• Қазақ
  •   
  • Qazaq
  •   
  • قازاق
  •   
  • Рус
  •   

    ۇلتتىق سپورت تۇرلەرىنەن فەستيۆال: جامبى اتۋ

    بۇگىن اقتوبەدەگى ۇلتتىق سپورت فەستيۆالىنىڭ جامبى اتۋ باسەكەسى اياقتالدى. بۇل تۋرالى ۇلتتىق سپورت قاۋىمداستىعى حابارلادى.

    فەستيۆالعا نۇر-سۇلتان قالاسىنىڭ، باتىس قازاقستان، قىزىلوردا، اقمولا، قاراعاندى، ماڭعىستاۋ، سولتۇستىك قازاقستان، قوستاناي، شىعىس قازاقستان، تۇركىستان، جامبىل مەن اتىراۋ وبلىستارىنىڭ مەرگەندەرى قاتىستى.

    ات ۇستىنەن ساداق اتۋدان باق سىناعان 13 ءوڭىردىڭ مەرگەندەرى اراسىنان جۇلدەلى ورىن يەلەرى انىقتالدى. فەستيۆالدىڭ التىن جۇلدەسىن 33 ۇپاي يەلەنگەن سۇرمەرگەن ەرالحان ايكوز ولجالادى. كۇمىس جۇلدە 2018 جىلعى قازاقستان چەمپيوناتىنىڭ جەڭىمپازى قاراعاندىلىق تالعات ومارباەۆقا، قولا جۇلدە اقمولالىق مەرگەن جالعاس قۇرمانعا بۇيىردى.

    ۇلتتىق سپورتتان  V فەستيۆالدا جامبى اتۋدان جەڭىمپاز، جۇلدەگەر اتانعان سپورتشىلار:

    1 ورىن – ەرالحان ايكوز (33 ۇپاي) (تۇركىستان وبلىسى)

    2 ورىن – تالعات ومارباەۆ  (25 ۇپاي) (قاراعاندى وبلىسى)

    3 ورىن – جالعاس قۇرمان (24 ۇپاي) (اقمولا وبلىسى)

    4 ورىن – ابزال تۋلىبەكوۆ (15 ۇپاي) (جامبىل وبلىسى)

    فەستيۆال جەڭىمپازى، بۇعان دەيىن جامبى اتۋدان تۇڭعىش الەم چەمپيونى اتانعان   ەرالحان مەرگەننىڭ سپورتتىق جەتىستىكتەرىمەن تانىس بولىڭىزدار.  ەرالحان جامبى اتۋ سپورتىمەن شۇعىلدانۋدى قر ەڭبەك سىڭىرگەن جاتتىقتىرۋشىسى عاني احمەتباەۆ باسقاراتىن  تۇركىستان وبلىستىق ۇلتتىق سپورت مەكتەبىندە 2014 جىلى باستاعان.  جاسوسپىرىمدەر جانە جاستار اراسىنداعى قازاقستان چەمپيوناتىنىڭ بىرنەشە دۇركىن چەمپيونى، «التىن جەبە» حالىقارالىق ءتۋرنيرىنىڭ ەكى دۇركىن جۇلدەگەرى (2017، 2018)، جاستار اراسىنداعى ءى ازيا چەمپيوناتىنىڭ كۇمىس جۇلدەگەرى (2019)، ەرەسەكتەر اراسىنداعى قازاقستان چەمپيوناتىنىڭ كۇمىس جۇلدەگەرى (2019)، «التىن جەبە» ءى الەم چەمپيوناتىنىڭ چەمپيونى (2019)، ۇلتتىق سپورتتان V فەستيۆالدىڭ جەڭىمپازى (2019).

    ەسكە سالا وتەلىك، ەرتەڭ اقتوبە ۋاقىتىمەن ساعات 10-دا كوكپاردىڭ فينالدىق ويىندارى باستالادى. سونداي-اق،  ءتورت جىلدا ءبىر رەت ۇيىمداستىرىلاتىن  V ۇلتتىق سپورت فەستيۆالىنىڭ  سالتاناتتى جابىلۋى، جەڭىمپاز سپورتشىلاردى ماراپاتتاۋ ءراسىمى تاماشالانادى.

     

    پىكىر جازۋ

    Your email address will not be published. Required fields are marked *

    *