• Қазақ
  •   
  • Qazaq
  •   
  • قازاق
  •   
  • Рус
  •   

    Semeı sport akademııasyna «Eńbek Eriniń» esimi berildi

    Shyǵys óńiriniń sport ustahanasy Semeı sport akademııasyna grek-rım kúresinen qazaqtan shyqqan Olımpıada jáne álem chempıony, «Qazaqstannyń Eńbek Eri» Jaqsylyq Úshkempirovtiń esimi berildi. Dańqty balýan sport akademııasynda ótken saltanatty jıynǵa qatysyp, shahar jastarymen oqýshylary, jas sportshylar qurmetpen qarsy aldy.

    Jaqsylyq aǵanyń esimin ulyqtap jatqan jaqsy jańalyqty estip, elimizdiń maqtanyshtary, baıraqty básekelerde qazaqtyń Kók Týyn jelbiretip, Ánuranyn asqaqtatqan sport sańlaqtary da kóptep jınaldy. Shyǵys Qazaqstan oblysynyń ákimi Danıal Ahmetov saltanatty sharaǵa qatysyp, Jaqsylyq Úshkempirovtiń esimi berilgen Semeı sport akademııasynan bolashaqta Olımpıada chempıondarynyń shyǵatynyna senim bildirdi.  «Ult Kóshbasshysy, Qazaqstan Respýblıkasynyń Tuńǵysh Prezıdenti Nursultan Ábishuly Nazarbaev «Sport – eldiń mereıin asyryp, abyroıyn tasytatyn sala» dep, sporttyń mańyzyn aıryqsha baǵalaıdy. Bizdiń aımaqta, Elbasy tapsyrmasy laıyqty iske asýda», — dep atap ótti Danıal Kenjetaıuly saltanatty jıynda.

    Rasynda, oblys ákiminiń tikeleı basshylyǵymen qalamyzda, Semeı sport akademııasy janynan sportta daryndy balalarǵa arnalǵan 200 oryndyq jataqhana boı kóterip, grek-rım jáne erkin kúresine arnalǵan záýlim sport zaly ashyldy. Zamanaýı, balamasy joq «Abaı Arena» mádenı-sport kesheni de óz esigin aıqara ashýǵa jaqyn.

    Balýandy ortaǵa shaqyrǵanda, Jaqsylyq aǵanyń boıynda tolqynystyń basym ekenin anyq ańǵardyq. «Semeıdiń topyraǵy kıeli. Osy jerdiń qasıeti bolar, Olımpıadanyń altyn júldesi buıyrdy. Bul maǵan kórsetilgen qurmettiń eń bıigi. Men sizdermen baqyttymyn. Shyǵys Qazaqstan oblysynyń ákimi Danıal Ahmetov bastaǵan el azamattaryna alǵys aıtamyn. Meniń esimim berilgen sport akademııasynan Olımp shyńyn baǵyndyrar sportshylar shyqsyn», – dep tilek bildirdi Jaqsylyq aǵa.
    Jaqsylyq Úshkempirov – KSRO-nyń eńbek sińirgen sport sheberi, Qazaqstannyń eńbek sińirgen jattyqtyrýshysy, «FILA kúmis», «FILA altyn» ordeniniń, Qazaqstan Respýblıkasynyń Ulttyq Olımpıada komıtetiniń «Qurmet» ordeniniń, I dárejeli «Barys» ordeniniń ıegeri, Birikken kúres álemi (UWW) halyqaralyq federaııasynyń Dańq zalyna esimi engizilgen, Almaty, Semeı, Taraz qalalarynyń, Almaty jáne Jambyl oblystarynyń Qurmetti azamaty.

     

    Erzat JANATULY,

    SEMEI

    Pikir jazý

    Your email address will not be published. Required fields are marked *

    *