• Қазақ
  •   
  • Qazaq
  •   
  • قازاق
  •   
  • Рус
  •   

    سەمەي سپورت اكادەمياسىنا «ەڭبەك ەرىنىڭ» ەسىمى بەرىلدى

    شىعىس ءوڭىرىنىڭ سپورت ۇستاحاناسى سەمەي سپورت اكادەمياسىنا گرەك-ريم كۇرەسىنەن قازاقتان شىققان وليمپيادا جانە الەم چەمپيونى، «قازاقستاننىڭ ەڭبەك ەرى» جاقسىلىق ۇشكەمپىروۆتىڭ ەسىمى بەرىلدى. داڭقتى بالۋان سپورت اكادەمياسىندا وتكەن سالتاناتتى جيىنعا قاتىسىپ، شاھار جاستارىمەن وقۋشىلارى، جاس سپورتشىلار قۇرمەتپەن قارسى الدى.

    جاقسىلىق اعانىڭ ەسىمىن ۇلىقتاپ جاتقان جاقسى جاڭالىقتى ەستىپ، ەلىمىزدىڭ ماقتانىشتارى، بايراقتى باسەكەلەردە قازاقتىڭ كوك تۋىن جەلبىرەتىپ، ءانۇرانىن اسقاقتاتقان سپورت ساڭلاقتارى دا كوپتەپ جينالدى. شىعىس قازاقستان وبلىسىنىڭ اكىمى دانيال احمەتوۆ سالتاناتتى شاراعا قاتىسىپ، جاقسىلىق ۇشكەمپىروۆتىڭ ەسىمى بەرىلگەن سەمەي سپورت اكادەمياسىنان بولاشاقتا وليمپيادا چەمپيوندارىنىڭ شىعاتىنىنا سەنىم ءبىلدىردى.  «ۇلت كوشباسشىسى، قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازارباەۆ «سپورت – ەلدىڭ مەرەيىن اسىرىپ، ابىرويىن تاسىتاتىن سالا» دەپ، سپورتتىڭ ماڭىزىن ايرىقشا باعالايدى. ءبىزدىڭ ايماقتا، ەلباسى تاپسىرماسى لايىقتى ىسكە اسۋدا»، — دەپ اتاپ ءوتتى دانيال كەنجەتاي ۇلى سالتاناتتى جيىندا.

    راسىندا، وبلىس اكىمىنىڭ تىكەلەي باسشىلىعىمەن قالامىزدا، سەمەي سپورت اكادەمياسى جانىنان سپورتتا دارىندى بالالارعا ارنالعان 200 ورىندىق جاتاقحانا بوي كوتەرىپ، گرەك-ريم جانە ەركىن كۇرەسىنە ارنالعان ءزاۋلىم سپورت زالى اشىلدى. زاماناۋي، بالاماسى جوق «اباي ارەنا» مادەني-سپورت كەشەنى دە ءوز ەسىگىن ايقارا اشۋعا جاقىن.

    بالۋاندى ورتاعا شاقىرعاندا، جاقسىلىق اعانىڭ بويىندا تولقىنىستىڭ باسىم ەكەنىن انىق اڭعاردىق. «سەمەيدىڭ توپىراعى كيەلى. وسى جەردىڭ قاسيەتى بولار، وليمپيادانىڭ التىن جۇلدەسى بۇيىردى. بۇل ماعان كورسەتىلگەن قۇرمەتتىڭ ەڭ بيىگى. مەن سىزدەرمەن باقىتتىمىن. شىعىس قازاقستان وبلىسىنىڭ اكىمى دانيال احمەتوۆ باستاعان ەل ازاماتتارىنا العىس ايتامىن. مەنىڭ ەسىمىم بەرىلگەن سپورت اكادەمياسىنان وليمپ شىڭىن باعىندىرار سپورتشىلار شىقسىن»، – دەپ تىلەك ءبىلدىردى جاقسىلىق اعا.
    جاقسىلىق ۇشكەمپىروۆ – كسرو-نىڭ ەڭبەك سىڭىرگەن سپورت شەبەرى، قازاقستاننىڭ ەڭبەك سىڭىرگەن جاتتىقتىرۋشىسى، «FILA كۇمىس»، «FILA التىن» وردەنىنىڭ، قازاقستان رەسپۋبليكاسىنىڭ ۇلتتىق وليمپيادا كوميتەتىنىڭ «قۇرمەت» وردەنىنىڭ، I دارەجەلى «بارىس» وردەنىنىڭ يەگەرى، بىرىككەن كۇرەس الەمى (UWW) حالىقارالىق فەدەراتسياسىنىڭ داڭق زالىنا ەسىمى ەنگىزىلگەن، الماتى، سەمەي، تاراز قالالارىنىڭ، الماتى جانە جامبىل وبلىستارىنىڭ قۇرمەتتى ازاماتى.

     

    ەرزات جانات ۇلى،

    سەمەي

    پىكىر جازۋ

    Your email address will not be published. Required fields are marked *

    *