyń ishinde Semeı sport akademııasynyń úsh sportshysy ulttyq qurama sapynda el namysyn qorǵady. Jasóspirimder arasynda synǵa túsken Esentaı Imahanov 60 kg chempıon atansa, eresekter arasynda Rýslan Jarqynbaev 82 kg altyn medal aldy. 74 kg beldesken Shalqybek Rahmetollaev úzdik bestikke kirdi. Sport akademııasynyń bapkeri Birjan Imahanov Azııa chempıonatynda tóreshilik jasap, «úzdik tóreshi» dıplomymen marapattaldy.

    Aıta keteıik, bizdiń sportshylardy Úndi eline Qaırat Kúnsafın men Birjan Imahanov aparǵan bolatyn. Azııa chempıonatynda Qazaqstan quramasy 13 altyn, 7 kúmis, 1 qola medal aldy.

    Pikir jazý

    Your email address will not be published. Required fields are marked *

    *