Чемпиондар лигасында «Астана» қай командамен кездесуі мүмкін?

Бүгін Чемпиондар лигасының бірінші және екінші іріктеу кезеңіне арнап жеребе тартылады. Еуропаның басты турнирінде Қазақстан атынан «Астана» қатысады.

Қазақстан чемпионына «Жилина» (Словакия), «Кукес» (Албания), «Гонвед» (Венгрия), «Спартак» Юрмала (Латвия) командаларының бірі қарсылас атанады. Жеребе тарту рәсімі Астана уақыты бойынша сағат 16:00-де басталады.

Айта кетейік, елордалық ұжым 2015/2016 маусымында Қазақстан атынан алғаш рет Чемпиондар лигасында өнер көрсеткен. Аталған маусымда екі рет қарсыластарына есе жіберсе, төртеуінде тең түскен болатын.